|
السلام عليكم ورحمة الله وبركاته
مساء الخيرات قصيدة بنت لحبيبه ليلة زواجه تووووجع القلب
جاني الخبر يا صاحبي واظلم الكـــــــون = قــدام عــينـي ثـم نــطقـت الــشــــهـاده على العــمــوم اقــولـها الف مـليــــــــون = مــبـروك مـن قــلـب شكـــالــك ابـعاده مــبروك لا يهمــك سواليف وضـنـــــون = مـن عــاشــق يــهديك فـــرحة فـــؤاده ســو الــفرح اليوم وابليس مـــلعــــــون = اللــي يشــب الـــنار يــجني رمــــاده انـــا اول الــــعـالم على القصر يلفــــون = اول مــــعـازيم الـــــفـــرح والــحــداده ابشر انا برقص على العرس بالهــــــون = كـــــل يـــــعـبـر فـــرحــتـه بــاجتهاده لــــو الـــبلا رقــــصي يقولون مزيـــون = الـــمــشكلــه الــقلب يــفـضـــــح وداده يـــوم الـعذارى في دخــولـك يغنـــــــون = وعــروستك باحلى ثــواني السعــــــاده كــنت اتــمنــى بـــدالها والـله اكــــــون = واحـط انـا كـفي تحت راسك وســــــاده واشلون ابكتم صرختي يوم تمشـــــــون = تـــكــفى .. خــذنــي للعروسه قـــــــلاده حتــى مــعـازيـم الفرح قامو يمشــــــون = واصبــحت انــا وحدي بدون استفـــــاده وطـــفو عــلي الــنور مــن غير يدرون = قــصر الــفرح يـا قـبر ( نوف ) ومهــاده وصــيتي لـو جــاك بــنت وانــا امــون = سمــيتــها لك (نوف) قــبل الــــــولاده ايــــــــــــه و كـل يعـبر فرحـتـه باجتهاده |
قال : مجروح ؟ جاوبته نعم = قال : ماشوف بك اثار دم قلت : وان كان في ذاتي النزيف = قال : ما به نزيف من عدم قلت : وان خان بي اغلا حبيب = قال: وهم بنيته وانهدم قلت : ماعذبك يوم الفراق = قال : درب وتمشيه القدم قلت : ما به سوى جلدك شعور = قال : غيره فلا احس بالم ياوسيم الناس لو قلبك وسيم = واكرم الناس في غير الكرم عندك الظلم عدل ٍ في الهوى = و اعدل العاشقين اللي ظلم انت لو كان في حبك حياة = كان خلى حياتك له طعم اتعس الخلق من يرجي هواك = ما اضيع النبض في قلب الصنم بدر بن عبدالمحسن |
موضوع جميل جداً وفاءً لصاحبته وتقديراً لجمال مايكتب هنا اقدم هذه القصيده
تعالي نسكت أحسن من كلامٍ تاليته جروح=هلا بالصمت دام الصمت مايجرح مشاعرنا انا وانتي وطول الصمت والدمعه وكثر البوح=وليلٍ مابقابه حيل ينهانا ويآمرنا بكى ماكنّه اللي كان يغرينا فرح ومزوح=سكت ماكنه اللي كان ملهمنا وشاعرنا توحّي تسمعين الليل مدري وش بلاه ينوح؟=على ضحكاتنا ولا على كسرة خواطرنا اذا يبكي من الفرحه علينا علميه يرووح=واذا يبكي حزن تكفين قوليله يسامرنا ويجبر خاطرٍ قامت هواجيسه تجي وتروح=يشوف الحال ويكف السؤال اللي محيّرنا صحيح انّا صبرنا واعتبرنا صبرنا مصلوح=ولكن مابقى شيٍ عقب هذا يصبّرنا دخيل العاتق اللي له ورى ليل الجديله ضوح=وفي جاه الشفاه اللي بنسمتها تعطرنا وفي وجه العيون اللي بقى للدمع فيها روح=لأجل خاطر ليالينا وماضينا وحاضرنا تعالي نسكت احسن من كلامٍ تاليته جروح=نحب بصمت دام الصمت مايجرح مشاعرنا للشااااعر العذب/ رشيد الدهام |
توحّي تسمعين الليل مدري وش بلاه ينوح؟
.. .. .. .. .. على ضحكاتنا ولا على كسرة خواطرنا اذا يبكي من الفرحه علينا علميه يرووح .. .. .. .. .. واذا يبكي حزن تكفين قوليله يسامرنا ايه .. يساااااااامرنا تسلم يمناك .. محمد السبيعي |
