لاضاق صدري .....،،
لا ضاق صدري رحت للبر حطاب
وشبيت ناري في صحاري خلاها وسط الفياض اللي بها أزهار وأعشاب ريح الخزامى فايح(ن) في مساها استرجع الذكرى على رأس مرقاب وأرسم لقلبي صورة(ن) ما نساها دنياك تلبسلك عبايه وجلباب وتخفي غدر سود الليال وجفاها شفت القمر يوم اكتمل صار جذاب نورليال(ن) مظلمه في سماها ترى العمر مثل القمر طل ثم غاب أغنم حياتك لا تكدرصفاها حافظ على الطاعه قبل يقفل الباب ثم يتبين صحها من خطاها اليوم فعل الطيب راعيه ما خاب عند الرجال اللي بعيد(ن) مداها الطيب يبقى يا فتى الجود لوشاب في شجرة(ن) سيل المكارم سقاها والبيت ما يبنى بلا أوتاد وأطناب ومن لا بنى يسكن مذاري هواها ..... مما راق لي..... |
رد: لاضاق صدري .....،،
الله الله الله شموووع
انتي اكيد تبين اليوم اسحب ع الدوام وطلع للبر انتي منتي بعارفه اني ماصدق خبر طيب شمووعه شموع الله لايضرك اختيار موفق وهذه شموع ذوق دائم سلمتي اختي ودمتي بخير وصح لسان الشاعر |
رد: لاضاق صدري .....،،
يسعد صباحك المبتهج بالأشعار شموعه وش هالزين يالزينه راق لي ما راق لكي غاليتي جداا روعه
كلمات تحمل الجودوالأصاله اختيار رائع وموفق يا الغاليه |
رد: لاضاق صدري .....،،
استرجع الذكرى على رأس مرقاب
وأرسم لقلبي صورة(ن) ما نساها دنياك تلبسلك عبايه وجلباب وتخفي غدر سود الليال وجفاها الله عليك شموووع يسعد صباح إطلالتك البهية .. استرجع الذكرى على راس مرقاب , يا كثر شرايط الذكرى اذا الشخص خلا مع نفسه في موقع هادي خالي من الإزعاج .. ابيات ترسم لنا رموز الحكم والنصائح والمواعظ ويجد الشخص هذه الأبيات وكأنها تتكلم بلسانه وتصف حاله لما فيها من العِبَر التي أتت عن تجربة ,,, تسلم اناملك شمووووع ويسلم ذوقك يا أجمل الذوق ... |
رد: لاضاق صدري .....،،
صح لسانك
ابدعت كفيت ووفيت |
رد: لاضاق صدري .....،،
صح لسانك علي هالنص الرائع والجميل والله يعطيك العافيه علي أختيارك الموفق كل التوفيق لك انشالله |
رد: لاضاق صدري .....،،
[QUOTE=شموع الغربية;858785]لا ضاق صدري رحت للبر حطاب
وشبيت ناري في صحاري خلاها وسط الفياض اللي بها أزهار وأعشاب ريح الخزامى فايح(ن) في مساها استرجع الذكرى على رأس مرقاب وأرسم لقلبي صورة(ن) ما نساها دنياك تلبسلك عبايه وجلباب وتخفي غدر سود الليال وجفاها شفت القمر يوم اكتمل صار جذاب نورليال(ن) مظلمه في سماها ترى العمر مثل القمر طل ثم غاب أغنم حياتك لا تكدرصفاها حافظ على الطاعه قبل يقفل الباب ثم يتبين صحها من خطاها اليوم فعل الطيب راعيه ما خاب عند الرجال اللي بعيد(ن) مداها الطيب يبقى يا فتى الجود لوشاب في شجرة(ن) سيل المكارم سقاها والبيت ما يبنى بلا أوتاد وأطناب ومن لا بنى يسكن مذاري هواها الله منقول رائع ياشموع كروعتك وليس غريب عليك وصح السان شاعرها الحكيم لان لايكتب الحكمه الاحكيم وتلك هم قلايل من الشعراءالذين يكتبون مثل ذلك ونعم الاختيار رائعه بكل ماتكتبين يارائعه ولاتكفي تحياتي وتقديري دمتي لنا |
رد: لاضاق صدري .....،،
اقتباس:
لا لا كل شي ولا الدوام عاد انا اجازة وناويه بر اما المداومين يقضبون ارضهم:surprised بس ماش جونا مايساعد الا بحاله وحده اطلع بالليل وارجع الصبح ،،،،، الاروع مرورك اخوي ،،سلمت كلك خيي وصح بدنك مشكور اخوي على المرور الطيب،،اسعدك ربي دووم بكل خير |
رد: لاضاق صدري .....،،
اقتباس:
وصباحك اسعد واسعد يارب،، الزين وجودك اضفى على متصفحى جمالا ازدانت به،، الاروع مرورك يالغلا،،مشكوره عزيزتي موج على ردك الرائع،، ربي يسعدك دووم ولا يحرمنا منك |
رد: لاضاق صدري .....،،
اقتباس:
شرفتنا بمرورك ويسعد جميع اوقاتك سيدي اكيد غير كذا الشعور اللي راح يحس فيه بعد مايختلي بنفسه ،،وخاصه لو كان ببر وديره مطر:sad3: صحيح فالحكم نتاج التجارب وجميل لو استفدنا منه سلمت اخي،،،الذوق مرورك لاخلا ولاعدم مشكور ابو خالد على المرور اسعد ربي ايامك بكل خير |
الساعة الآن 04 : 08 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas