تجين نموت ..؟!




تجين نموت ؟
يجوز أن الممات أحلى
غريبه من الممات نخاف
أحد منا سبق مات ورجع خبّر
وش اللي في مماته شاف ؟
يجوز أن الممات أحلى
مدام إن السنين اللي
قضتنا بالحياة اعجاف
يجوز أن الممات أحلى
( بطعم الكستنا والتوت )
تجين نموت ؟
يقولوا
والحكي في ذمة الراوي
بإن اللي يموت يعيش
تجين نموت ؟
ونفهم ويش
معنى " يعيش " ؟
تعالي لحظه نتأمل
حياة الموت
يجوز إن الممات أحلى
تجين نموت ؟
تجين نموت ؟
نتكفن ؟
مدام أول فصل أبيض
أظن اللي بعد أحسن
وأظن فراق هالدنيا
سهل عادي ويتعوض
تعالي نجرب إنا نموت
ونفرح موت
ونترك من يبي يحزن
لحزنه لو يبي يحزن
وحنا نموت
يجوز ان الممات أحلى
تجين نموت ؟
تعالي
وانظري حولك
تبي قربي وأبي قربك
ولاني قادر أوصل لك
وفكرنا وفكرنا
وشحّت معظم حلولك
وأنا حلّي بإنا نموت
وبعد الموت نتلاقى
تعانق مهجتي سهولك
وخلينا من الدنيا
وخلي اللي يفوت يفوت
يجوز أن الممات أحلى
تجين نموت ؟
تجين نموت ؟
نتوفى
تعالي توسدي صدري
وخلي هالجفن يغفى
وأنا بغفى
إلين نموت
يجوز أن الجرح يشفى
بعد ما نموت
يجوز إنا إذا صحينا
بنصحى خارج المنفى
ونصحى في حياة الموت
ونبحر وحدنا ندوّر
على مرفى
بيقبلنا بامانينا
مثل ما احنا
يجوز إن الممات أحلى
تجين نموت ؟
تجين نموت ؟
يجوز أن الممات أحلى
غريبه من الممات نخاف
أحد منا سبق مات ورجع خبّر
وش اللي في مماته شاف ؟
يجوز أن الممات أحلى
مدام إن السنين اللي
قضتنا بالحياة عجاف
يجوز أن الممات أحلى
( بطعم الكستنا والتوت )
تجين نموت ؟



شعر // أكرم التلاوي

عازف الإيقاع ..
هلا بك وربي يسعد أيامك ولياليك..
سعيد بهذا التشريف عازف..

QUOTE=أبو خـ البجادي ـالد;798062]يا مرحبا اخي فواز

والف الحمدلله على السلامة

لك وحشة يا اخي من زمان غايب عسى خير ,,

اما الكلمات فلدي بعض التحفظ على بعض مفرداتها ..

وادعو الله أن يحسن الخاتمة لي ولك ولجميع المسلمين .[/QUOTE]


هلا بك ابو خالد ..

والله يسلم قلبك وياعساك ماتفقد غالي..

لا تسأل عن الغياب يا بجادي .

وعسى الله أن يلطف بحالنا أجمع..

اشكر لك مرورك وتعقيبك ..

اشاطرك التحفظ على مفردات القصيدة..

وأجمل مافي الشعر انه لا يحتمل أكثر من أن يكون شعرا..

مودتي ..