منتديات الوئام

منتديات الوئام (http://www.alweam.net/vb/index.php)
-    بوحْ الشعِر والنثر .. (http://www.alweam.net/vb/forumdisplay.php?f=3)
-   -   ححَيل..آحبك وآلوعد يوم آلقيآـآمةة!! (http://www.alweam.net/vb/showthread.php?t=87991)

♡. .JR7 15 / 11 / 2012 32 : 07 AM

ححَيل..آحبك وآلوعد يوم آلقيآـآمةة!!
 





http://dc09.arabsh.com/i/02652/p1pjr47h3yr6.jpg



إجرحيني لابغيتي .. كـان لك جرحي إبتسامه
المهم إنـك تكونـي يـا بعـد ذاتـي.. سعيـده



روحي له الحين يالله وإسمعي صــــوته وكلامـه
ولا تشــيلي هم قلبـي عيشـي دنيـاك الجديـده



قـــولي إنك ما عرفتي فـي الحيـاة إلا غرامـه
وقـولي إنك قبل حُبه تمشي فـي دربـك وحيـده



ولا تجـــيبي لي طــاري وتسمعـي منـه ملامـه
ســولفي عنّك وعنه وصيري عـن قلبـي بعيـده



وإن بغيتيني تعــــالي وعوّضي فينـي خصامـه
وصدقيني في النهايـه إنتـي وحـدك مستفيـده



دام قلبي من غـــلاتك..... ايتفـزز مـن منامـه
أشهـد إنه حيل حَبك مـن وريـده لـي وريـده



وكان همي بس اشـوفك طــايره مثـل الحمامـه
وإن فرحتي كنت أفرح وأكسر بيـوت القصيـده



كنت أشـــوفك في عيوني مثل (زرقاء اليمامـه)
وين ما قلــبك يسافـر كانـت عيونـي تصيـده



شفتي هذا الكـون كلـه بالرجولــه والشهامـه
لـو بغيتينـي أبيــده .. والله لعيونـك ابـيـده



كنت أحـــارب لجل حُبك والقوي أكسر عظامـه
وكان قلبي لك أسيـرٍ وكانـت عيونـي شهيـده



قلبي والله من عـــرفتك صرت مدري وش علامه
كل ما صــرتي في عيني شفت نبضاتـه شديـده



وقــدرك اللي إنحنى لي وقلت: عـز الله مقامـه
عالي قدرك في عيوني وكل مـا شفتـك أزيـده



إنتي لو عني تغيبي صـــارت جروحـي يتامـه
خافــي الله لا نويتـي ولا تضحـي فـي عبيـده



كنت أسهر من غــلاتك حتى ليلـي مـا أنامـه
وإنتي مشغوله بغيري ودوم أشوفك تحـت إيده



كان ودي بس احـظى بحـب قلبـك وإهتمامـه
والشعر عنّـك اقـولـه وأنتهـي منـه وأعيـده



كنتي أمنيتي بحيـاتي وكنتي في قلبـي مرامـه
وإن كتبتك في حـروفي صارت القصـه فريـده



وكنت أشعل لك كفوفي لجــل أنور لك ظلامـه
وإن خذيتي العلم منـي تطلـع علومـي أكيـده



حتى لما كـان يرمـي كلهـا فينـي سهـامـه
كنت أضحي في حياتي لـو نوالـك بالمكيـده



ما حشمتي قلب شخصٍ له شمـــوخ وله كرامـه
وما حسبتي حسـاب نـاسٍ همهـا بـس النقيـده



شاعرٍ ما رد حتى ...علـى لبّاسـي العمامــــه
وقلبك إنتي صار فجـأه والله يـا حلـوه يقيـده



في الزمن نادر وجودي ويا كثر فيه الرخامـه
وصار عــادي في زمنّا الأخـو يقتـل عضيـده



الحديـده فـي إيدينـي والقضيـه.. إتهـامـه
وإنتي القاضي وطبعاً ما تحسـي فـي الحديـده



مركبي الغرقان بسّــك لا تزيدي فـي حطامـه
كل ما ألمح نجـاتي صـارت أمواجـك شديـده



صدقيني حيــل أحبـك والوعـد يـوم القيامـه
ويل من هو كان يكذب وكانت ذنوبـه جريـده



إتركــيني لجل عينه .. كان لك حُبـه إبتسامـه
المهـم إنـك تكـونـي يـا بعـد قلبي سعيـده



إنسي اللي صـــار كله وصيري له منبع هيامـه
وإن ذكرتيني بغيابي قولي عـن روحـي فقيده



ما أبي مــــن قلبك إلا .. طول عمره والسلامـه
خلي بالك مـن زمانـك دنيتـك هـذي عنيـده


:cactusjac ممآ رآق لي..~


رحـــــــــيل 15 / 11 / 2012 43 : 09 AM

رد: ححَيل..آحبك وآلوعد يوم آلقيآـآمةة!!
 
...



مـــــــــوووجعه يا جرح
الله يسامحك

قمة الذوق والروووعه
راقت لي أنا بعد

يسلم لنا ذوقك

..

فتى الجميزه 16 / 11 / 2012 54 : 10 AM

رد: ححَيل..آحبك وآلوعد يوم آلقيآـآمةة!!
 
الاخ الكريم JR 7 شكراً لك على هذا الاختيار الراقي قصيده جميله
وما يروق لك يروق لنا سلمت يمينك وصح لسان شاعرها
ودمت متألق دائماً ولله يعطيك الف عافيه

خلف الجابري 17 / 11 / 2012 42 : 02 AM

رد: ححَيل..آحبك وآلوعد يوم آلقيآـآمةة!!
 
..
شكرا ياابعدي على جهوودك

وكلك ذووق

♡. .JR7 18 / 11 / 2012 54 : 06 AM

رد: ححَيل..آحبك وآلوعد يوم آلقيآـآمةة!!
 
اقتباس:

المشاركة الأصلية كتبت بواسطة رحـــــــــيل (المشاركة 938185)
...



مـــــــــوووجعه يا جرح
الله يسامحك

قمة الذوق والروووعه
راقت لي أنا بعد

يسلم لنا ذوقك

..


هههههههههههه افاا
الذوق صوبكك طال عمرك
سلمتتي خيتو

♡. .JR7 18 / 11 / 2012 55 : 06 AM

رد: ححَيل..آحبك وآلوعد يوم آلقيآـآمةة!!
 
اقتباس:

المشاركة الأصلية كتبت بواسطة فتى الجميزه (المشاركة 938214)
الاخ الكريم JR 7 شكراً لك على هذا الاختيار الراقي قصيده جميله
وما يروق لك يروق لنا سلمت يمينك وصح لسان شاعرها
ودمت متألق دائماً ولله يعطيك الف عافيه





آلعفو يابوي .. شاكراطراءك
سلم راسك يعافيك ربي

لاهنت ع المرور

♡. .JR7 18 / 11 / 2012 56 : 06 AM

رد: ححَيل..آحبك وآلوعد يوم آلقيآـآمةة!!
 
اقتباس:

المشاركة الأصلية كتبت بواسطة خلف الجابري (المشاركة 938226)
..
شكرا ياابعدي على جهوودك

وكلك ذووق




العفو يابوي والذوق صوبكك

لاهنت ع المرور عزيزي


الساعة الآن 31 : 11 PM بتوقيت السعودية

Powered by vBulletin® Copyright ©2000 - 2024, Jelsoft Enterprises Ltd.
new notificatio by
9adq_ala7sas

[ Crystal ® MmS & SmS - 3.7 By L I V R Z ]