منتديات الوئام - وزارة التربية تسمح بالاختلاط

السلام عليكم ورحمة الله وبركاته

والله اول مررررة اقرا الخبر دا

بس دا شي فعلا كويس وممتاز وانا من رأيي بصراحة انو يكون كل صفوف المرحلة الابتدائية

بس عندي وجهة نظر مختلفة شويه رغم اني ما اشوف مشكلة في انو اولاد وبنات يدرسوا مع بعض في الابتدائي

لكن الاحسن طبعا انو للسنوات التلاتة الاولى بس اولاد وبنات وبعد كدا يبقى اولاد لوحدهم وبنات لوحدهم في فصول مختلفة

على انو تبقى جميع سنوات المرحلة الابتدائية والله وحتى المتوسطة مافي مشكلة

انو الي يدرسهم معلمات مو معلمين

بس يكون الشي دا محدد بسن معين يعني بمجرد يوصل الولد لعمر 16 سنة حتى لو لساته سنة خامسة خلاص يتنقل ليلي ويدرسوه رجال

حتسألوا ليش بأؤيد الشي دا

اول شي لانو المعلمات بالهم اطول وطرق تدريسهم للاطفال احسن فيها نوع من التربية والعناية بالسلوك والحالة النفسية الى جانب الحنان
وطبعا الطفل في السن دا طفل مو كبير يجوز له يختلط بالبنات وبالحريم مافي لا في شرع ولافي ملة شي منع من كدا نجي احنا نمنعها بس عشان مخاوف مالها اي اساس منطقي صحيح
يا عمي انس بن مالك كان يخدم في بيت الرسول عشرة سنين

لا نفهم الدين غلط

تاني شي ما يخفى على احد فيكم ابدا الاستغلال الجنسي للاطفال من المدرسين الرجال خاصة لمراحل الابتدائي والمتوسطة

خلونا نكون صريحين 20 % من مدرسين الابتدائي او عشان لا نزعل احد 10 % منهم فيهم شذوذ جنسي وكلنا نعرف الشي دا ولاحد يجي ويقول لا والله مافي

طيب دا مو شي مررررررررررررررررة خطير يا عالم حاجة ما تتقبل

اطفال صغار ما يفهموا حاجة ويجوا المدرسين ويمارسوا معاهم اللواط والله قلة حيا

وبصراحة كدا ما ابغى احد ينط لي ويعارضني في الشي دا عشان لا نتكلم في كلام كبير

والوزارة عارفة بالشي دا ويمكن دا من اهم الاسباب الي خلت الوزارة والقائمين ع التعليم بانهم ياخدوا التوجه دا

ع الاقل انمي الطفل يكون عنده ميول طبيعية مو شاذة

انا اؤيد القرار دا ومن زمان والله وانا انادي للشي دا

اطفالنا بحاجة للحماية

وعلى فكرة حتى حماية من السواقين وحراس المدارس والعماير ومن اشياء كتيييير

كنت قد تناقشت في الموضوع دا مع مسؤول كبير فاكر في انو احنا في ازمة ولازم يتلاقى لها حل

وان شاالله نبدا نمشي في الطريق الصحيح وننظر للامور بميزان صحيح لا بمجرد اتباع افكار نتوارثها ابا عن جد من غير ما نعرف اصل الشي في الشرع وبس نقول هذا ما الفينا عليه اباءنا

يا جماعة كفار قريش السادة اغلبهم ما اسلموا لانو خلاص صعب تغير انسان تربى وورث شي تجي تغيره فيه
الاسلام بدا بالشباب والضعفاء ، لازم ما نحصر افكارنا بمنهج قديم وعادات بالية بتاخدنا لورا وتؤخرنا عن العالم

اتمنى من كل انسان معارض انو يجيب دليل شرعي يمنع تطبيق القرار دا ولا يكرر كلمة نخاف ونتخوف انو يسير كدا وكدا

ازا نقعد نمنع نفوسنا نعمل ونقدم على عمل شي بمجرد الخوف وزرع الشكوك والاوهام عمرنا ما حنعمل حاجة ومكانن سر ودا يساق على كل توجه للتقدم

في نفس الوقت ما نخالف النصوص الشرعية والسنة النبوية

ولكم خالص تحياتي

الحجاج