يا بو خليف الليالي شفتها شابت = يا شيب عيني من الدنيا وما فيها
والنفس يا خوك من دنيا العنا طابت = ما فيه شي يشجعها ويحييهـــا
والنظرة اللي حسبت احسابها خابت = والروح صوت الهلاك اصبح يناديها
والشمعه اللي مولعها بعد ذابت = واصبحت وسط الظلام اخطاي اداريها
لا شفت غلطت رفيقي دمعتي رابت=في وسط عيني ولا ادري وين اخبيها
نصيحة المخلصين مع الزمن عابت = ما يقبل النصح من ضيع مباديـها
كلٍ على وجهته وافكاره انصــابت = لو كان نفسه يعذبها ويشقيهــا
والكلمه الطيبه جابت وما جابت = كل عكس فهمها ما احدٍ يدانيهــا
اعقول بعض البشر عن فهمها غابت = والحاضر ابليس بايعها وشاريها
للشر تقدم سريع وعنه ما هابت = ما للعقول الحكيمه من يراعيها
والحقد مثل الشجر بقلوبها نابت = اعقولها بالنمايم دوم تسقيها
ما اعم كل البشر بعض البشر ثابت = على مباديه بالطاعات حاميها
الخير موجود والايام ما سابت = نقرأ ونسمع علوم الخير نوحيها
واختامها شبت والايام ما شابت = من كثر ما شفت بالدنيا وما فيها

يامرحبا والليالي طبعها ثابت=ترحيبة اللي ورى بغداد يوحيها
حي الجواب الـذي صدره على آبت=من هاجس اليابسي عجزة على إيها
قوافي ٍ من صميم الهاجس أنسابت=تحمل فـ طياتها عنوان راعيها
ما يستمع هرجة الشــّـمات والكابت=اللي ما تبغى العرب تنفع بنيخيها
لاكن ساير زمانك واقطع الثابت=اللي يؤدي إلى تحقيق أمانيها
لوجست خيفة ونفسك منهم أرتابت=دوس الأفاعي على مفهق علابيها
وأن كان قوم المذله ما بعد iتابت=النار ما تحرق ألا رجل واطيها
كم واحد ٍ في قفاه أصحابه أغتابت=وهو على نيــّـته يمشي ويتليها
ناس ٍ تحابي بعضها وناس ما حابت=لولا المخافة من الله قلت أساميها
وأقوم قومت ملك منه العرب هابت=أو قومت شعوب في تحرير اراضيها
هيضتني يا سليل المجد والنابت=في حلـّـة العز والنية مصفيها
بأبيات شعر ٍ مشـاعر شاعر أنتابت=شعور فية الاسى بيــّـح خوافيها
تشكي ظروف الزمان وحيل متكابت=يعينك الله على بقعاء وبلاويها
وختامها طابت الأبيات ما شابت=لو شابت الروح ما شابت قوافيها

لا شفت غلطت رفيقي دمعتي رابـت = في وسط عيني ولا ادري وين اخبيها
نصيحة المخلصين مع الزمن عابـت = ما يقبل النصح من ضيـع مباديهـا
كلٍ على وجهته وافكـاره انصابـت = لو كـان نفسـه يعذبهـا ويشقيهـا
والكلمه الطيبه جابت ومـا جابـت = كل عكس فهمها مـا احـدٍ يدانيهـا
اعقول بعض البشر عن فهمها غابت = والحاضر ابليس بايعهـا وشاريهـا
للشر تقدم سريع وعنه مـا هابـت = ما للعقول الحكيمـه مـن يراعيهـا
والحقد مثل الشجر بقلوبهـا نابـت = اعقولهـا بالنمايـم دوم تسقيـهـا