قصيده وردها خلف وبورائد
بعد التحيه للجميع كتب الشاعرخلف الجابري
ابيات وعجبتني ورديت عليها وحبيت انقلها هنا ويشرفني ان اجاري شاعرمثل خلف الجابري شاعر متمكن وغني عن التعريف ياخي صباح الخير صارت عاده=قلت اقلب الموجه على الودادي ياوجد حالي يالغلا الوداده=اللي تصبحني بود وكادي في كل صبح وصبحها معتاده=معودتني بالصباح الشادي لبيه ياصوت الغلاواسعاده=ولبيه ياصوت الصباح البادي في كل يوم احبها بزياده=رصيدها بالثانيه يزدادي فديتها وش جاب طاري غاده=ماهي بغاده بس قافي ادي!! هذي صراحه والصراحه عاده=ولا اسمها ولا بلاش انادي خلوا حبيبة قلبي الوداده=في وسط قلبي والغلامتمادي رديت بهذه القصيده خلف ثمين الشعرسقت اجداده=من دلتك ومزوده بقنادي كيفت راسي لين تم اقعاده=من كيفك الي منه طاب مدادي كيفك مصفى يروي الوراده=من غالي الاثمان كفك جادي اومن حب مايهنا لذيذ رقاده=وضعه قلق دايم ولاهوهادي قلبه بنارو دا يمن وقاده=دايم يعيش بحسرتٍ وسهادي الي عشق لوهوقوي إراده=دايم وفكره مع حبيبه غادي اصعب معانات الغلا وانكاده=لازادة جروح الفراق جدادي عزي المن خله يزيد بعاده= والحب الاول شي ماهوعادي |
رد: قصيده وردها خلف وبورائد
صح لسان خلف وصح لسانك يابورائد وكلكم شعار جزلين وانا من المتابعين لكم
|
رد: قصيده وردها خلف وبورائد
اقتباس:
الشاعرابوشجاع صح لسانك ونت شاعرجزل ونتشرف بردك وشعرك تحياتي لك وتقديري |
رد: قصيده وردها خلف وبورائد
مجاراة أكثر من رائعة والدليل أنها
جرت بين شاعرين عملاقين .. صح لسان الشاعر خلف وصح لسان الشاعر ابو رائد .. |
رد: قصيده وردها خلف وبورائد
|
رد: قصيده وردها خلف وبورائد
صح الله السنتكم شعراءنا ابدعتوا بدون أي مجاملة ولا يستغرب عليكم لما لكم من باعٍ طويل عاد انا بعد ما قريت ابياتكم لابد ما تصفحت بعض الصفحات من دفتر الذكريات وجادت قريحتي بهذه الأبيات أتمنى ان ترتقي إلى مستوى قصائدكم ولو ان اخرها كان يميل للطرافة لكن اكتبها لكم كما هي وين المطر يالمزنة الرعادة = على خفوقي دنّي الرعادي طفّي لهايب شبّها القصّادة = شفت القصيد وولعت لاإرادي قلبي حزين وما قريته زاده = صحّا جروحٍ نائمة بفؤادي حب قديم ونظرتي ميلاده = وانا اعتبرها من الغلا ميلادي كان اوله بالعمر سكر سادة = لكن تال الوقت مُرّه سادي ثم احتضر والله كتب ميعاده = واليا بغيت الصدق هو ميعادي أنا عنيد وهو قويّ عناده = ولا يرد عناده الاّ عنادي والاّ رقبتي للغلا سدادة = والقلب لعيون الغلا سدادي حبه لعبّي لعب ابو عرادة = اللي مسبب للمرور اجهادي كم انطرد لكن ما احدٍ صاده = يطمر رصيف ويعكس الأسيادي راكب ونيتٍ منقطع عداده = من سرع مشيه قاطع العدادي مجنون تلّه لين وصّل ماده = ومن قوة التفحيط جاء متحادي ونزل وراح يدوّر الإعادة = وقام يتخيل فلمها ينعادي اللعب والتفحيط هو امراده = ما غير بين الكازينو والنادي وابوه ما يدري طريح وسادة = غير الولد سردادي ومردادي يا مبعثر الذكرى وجتك إفادة = لا عاد يوم دبي والودوادي لعل وبل المزنة الرعادة = يطفئ لهيب النار وسط فؤادي |
رد: قصيده وردها خلف وبورائد
الله الله الله صح السنتكم يامبدعين مجاراة رائعه من شاعرين مبدعين عبدالمحسن صح لسانك اشهد انك ظالمنا وظالم الوئام! يااخووي لاتبخل علينا :smash: |
رد: قصيده وردها خلف وبورائد
لهلهلهلهلهلهلهلهله
ماشاء الله تبارك الله وربي ابداااااااااااااااااع ومجاراه رااائعه صحت السنتكم وابدانكم مدد بلا عدد امتعتونا بصراحة متعكم الله بمايسركم جميعها جزله من جزالة اصحابها :: الشاعر العذب عبدالمحسن مجاراه راائعه وبقووووووة اما ان كان مثل ابو عراده ماعاد بووه طب :furious3: جزل جزل لاهنت صح لسانك مدد بلا عدد لافضت افوهكم جميعا وسلمتم على ابداعاتكم الرائعه لاتبخلوا بها فطمعنا بكرمكم اكثر. دمتم بكل خير وسعاده وكما تحبون |
رد: قصيده وردها خلف وبورائد
|
رد: قصيده وردها خلف وبورائد
الله الله الله
اجتمعتوا ثنينكم وثنينكم مافيكم حيله خلف وابو رائد ألف شكر على اعطائنا الفرصه للأستمتاع بما تنثرونه من ابداعاتكم تقبلوا مروري |
الساعة الآن 49 : 01 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas