سرقتك بالزمن لحظه وعشتك بالفراق اوقات
 

كذا يعني .. كذا فجأه .. تغير كل شيً فات
كذا زالت مواثيق الغلا والحب من ذاتك !!

كذا كنتي .. كذا صرتي .. كذا خيبتي الهقوات
كذا .. والا كذا .. ضيعتي دروبي وخطواتي !!

انا مل الامل فيني .. يدور للشفاه اصوات
عجز صوتي ينادي لك .. قضى قلبي من سواتك !!

نصيتك والوفا زادي .. رحلتي والقلوب اشتات
مصايب والرجا خايب .. تقود خطاك رغباتك !!

كبيره طعنتك هذي .. تعودتي على الطعنات
غريبه حيل ذا المره .. ولاهي مثل طعناتك !!

سألتك بالذي خلى عيونك تذرف الدمعات
تكف الدمع لاتجني على خديك دمعاتك !!

انا ما قد خبرت اني تعمدت اجرحك بالذات
وانا ماهمني غيرك اعيش من اجل مرضاتك !!

سرقتك بالزمن لحظه وعشتك بالفراق اوقات
ولا ادري وش بقى لي بالعمر من دون لحظاتك !!

أحبك .. رحت ادور في قواميس البشر كلمات
عجزت القى حروفٍ تستريح بصدر كلماتك !!

أحبك .. يا ندى فجر الجروح وصحوة العبرات
أحبك .. كلمـةٍ تبكـي معـانيها على شفـاتك !!

تظنين الوفا كلمه عجب واصل الوفا وقفات
صغير الشي في ظنك يصير اكبر معاناتك !!

تردين الخطا يمي .. تزيدين الالم شرهات
وانا صمت الشقا فيني حكى من كثر شرهاتك !!

توالت كلها فجأه .. تعاظم بالحشا صدمات
يجي يوم وتواري شمسنا من ليل صدماتك !!

ذكرتك .. والدروب اللي تعانق خطوتك بالسكات
وانا ما زلت اسافر بين نظراتك وضحكاتك !!

ذكرتك .. وانطفى جمر الكلام وذابت الشمعات
سهرتك واستفزيت النجوم بليل خصلاتك !!

تعالي .. واذرفي دمعك على قلبٍ كثيره مات
تعالي .. واخذي الباقي يفيد لوقت عزواتك !!

تعالي .. لاتخلين السنين المقبله تقتات
من افراحي ولحظاتي وطرباتي .. وسبحاتك !!

تعالي .. وواعديني .. لاشقا .. لاكذب .. لاغلطات
ترى ما للصبر باقي على كذبك .. وغلطاتك !!

تغيرت ولا ادري وش جرى .. وش غير النيات
سألتك واعتكف برد الجواب فـ معطف آهاتك !!

تقولين انت في راحه .. واقول من القهر هيهات .


منقووووول

::



::

قالت نوال الكويتيه..


انت طيب هذا هو اللي يهم ..انت طيب وغير هذا مايهم ..


..


ابدعت بنقلك مشاري..لاتحرمنا من ذوقك الحلو..

..

يسلمووو دمع

ومشكوووور على مرورك وردك

مشاري

سلمت يداك على المنقول الجميل

وصح لسان شاعرها

هيهااااات

نصيتك والوفا زادي .. رحلتي والقلوب اشتات
مصايب والرجا خايب .. تقود خطاك رغباتك !!
.
.

رااائعه

كلك ذوق مشاري

تسلم يمناك
.
.
.

نصيتك والوفا زادي رحلتي والقلوب اشتات
مصايب والرجا خايب تقود خــــطاك رغباتك

كبيره طعنتك هذي تعودتي على الطعنات
غريبه حيل ذا المره ولاهــــي مثل طعناتك


اخي مشاري ما شاء الله عليك عندك ذوق رائع
يدل على اختيارك لهذه الأبيات الأكثر من رائعة

تسلم يمينك فقد أحسنت الإختيار
وصح لسان الشاعر ..

الله يسلمك محمد


ومشكوووور على مرورك وردك

الله يسلمك سديم

والله لا يحرمنا من هالطلة

ويعافيك ربي ملكة


والله لا يحرمنا من هالطلة