منتديات الوئام

منتديات الوئام (http://www.alweam.net/vb/index.php)
-    || اوْرآق مُلَوَنة .. (http://www.alweam.net/vb/forumdisplay.php?f=1)
-   -   الهروب من المدرسة (http://www.alweam.net/vb/showthread.php?t=33535)

المهذب 24 / 03 / 2003 16 : 06 PM

الهروب من المدرسة
 
لماذا يتهرب الطلاب والطالبات من المدرسة ؟ ولماذا لا يقبلون عليها ؟ سؤال يتردد في أذهاننا(((( الغياب بدون عذر)))) فايكثر الهروب من الحصص والخروج الى أي مكان في المدرسة مثل الساحة ويتم معاقبة الطالب أو الطالبة على ذلك لكن مالذى يدعوالطالب أو الطالبة الى عدم حضور الحصة.. ننظر للموضوع هنا من منظورين : الهروب وهو (( الغياب وعدم المجئ للمدرسة))). الهروب وهو (( الحضور للمدرسة ولكن هروب داخل المدرسة )) وهذة مشكلة نعاني منهاكثير في مدارس البنين و البنات وقد سمعت في هذا الموضوع آراء وأقوال كثيرة دفعتني للكتابة عنه وعرض الرأي على اعضاء المنتدىلاأبداء الرأى في ذلك

مرتاد الافق 24 / 03 / 2003 53 : 06 PM

هلا والله الهذب

اقول وش دراك اني بغيب يوم الاربعاء

شوف عزيزي من وجهة نظري هي طريقة التعليم الممممممممممممممملة

لاحظ معي انا ما اعيب على المناهج بالذات الدين والعربي
بالعكس الدين في الثانوي بالنسبة للسعوديين يعتبر اخف من المتوسط

لكن باقي المواد شوف بالله كيف مناهجها

هذاشي
بعدين الشي الثاني
بعض المعلمين الله يهديهم يكرهك باليوم اللي هو فيه
من اساليب سوقيه في التعامل
الى التصرفات المملة اللي يعملونها بعض المعلمين
وانه يجلس يتكلممممممممممم طول الحصة ومايتيح جو من المشاركة او النقاش في الحصة

الشي الثالث
بالنسبة لي انا ادبي يعني كل المواد حفظ وش عندك فهم غير النحو

ومدرسنا مايعرف كوعه من بوعه في النحو واجلس مني فاهم شي بحصته

واضطريت لاول مره بحياتي اني اجيب مدرس خصوصي

فالمدرسة الان بالنسبة لي مالها لازمه

لولوة الغامدي 24 / 03 / 2003 39 : 11 PM

هلا اخوي المهذب
 
موضوع جميل جدا للنقاش
اعتقد ان الهرب من المدرسة
سواء داخليا او خارجيا يعود في
المقام الاول الى عدم شعور الطالب او الطالبة
بالراحه في المكان المتواجد فيه
نعم انه لايرتاح في فصله او مدرسته
وذلك يعود اولا واخيرا لعدة اسباب
قد يكون المعلم او المنهج
او حتى طريقة التعامل العامة في المدرسة


لي عودة اخوي
تحياتي

لولوة

المهذب 25 / 03 / 2003 12 : 05 PM

أخي مرتاد الافق
أنا العام الماضي كنت طالبًا في الثانوية العامة علوم طبيعية
و أنا متفق معك في وجهة نظرك

Mahsoon 25 / 03 / 2003 38 : 05 PM

أعتقد أن الهرب أمر سيء جداً ومن الأمور التي تنعكس سلبـــــــاً على التحصيل العلمــــــي للطالب . بمعنى أن الأسباب تعددت المؤدية للهرب والنتيجه واحده وهــــــي الرســـــوب .

قلة الوعـــــــي والمتمثلة إما في البيت أو في المدرسة تعد أهم الأسباب المؤدية للهرب لأن المدرسة والمنزل عنصران أساسيان لايمكن الإستغنــــــــــــــاء عن أحدهم .

وبما أن لكل قاعده شواذ فإن قليل من أسباب الهرب تكون وجيهة وموضوعيــــة وللأســـــــف لايحضرني مثال لها الآن .

