قمة شعور وقمة الشاعرية=لاجيتني يانور . . نور (ن) . . على نور
يسعد مسا ليلاتك العامرية=ما ضّفّت الجنحان . . جنحان عصفور

مابغى هدية . . شوفك أكبر هدية=هو فيه أحد يشبع من البيض .. مقشور ؟!
لولاك ماغنيتها . . راعبية=ولولاك ماصفيتها . . صف طابور

ياسيد سادات القلوب الوفية=يامرتكز باقصى المعاليق . . مسمور
يا أصدق ميانات الخوي مع خويه=لا قابله صدفة على باب مهجور

ماكنت اصدق فكرة الجاذبية=ولا كنت قبل اعرفك . . محتاج دكتور
حتى اعتراني من غرامك خطية=واصبحت مذنب قدم نفسي . . ومعذور

ولو ينتعالج عنك فالصيدلية=ماشفتني يوم أزعج . .الآه .. مقهور
تكفيك مني مزنةٍ عقربية=مالازم العب لك على سبعة بحور

تعرف غلاك ولهفة الشوق فيّه=وأنته طبيب ولمستك لاعبه دور
خذني من اطرافي . . شوية شوية=أستغفر الله العظيم أنتهى الدور !

بغيت أفجّر . .قنبلة فارسية=متشبعة يورانيوم . . عدّها تثور !
وأمنّتّها بالحارسات الذكية=ولا تنحسب كلمة . . وهي وسط حنجور

تقدير للشجعان . . والشاذلية=وآخر . .من يصفق . . إذا فيه . . جمهور!
هذا الهوى وأفعاله المنطقيه=راعيه لازم تلحقه بعض الآ مــور . . !


تمت على محمد صلاة وتحية=ولافيه مثل الله . . (نور‘ على نور)

الأخ الغالي

(( التـاج ))

صح لسانك مليون وسلمت يمناك

وبيض الله وجهك على هذه الراائعة

وستظل شاعر مبدع ومميز كما عهدناك

وعسى ربي ينور عليك يابعدي

تقبل مروري المتواضع

كل الود والتحايا
أبو عادل