اجمل قصيده قرأتها .. للرجال فقط .!!
إذا المراجل لبسة شماغ وعقال قل للعذارى يلبسنّ العمايم إذا المراجل لبسة شماغ وعقال =قل للعذارى يلبسنّ العمايم ما عاد يفرق زول حرمه ورجال =دام الفعايل تشبه البعض دايم المرجله ما هيب كلمه وتنقال =وتروح ما راحت هبوب النسايم وإلا خشونة صوت أو رفع الأثقال =أو رزة صدور وفعل الزلايم ولا هي بعد مفتاح موتر وجوال =وإلا ردى لسانن حديثه شتايم المرجله شيمه عن القيل والقال =رفيع نفس (ن) حر بالجو حايم المرجله عقلٍ وزن وزنه جبال =ودون العقل وش فرقنا والبهايم يا مسندي لو مايل الوقت بي مال =يا ابن عمي يا عظيم العزايم يا معرب الجدين من العم والخال =يا نخوة المفزوع وقت الهزايم المرجله يا خوي هي طولة البال =هي العزم هي الصبر فالظلايم فيها الكرم عزه دله وفنجال =فيها الكرامه عن ردى الطبع شايم والدين لامنه خذا القلب منزال =مشى طريق الحق وابليس نايم ومن لا عرف ربه في طيب الحال =لابد وقت الضيق بالهم هايم حتى صلاتك مع جماعات ورجال =في خيرها يا خوي نعم الغنايم ولامن نصف ليلك قم صفي البال =يا عظم أجرك بين ساجد وقايم ولا من رفع ربي له كل الأعمال =حسن الذكر لا قالو فلان صايم وخلك شريف القصد يا طيب الفال =سوء المقاصد فالبيوت الهدايم واحذر تبيع النفس في دب الأنذال =وتتبع خوي إبليس راع النمايم النفس خيل لك إذا كنت خيّال =ومن لا قوى نفسه قوته الهزايم ولا صرت ما تدري لو يش أنت رجال =والله خسارة فيك ذبح التمايم |
رد: اجمل قصيده قرأتها .. للرجال فقط .!!
نسقناها لك
كم تدفع ؟ اقتباس:
المراجل ماهي بالمظاهر اختيار موفق لكلمات رائعة ومعبرة سلمت يداك كلك ذوق ... |
رد: اجمل قصيده قرأتها .. للرجال فقط .!!
طال هجرك
صح لسانك قصيده معبره عن حال بعض الازوال كلك ذوق |
رد: اجمل قصيده قرأتها .. للرجال فقط .!!
وافي
الرائع مرورك طال عمرك وتشريفك متصفحي والتنسيق المحترم اللي ماعقدني غير طاريه الف شكر لتواجدك تحاتي |
الساعة الآن 01 : 07 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas