|
رد: يوميات الأعضاء
اقتباس:
الله يسلمك أختي المتميزة رانيا، وإن شاء الله يكون أستاذي وافي اليوم أفضل من أمس. بالعكس كانت مشاركتك في الموضوع مهمة. يوم مبارك بإذن الله. |
رد: يوميات الأعضاء
جدا طرح مناسب ابدعت ي عبدالله كالعاده
والحمدالله عدت وفعلن اذا البيت فاضي تجنب المصعد وسوي رياضه على الدرج مايضر كم يوم :e-r_030: الحمدالله على السلامه وافي وماتشوف شر عليك بالشوربه والفلفل الحار >>>عن تجربه :eek2: بنمر كل يوم هنا عشان نتطمن ونشوف وش صار ما صار :088: |
رد: يوميات الأعضاء
اقتباس:
الله يسلمك اختي الكريمة الجوهرة أشكرك على جميل مرورك، وعلى اقتراحك شربة الفلفل الحار (أو شربة الطراطيع) كما يسميها البعض لأستاذي وافي. فهي فعلاً سريعة المفعول. أن شاء الله نراك يومياً، وننتظر منك كم موقف مفيد أو طريف منك. دمتِ بحفظ الله. |
رد: يوميات الأعضاء
موقف جديد استخدمت خدمة "أوبر" اليوم في الرياض متجهاً إلى المطار، وكان صاحب المركبة شاباً لطيفاً تبادلت معه الحديث حول شئون مختلفة وخاصة حول مجال عمله، وروى لي موقفاً حصل له يوم أمس وهو كالتالي: - يقول أعطتني والدتي كيساً لأحد معارض الملابس الشهيرة وبداخله قطعة من الملابس وفاتورة شرائها حتى أقوم باسترجاع قيمتها. ونظراً لأن الوقت كان مبكراً فقد وضعت الكيس في شنطة السيارة حتى لا يأخذه أحد الركاب بالخطأ خاصة وإن معظم ركابه من النساء. يقول: أثناء دوّامة المشاوير ركبت معه عائلة وكان معهم أغراض وضعوها في شنطة السيارة وعندما وصلوا مكانهم فتحت لهم الشنطة ليأخذوا أغراضهم منها. بعد الظهر تذكر الكيس واوقف السيارة ليطلّع على الفاتورة حتى يعرف الفرع الذي أشترت منه والدته تلك القطعة، وحينما فتح الشنطة لم يجد الكيس حيث تم أخذه بالخطأ أو عمداً من قبل العائلة التي ركبت معه. وهنا وقع في حيره فهو لا يريد أن يقول لوالدته بأنه فقد الكيس، وفي نفس لا يعرف المبلغ المطلوب استرجاعه حتى يدفعه لأمه ويقول لها أنه استرجعه من المعرض. ولكنه أخيراً اتصل بها قائلاً لها بأن الفاتورة فيها مبلغين واحد قبل الخصم وواحد بعد الخصم، ويود أن يعرف منها مقدار المبلغ الذي دفعته لهم "حتى يدخل في عيونهم" على قوله. وهنا أبلغته والدته عن المبلغ فذهب وسحبه من الصراف وأعطاه إياها عندما عاد إلى البيت. يقول إنه تعلّم درس وهو أنه عند الحاجة إلى فتح الشنطة سينزل من السيارة ليتأكد بأن الركاب سيأخذون أغراضهم فقط. |
رد: يوميات الأعضاء
/
الله يسلمكم جميعاً مع الشكر للجميع لدعواتهم الصادقة الحمد لله والشكر لازالت علة الرخوم وماقيل لها تصارعني واصارعها ودها تسدحني ولازلت اقاوم ومدبك باشغالي والحمد لله اقتباس:
|
رد: يوميات الأعضاء
/
موقف امس كنت مشغول امس ولا لحقت اشارك فيه موقف طريف ويرفع الضغط في نفس الوقت هذا رجل صار بيني وبينه تواصل عن طريق موقع الكتروني للبيع والشراء كان عارض سلعة وكانت وسيلة الاتصال هاتفه الجوال هاتفته لغرض الشراء ومن ضمن الكلام قال ماحدني على البيع الا الظروف ومن ضمن الظروف فواتير لاحدى الادارات الجكومية ملزم بسدادها خلال شهر كأقصى حد والا ستكون النتيجة كيت وكيت عاد اخوكم فيه لقافة زي مانتم عارفين قال للرجال خل سلعتك عندك لاتبيعها وباكلم لك رجال بالادارة اللي تطالبك ونشوف وش يقدر يسوي قال بيض الله وجهك ورحم الله والديك قلت بس هذا اللي ابغاه :e012: وبوقتها كلمت الرجال اللي ابغاه يشوف له حل قلت له تكفى يافلان رجال عزيز علي ووو . عاد انا والله مااعرف الا اسمه المستعار اللي بالموقع :d098: لكن تكفى ياصاحبي الرجل عرف علاقتي بك وجاني يدور الفزعة والرجل