أشكر أخي المهذب لإختيــــــــارهـ موضوعاً حساس وجيد جداً .

تسلم .

الوافية 25 / 03 / 2003 57 : 05 PM

موضوع راائع

وحطيت ايدك على الجرح يا اخي المهذب

بالنسبة الي انا شخصيا اذا كان في سبب للهروب من الحصص هو الحصص المتتابعة وراء بعضها البعض

وكأن الطالب ما يحتاج انه يرتاح ويرفه عن نفسة
فمثلا الحصة الأولى احياء والثانية كيمياء واللي عقبها فيزياء
وما تصدق تمر هالثلاث حصص علشان يطلع الطالب ويتنفس في الفسحة

فيضطر الطالب انه يترك حصة من الحصص المملة ويطلع برى الحصة علشان ما تتفجر خلايا المخ من كثر المعلومات
وكأن مخ الطالب آلة حشو للمعلومات
وبصارحة تكديس المعلومات بهطريقة هي المنفر الأساسي للطالب من الحصص
وخصوصا في الأيام اللي تكون المواد وراء بعضها
هذا عدا لأيام اللي يكون فيها 7 حصص هذا يوم العذاب

وبصراحة بالنسبة لي شخصيا اضطريت اني اهرب من بعض الحصص المقتطعة اللي تكون هي الحصة الزيادة في بعض الأيام

ولو تركوني اتكلم في هالمجال من اليوم لبكرة مستحييل رح اقدر اختم كلامي

فراح اكتفي بهالقدر

وانشالله لي عودة الى الموضوع

طارق 25 / 03 / 2003 02 : 06 PM

ايييييييييه يزمن

والله ماكنا نقدر نهرب من المدرسه

البواب قوي ونشيط وان كنت رجال بس مر من جنب الباب .. لو مانت بطالع :D

والسور عاااااالي يعني يبيلك اثنين من الطلاب يفزعون لك علشان تطمر
من فوق ظهورهم ومن ثم تمسط الاك على وجهك وداخل السور بعد :D:D
.. الا من عند شجرة النبقه اللي بالزاويه :D ( أكيد فيه احد يضحك )
ايه النبقه اللي دايم عندها اكياس مكرونه فاضيه :D :D:D
وهذي مسيطر عليها المراقب .. قال ايه قال ياخذ جوله تفتيشيه بالحوش :D:D .

اما عن الهروب عن الحصه داخل المدرسه .. فهذي مستحيله

المراقب ماشاء الله عليه طول النهار وهو يلف بحوش المدرسه

ويااااااااويلك لو يوشوفك . طبعا خايف على النبقه <--------<< :D:D

ماتصدقون قد شفته يحلتها بنعاله .. ونشبت النعله تكرمون فوق

غصن الشجره <<-----------<<<< عاد تعرفون أخوكم لقى فرصته

مايحب يحرج أحد خصوصا اذا كانت نعلته نشبه فوق غصون النبقه :D

قلت لازم استغل هالفرصه .. وأنا أمر من جنبه واقول ياأستاذ وش رايك اجيبها لك .. طبعا تغيرت ملامحه في البدايه لكن مايقدر ينكر (( حفيان )) :D:D

و طبعا ماصدق خبر .. قال تكفي بس لايدري أحد .. قلت مايخالف بس ترا اذا طلعت ماقدر انزل من هنا لازم انزل على الشارع

قال لايهمك وان بغيت روح لبيتكم .. بس وهقني يوم جيت من بكرا اكلتها علقه :D:D:D


بس تدرون اني صرت اهرب علشان النبقه ودايم القاه هناك .. صار خويي:D:D
طبعا مصالح مشتركه .. :D:D

طبعا انا ادري اني طولت عليكم .. بس بغيت اقول ممكن يكون الهروب علشان النبقه أو لمجرد وجود فرصه للهروب

تحياتي


الساعة الآن 03 : 06 PM بتوقيت السعودية

Powered by vBulletin® Copyright ©2000 - 2024, Jelsoft Enterprises Ltd.
new notificatio by
9adq_ala7sas

[ Crystal ® MmS & SmS - 3.7 By L I V R Z ]