منتديات الوئام - للمبدع ........عاطف

للمبدع

لمن اعجز الكثير بصياغة حرفه

وعذوبة مشاعره

للمبدع ابن المدينه

عاطف الشعر .........عاطف الحربي

عساك سالم بس هـذي ضروفي
.............. ازريت ابيّـنـها لغيرك من الناس

وانا لو انـْـهـا طايعتني حروفي
.............. ماكنت مثل ( اللحين ) بالحييييل محتاس

قلت : اكسر الروتين لابُـد توفي
.............. كم للورق ذابل ,, تمرّه بلا احـساس

لكنّ شوفي مو على قـد شوفي
.............. مرمي على شط السهر , واطرد انعاس..!

.
.

ماشفتني ...؟!

ماشفتني كيف اختـنقت ابـ كفوفي :
.............. حبر ٍ يعرّيـه السطر / يـزفر الباس

و ماشفت ذاك الوقت كيف ابـ وقوفي
.............. دمع الشوارع سال في دفتر الياس ..؟؟

.
.

لـلـه .. دامك حيّ .. هذي ( سيوفـي )
.............. خذهــا معاك وهات لي ارض و انفـاس ..

وللأرض ناس تموت , واليوم خوفي ..
.............. لاماتت ارض وعاش من بعدها ناس ..!

.................................................. ..........................................

الشمس كسلانه ورى زحمة جبال
............ كنْها تخاف تغيب ... وتغيب وتزول

وانا وحيد هناك وحروفي ازوال
............ بين انتظـار فصول وموادَع فصول

اتْـثـاقل ايديني واصابيعيَ اطفال
............ من طهرها ضاقت من ابياتيَ عقول ..!

يا أرض ياما بارت اوجيه وآمال
............ عليك .. وادبر صبح به زادت احمول

وياظلمة المسجون قولي للأغلال
............ لو طال ظُلمك ؟ لامتى الليل مقتول ؟؟

فوق الثرى تنبش مواويل رحّـال
............ جرح السنين وسيّـد الجرح مجهول

ينهال دمّـه واكذبه مابعد سال
............ ( ولـ يكتب التاريخ ) ماماااات مشلول

واليا انحنى في آخر التيه رجّـال
............ سترت وجهي عن مراياي مذهـول .!!

يعني كذا بنموت , بنموت جهّـال ..؟
............ يعني كذا بتعيش من بعدنا اطبـول .؟؟

يـ آآآه بيتك ممتلي هجر واهمـال
............ والمشكله ماني على الضيق مجبول

والا الحكي ( زحمه ) تنامت على جال ..
............ فوضى .. وانا فمّـي صغيّر علـى طول ..

ومن قال بُـعده عن اراضيه قتّـال
............ اكيييييد عاش بطيبة الصحب والقـول

ومابين حال وحال تتغير احــوال
............ وصدقني ياسلمـان لو جيت اباقـول :

من قال بُـعده عن اراضيـه قتّـال
............ اكييييد عاش ( بكذبة ) الصحـب والقول ..!

.. وياظلمة المسجون قولي للأغلال
............ لو طال ظُلمك ؟ لامتى الليل مقتول ؟؟

فوق الثرى تنبش مواويل رحّـال
............ جرح السنين و ( صاحب ) الجرح مجهول ..