يا صاحبي قلبي غدى قلب ناضج = ما عاد يخفق لابتسامه و غمزه ولا عاد قلبي يسلبه كل داعج = ماهوب غرورٍ هو شموخ و معزه راح الزمان اللي به القلب ساذج = لو شاف نظره عابره قال .. نغزه قلبي تعلم بالمحبه .. منااااهج = كل مايحب بصدق محدٍ يعزه جرح المحبه ما يطيب او يعالج = لا الحين اشعر من اثرها بوخزه صدقني درب الحب مابه مخارج = اسأل مجرب هزه الحب هزه وبعد المحبه ملتهي بالبرامج = عايش حياتي دوم كاشخ و رزه قلبٍ يحب وقلب سالي و باهج = ياخوي حب .. و تبتلي كل حزه |
السلام عليكم ورحمة الله وبركاته الأخت الغالية ( سديم ) الله يعطيك الصحه والعافية على مجهوداتك المميزه والواضحه للجميع ومعذرةً على تقصيرنا فالمشاركة والمساهمة معك ولو بالقليل وأعتقد أن التوقيع المتواضع الذي أهديناه لك حذف رابطه من الموقع المحمل عليه لذلك هذا الرابط أن شاء الله للأبد على صفحتي الخاصة http://www.geocities.com/mis_feernow/sdeem_2.gif
طـال الـسـكـون وعـسـعـس الـلـيـل حـيـران = تـاه الـنـجـوم .. وضـيـعـنــّه بـطـولـه مـلّ وسـرى لـمـعـانـق الـنـور عـجـلان = شـق الـظـلام ولالـقـا الصـبح حـولـه ويامـحـسـن اللي مـرتـوي عـقـل وجـنـان = مـن شعـر راسـه لـيـن اصـابـع رجـولـه لله درّك ... يـا سـلايـل ( حـويـضـان ) = ويـن الـمـقـال اللـي يـطـولـك وانـولـه ؟ قدرك يـسـكـّت راقـي الانـس والـجـان = ومـرقـابـك اصـعـب مـن طـلـوعـه نـزولـه حتى وانا اللي حابس ( الشعـر ) بـعنان = واروّض اللـي مـاتـَروّض خـيـولـه ياما قـطـفـتـه "ورد" من روس الاغصـان = ويـاما .. لـمـسـت بـطـعـم كـفـي ذبـولـه .! حتى.! لمحـت الشوك بـكـفـوف عـمـيـان = ورحت انـبـش الـتـاريـخ عـن جـرح دولـه تـلـعـبـي افـكـاري عـلـى كـفـ ر بـان 2 .. !!! = مـدري جـهـل ..! والا "بـراءة طـفـولـه" !؟ الحـاصـل انـي جـيـتـك الـيـوم بـلـشـان : = بـ / شـلـون اقـول الـلـي بـنـفـسـك تـقـولـه..!؟ والـعـاقـل اللـي يـركـب لـسـانـه حـصـان = أمـا صـدق .. والا خـث ـع فـيـه قـولـه ,, :هـذا الـزمـن مـاهـو مـثـل كـل الازمـان = يد و ر فـيـنـا عـكس مـنطـق فـصـولـه .!!! الـشـي وضـده .. راحـو بـصـورة اقـران = والـمـذهـل انـّا.. مانـحـس بــذهـولـه !؟ صار الـردى يـرجـح ورى كـل مـيـزان = والـطـيـب وزنـه مـايـجـي ربـع " تـولـه " النـاس صـارت لاقـرب النـاس عـدوان = والـمـشـتـكـي مـنـهـم / عـليـه اشتكـوا له يا ( مال ) شـق الجـيـب لاصـار لـه شـان = وخـلاك " رمـزٍ " مـن رمـوز الـبـطـولـه يـتـبـعـك مـقـفـي ويـتـذكـرك نـسـيـان = ويـقـبـلـك رافـض لـيـن تـرفـض قـبـولـه يـخـضـع لـك اصـعـب مـاتـمـنـيـت مـنـهـان = وتـذل "حـلـم " .. كـان حـلـمـك تـنـولـه وصـاحـبـك ضـاقـت غـربـتـه يـاكـحـيـلان = عـارض هـواه .. وطـاولـنـَه حـمـولـه حـظـه عـلـيـه يـعـظ كـفـه بـالاسـنـان = والـدرب مـرّ .. و لا تـهـيـّت ذلـولـه أيـام تـمـشـي بـي عـلـى كـل عـنـوان = عـجـزت أمـيـّز عـدلـهـا مـن مـيـولـه أحيان ( تِـضحكني ) و ( تضحكبي ) أحـيـان..! = وأحـيـان : مـدري ضـحـكـهـا ويـش هـولـه.؟ مـتـشـابـهـات وبـيـنـهـا الـفـرق شـتـان = تـقـبـل/ وتـقـفـي/ صـاحـيـه/ ومـهـبـولـه أشـعـر بـشـيٍ مـاشـعـر فـيـه أنـسـان = والله مـدري كـيـف بـالـشـعـر اقـولـه : أشـوف نـور الـصـبـح والـصـبـح مـابـان = وأبـكـي وداعـه قـبـل لـحـظـة وصـولـه . تحياتي وتقديري؛؛ |
| الساعة الآن 08 : 07 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]