منتديات الوئام - يوميات باقي أفراد العصابة مع موظف السنترال 00سمير بيك 0

يوميات موظف 907
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:

المكالمه الاولى :
الموظف سمير : الو ..استعلامات الدليل سمير الــ......, مرحبا
لولوة : الو .. ممكن لو سمحت تعطيني رقم بيت محمد ابو سحابة ؟
الموظف : وين ساكن اختي لو سمحتي؟
لولوة : ساكن هنا قريب منا .
الموظف سمير : وين قريب منكم بالظبط .
لولوة: ياخوي هنا جمبنا جارنا ماتعرفون رقمه .
الموظف سمير : ياعزيزتي انا مادري انتي وين بعد .
لولوة : اقول والله ماعندك ماعند جدتي بس .
طوط طوط انقطع الخط

المكالمه الثانيه : صوت ناعم
الموظف سمير: الو ..استعلامات الدليل سمير الــ......, مرحبا
طيف الخيال : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه
الموظف سمير: اي فرع تبغون رقمه .
طيف الخيال : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس .
الموظف سمير : بيموت من الضحك بس ساكت ... طيب خوذي فرع العليا اجل
طيف الخيال : ياخي ليه ماتضحك .. لايكون انت صاحب بيتزا هت ..مالت عليكم وعلى دمك .
طوط طوط انقطع الخط

المكالمه الثالثه : بقايا الأمل ترفع الضغط
الموظف سمير: الو ..استعلامات الدليل سمير الــ......, مرحبا
بقايا الأمل : الووووووو عطني رقم وشسمه ..هذا..وشسمه ياربي .. ايه ... حمود بادي فرج
الموظف سمير : طيب خذي رقمه ؟؟؟؟؟؟؟؟؟؟
بقايا : لحظه ابي رقم ثاني بعد . ابي رقم هذا وشسمه ... مانع فالح سامي00 الموظف : طيب خذي رقمه ؟؟؟؟؟؟؟ (ممنوع اكثر من اسم في مكالمه)
بقايا : طيب ابي واحد ثاني هذا رقم ابو نادر عمي سعد .
الموظف سمير: اتصل مره ثانيه لانه ممنوع اكثر من رقم في اتصال واحد .
بقايا : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي .
الموظف سمير: يخرج من طوره ( اقول اسمع ............. طوط طوط قفل الخط

المكالمه الرابعه : كانت صوت ناعم
الموظف : الو ..استعلامات الدليل سمير الــ......, مرحبا
بنت عنيزة: عوافي اخوي .
الموظف سمير : الله يعافيكم يارب ........ ( اول مره احد يعطيه روح معنويه)
بنت عنيزة : لا انا قصدي ابغى مطعم عوافي اللي في العليا .
الموظف سمير : طيب خوذي الرقم ؟؟؟؟؟؟؟؟؟؟؟؟؟

المكالمه الخامسه : كانت صوت ناعم اوي
الموظف سمير : الو ..استعلامات الدليل سمير الــ......, مرحبا
سحابة: مرحبا اخوي ممكن تعطيني مستشفى العيون للولاده .
الموظف سمير : كيف ..؟؟؟؟؟
سحابة : مستشفى العيون للولاده .. تسمع يا اصقه .
الموظف سمير : يبي يصرفها المكالمه مسجله طبعا ( هذا رقمه غير معلن ) .
سحابة : طيب ظف وجهك .
طوط طوط انقطع الخط .

المكالمه السادسه : كان صوت ناعم.. بنت
الموظف سمير: الو ..استعلامات الدليل سمير الــ......, مرحبا
عاشقة : هلا اخوي ممكن تعطيني رقم صيدلية السقاف
الموظف سمير: تفضلي الرقم ؟؟؟؟؟؟؟؟؟
عاشقة : لا لا لا هذا رقم صيدلية السقاف اللي في الروضه
الموظف سمير: طيب ايش فيها .
عاشقة : ماهي زينه ... مايبيعون الا فقس ..
طوط طوط انقطع الخط .

المكالمه السابعه : كانت فتاه ايضا
الموظف سمير: الو ..استعلامات الدليل سميرالــ......, مرحبا
جوناء: عيوني.
الموظف سمير: بلا هالكلام ايش تبغين ...............(عشان المكالمه مراقبه).
جوناء : لا انا ابي محل عيوني للعدسات والنظارات اللي في التحليه .
الموظف سمير : ايش اسمه عيوني.
جوناء: لا مو عيونك عيوني انا ياعيوني .
الموظف : خوذي رقمه ؟؟؟؟؟؟؟؟
جوناء: طيب شكرا لعيونك اللي كنها عيون بقره ...ههههههههههههههه عندها بنات يضحكون .
الموظف سمير طلع وترك الدوام .وراح يشرب عصير ليمون .

__________________