شروط التسجيل في المنتدى تموت من الضحك تعالوا

هذى الشروط من المشرف العام لأحد المواقع المشهورة فنيا" بعد ان جائته حالة من الطفش من كثر مشاكل الأعضاء والموقع وبحكم ميانتى علية اردت ان تشاركونى هذة البسمة فاقرؤو ماذا قال:::

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد الحرب الباردة

اعرفوا الشروط زين....وافهموها....و اللي ما يبي هالشروط جعل اصبيعاته اللي طقت على الكيبورد للكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا

بما ان هذا الموقع موقعي بلحالي لابارك الله فيكم وفي الساعة اللي فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط هي...

1- اللي يسب اي واحد من الاعضاء نبي نجيه وبنربط حواجبه في صدامات الكهرباء وبنروح ونطعس فيه باقرب طعس...همني قايلكم حنا ما نلعب

2- لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله ان امه داعيه عليه...لاني ابحتريه وقت صلاة الفجر بالعجرء وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه بالعجرء.....همني قايلكم حنا ما نلعب

3- اللي بيخربط بالدين ....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وابجدعه على خوص نخله...علشان ما يتعود لها همني قايلكم حنا ما نلعب

4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا ولا افهمكم...

5- الساحه الرياضيه لكم ثنتين...واللي ماهو هلالي لايوطوط فيذاك ساحة ابو جدي وانا حر فيها ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه حاجه تنوكل

6- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعة هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...ساحتنا وحنا حرين فيها

7- ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر...ليه ما سموها كلمة خشم ولا ضرس ولا مصران احول قصدي اعور.....طبعا قايلكم ساحتنا وحنا حرين فيها

8- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه مع علاباه...وبعدين بناخذه لا اقرب قليب...وبنغطسه وبنطلعه...ونغطسه ونطلعه الين ماهي خلف الين مايقول....اشهد ان الددسن سياره...واشهد ان قلبي ما هو بالشطاره ولا بالمصاله إن قلبي فن يا هوووووه واشر لي بالمنديل يا هووووه قال انا ماشي....اقول لا تكثر بربستكم يا هوووه....وش هالمسكه الغلط.....همني قايلكم ما نلعب...

9- قريتوا الشروط........هاه عجبتكم....فهمتوها... طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....

10- كلنا عيال قريه وكلن يعرف خيه...

11- همني قايلكم حنا ما نلعب

الان اسماء المنتديات بعد التعديل :-

* منتدى شخبط وخمبق .....المنتدى العام سابقا

* منتدى شاعر في المشمش......المنتدى الشعري سابقا

* منتدى مواضيع مهناش احد.....منتدى المواضيع الجاده سابقا

* منتدى معاهم معاهم عليهم عليهم....المنتدى الرياضي سابقا

*

* منتدى كن صديقي.....منتدى المواضيع المتميزه

بالنسبه للبريد ان شاء الله في السنه الجايه نفس هالحزه ما حنا حاطينه



موافق

غير موافق

تقبلوا مني كل الود والتقدير

((( ملطــــوش بدون أذن )))

الأخت العزيزة ( لافندر )

هلا ورحب فيك

سعدت بمرورك وتواجدك هنا وعساها ضحكه دائمه بالأفراح والسعادة

نورتي متصفحي بتشريفك وجميل حرفك

آآآلف شكر وتقدير لشخصك الكريم

تقبلي مني كل الود والتقدير

أخوي الحبيب ( مخاوي القمري )

هلا والله ورحب فيك

وأنا بعد أشهد أن الددسن سياره

سررت بتشريفك ومتابعتك الدائمه أخوي وجعلها ضحكه عامره بالفرح والسعادة دوماً

آآآلف شكر لمرورك الذي أنار متصفحي وتواجدك الذي أضاء ملطوشي .

تقبل مني كل الود والتقدير