عزيز علينا وظروفه ووو ومن هالكلام اللي مايخفاكم . . قال ابشر . . زودني برقم هويته الآن اشوف وضعه بالسيستم واقول لك وش ممكن نقدر نسووي له واخذت رقم الهوية من الرجل وارسلتها لصاحبنا . . شيك ع السيستم قال باخدمك بشغلتين مع انها فيها مغامرة لكن ربك يستر اولاً تخفيض ع الفاتورة وشغله ثاتية (اللي هيه) قلت بسسس كفيت ووفيت وبيض الله وجهك ياذيبان . قال ابشر وطبعاً بعد اسبوعين راحح يتم تحديث السيستم ويتضح التعديل والاجراءات اللي نفذناها ورجعت للرجال وانا فرحاااان لفرحته بهذا الانجاز الذي لم يكن يتوقعه وسيفرحه كثيراً وبشرت ابن الحلال وفرح وانبسط وماخلا ولا بقى من الدعاء الله يتقبل منه ومرت الأسبوعين والرجل كل بعد كم يوم يكلمني يسلم ومنها زي اللي يقول لاتنسى وخلك معي لين ماينتهي الموضوع وعدت الاسبوعين المهلة اللي اعطاها لنا الرجال عشان يتعدل الوضع في السيستم ووالله ياجماعة انها عدت ثقيلة علي واكيد عليه ايضاً لان المووضوع فيه شوي مغامرة وخفت انها ماتنجح وتنقلب فرحة الرجال حزن ووقفتنا معه ترجع بلا نتيجة :e406:ومرت الاسبوعين وهاهو اليوم المنتظر قد جان وهنا كانت المفاجأة او النكته او الصدمة او ماادري صراحة مااسميها لكن الفجر أذن وبأقوم اصلي ولاحفين ع خير / |
رد: يوميات الأعضاء
اقتباس:
اقتباس:
تقبل الله منك :0d30424e61f1: ... بالنسبة لي اليوم انحطيت في موقف محرج ~> من اربع ساعات :12793983387: من عادتي اذا طلعت مع اَي احد ونزلت السوق اذا جيت عند المحاسب اطلب اللي معايا مفتاح سيارته وارجع للسيارة :e-r_030: اليوم رجعت للسيارة ولقيت المفتاح مو راضي يتحرك ! رحت سحبت اقرب شي جنبي اظنه فرامل والا مدري اش هو ~> ما اعرف اسمه وابغا اسوق :88: المهم وأشغل السيارة في نفس الوقت وانا اسحب وترجع السيارة لورا واخبط اللي ورايا خبطة خفيفة وبسرعة أرجعه لمكانه واسحب المفتاح :567: الحمدلله انو الرجال يوم شاف ام نقاب راح كمل طريقو ولو اني دارية انه قاعد يسبني في نفسو :88: بالاخير قعدت زي الطيبين كأني ماسويت شي وبس :088: |
رد: يوميات الأعضاء
أسعد الله صباحك أستاذي وافي وصباح الجميع بكل خير الحمد لله أنك أحسن، لكن يظهر أنك لا زلت بحاجة إلى الراحة الله يمتعك بالصحة. بعدين تعال: وش هالنهاية المشوقة اللي تخلينا ننتظر بقلق وترقّب؟ المهم كمّل القصة بعد الصلاة مباشرة ... لا تروح تفطر. حفظك الله. |
رد: يوميات الأعضاء
اقتباس:
وش هالبراءة؟ ... أبداً ما سويتي شيء .. أظنه هو اللي صدم سيارتكم من وراء ... ههههه ... اظن الرجال تذكر حادثة الحلاق اللي دخلت عليه سيارة إلى داخل صالون الحلاقة ومات، وكان السائق وحدة ست، وقال خليني أنفذ بجلدي قبل ما يجيني شيء ثاني. ما كان يسبك أبداً: هو كان يقول الحمد لله اللي جت على كذا. الحمد لله على سلامتك أختي رانيا، أسعدتني سلامتك ومشاركتك. |
رد: يوميات الأعضاء
اقتباس:
وبس !! اللي يسمعك يقول ماسوت شيء وش هالبراءة يالطيففف :76421274: اولاً الحمد لله على السلامة ثانياً طالما عرفتي تشغلي السيارة معناه انك تقودي السيارة او انك خطوتي اولى الخطوات للقيادة . وبداية موفقة ان شاء الله دام اولها صدمة من الخلف لأن السواق في الأمام يعني ان شاء الله انك في امان :53460898: ثالثاً الراجل الطيب اللي صدمتيه ومشي وهو ساكت يسلم عليك ويقول ماكنت ناوي ابلعها واسكت لكن خفت انزل وتعرفني وتنحرج . لذلك مشيت منعاً للاحراج :76421274: اممم اجل تسوووقين يارانيا هاااا والله مانتي هينة ماشاء الله عليك :12793983389: \ |
| الساعة الآن 40 : 05 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]