|
مين تعرف؟؟؟؟؟؟؟؟؟
مسائكم ورد تضحك وتبكي هالسالفة ابوها الواسطه كيف تخليك سيد المكان والزمان يعني بالعربي احنا زمن من تعرف مو وش تعرف ******************************************** ماذا تعرف عن الواسطة ؟؟ * فكاهه القاضي و راعي الدجاجة جاء رجل ومعه دجاجة مذبوحة ( يعنى ميتة ) وكان رايح (لمحل الدجاج) عند راعي الدجاج علشان يقطع الدجاجة فقالة راعي الدجاج خلاص روح لك ربع ساعة وتعال لي تلقاها جاهزة قاله صاحب الدجاجة : خلاص اوكى * فمر قاضى المدينة على راعي الدجاج وقاله :عطني دجاج قاله راعى الدجاج : والله ماعندى الا هذى الدجاجة وهى لرجال بيرجع الحين قاله القاضى : خلاص عطنى اياها واذا جاك صاحبها قول له الدجاجه طارت قال راعى الدجاج : وشلون مايصير؟؟ هو جايبها ميته كيف ؟؟؟ قالة القاضى : اقول لك قول له كذا ولا عليك وخليه يشتكى ولا يهمك قال راعى الدجاج : اوكى والله يستر* * جاء صاحب الدجاجة عند راعى الدجاج وقال له وين دجاجتى ماخلصت قاله راعى الدجاج : والله دجاجتك طارت قال صاحب الدجاجة : وش تقوووول كيف؟؟؟ صاحى انت.. أنا جايبها ميتة وصار بينهم شد في الكلام وبغوا يتهاوشون فقال صاحب الدجاجة : امش معاى للقاضي علشان يحكم بينا هناك ويطلع الحق * *فراحوا للقاضي وعند ذهابهم للقاضي في الطريق شافوا اثنين يتهاوشون واحد مسلم والثاني يهودي فجاء راعي محل الدجاج يفرع بينهم ( يعنى يفرق بينهم ) ولكن إصبعه دخلت في عين اليهودي وفقعها فتجمع الناس ومسكوا راعي محل الدجاج وقالوا هذا اللي فقع عين اليهودي فصارت القضية قضيتين فوق رأسه * * فجروه للمحكمة عند القاضي فيوم قربوا من المحكمة حاول يفلت منهم وهرب وجروا وراه يلحقونه يبون يحاكمونه لكنه دخل في مسجد وهم وراه وركب فوق المنارة وهم وراه آخرتها طمر (نقز) من فوق المناره إلا وهو على شايب فمات الشايب من أثر طيحت راعى محل الدجاج عليه * فجاء ولد الشايب وشاف أبوه ميت فلحق راعى محل الدجاج ومسكه هو ومعاه باقي الناس فذهبوا به إلى القاضي فلما شافه القاضي ضحك يفكره علشان سالفة الدجاجة مادرى أنه عليه ثلاث قضايا 1) سرقة الدجاجة 2) فقع عين اليهودي 3 ) قتل الشايب * فعندما علم القاضي مسك راسه وقال عز الله انك جبت العيد فجلس يفكر القاضي وقال خلونا ناخذ القضايا وحدة بوحدة * المهم نادى القاضي صاحب الدجاجة قال القاضي : وش تقول في دعواك على راعى محل الدجاج قال صاحب الدجاجة : هذا ياقاضى سرق دجاجتي وأنا معطيه إياها وهى ميتة ويقووووول إنها طاااارت كيف ياقاضى؟؟ قال القاضي : هل تؤمن بالله قال صاحب الدجاجة : نعم أؤمن بالله ** قال له القاضي : ( يحيي العظام وهى رميم) قم مالك شي جيبوا المدعي الثاني * فجابوا اليهودي وقالوا هذا يا قاضى فقع عينة راعى الدجاج فجلس القاضي يحوس ويفكر ويطلع وينزل,,,,,** فقال القاضي لليهودي : دية المسلم للكافر النصف يعنى نفقع عينك الثانية** علشان تفقع عين وحدة للمسلم (راعى الدجاج ) فقال اليهودي : خلاص أنا أتنازل ماعاد أبى شي منه فقال القاضي : عطونا القضية الثالثة * * جاء ولد الشايب اللي توفى وقال : يا قاضى هذا الرجل طمر على أبوى وقتله ** ففكر القاضي وقال : خلاص روحوا عند المنارة وتركب أنت يالولد فوق وتطمر على راعى الدجاج** فقال الولد للقاضي : طيب وإذا تحرك يمين ولا يسار يمكن أموت أنا قال القاضي : والله هذى مو مشكلتي، أبوك ليش ما تحرك يمين ولا يسار؟؟؟؟؟؟؟؟؟؟؟؟؟؟؟؟؟؟ * * * مايستفاد : مهما جبت العيد ومهما كانت الجريمه، هناك دائما من يستطيع اخراجك منها مثل الشعره من العجين |
إيه والله هذي فيتاامين " و " تسوي كل شي مستحيل... هع
قصة جميلة جداً... يعطيك العاافية غزوولة... |
فقال الولد للقاضي : طيب وإذا تحرك يمين ولا يسار يمكن أموت أنا
قال القاضي : والله هذى مو مشكلتي، أبوك ليش ما تحرك يمين ولا يسار؟؟؟؟؟؟؟؟؟؟؟؟؟؟؟؟؟؟ ههههههههههههههههه حلووووة غزاااااله قال ايش .. قال ابوك ليش ما تحرّك يمين ولا يسار ,, اضحك الله سنك يا غزوووووووووله |
هههههههههه
والله انه القاضي الداهية اقتباس:
وانا شخصياً وقفت على قضيتين في احدى الدول العربية وكانت مثبته بالأدلة والبراهين ومع ذلك قام المحامي باخراج المتهم كالشعرة من العجين !! ... |
اقتباس:
يااخوي صار الواحد في الزمن يفكر يلقط من هالكباريه اي يمشون علومه وقت الزنقات.. بدل مايفكر يرفع مستواه العلمي او الفكري.. . . صباحك ورد يالبرنس ويسعد ايامك.. |
اقتباس:
يااخوي والله اذا فكرت فيها تلقاه صادز.. لو تحرك هالشايب كان مازحلط عليه هالمودماني الي مايدري وين اراضيه.. :laugh3:. . يسعد ربي صباحك وايامك يالبجادي.. |
اقتباس:
يااخوي وسع صدرك عندنا وعندك خير.. بس دورلك احد يشبكلك هالقاضي وتمشي الامور.. ولا لاتدور في ذمة وضمير القاضي.. والله مايحضرني الحديث الا انه بما معناه انه عندما يقام على قضية يجب ان يكون عليها ثلاث قضاة اثنان منهم في النار.. يدلك على ايش؟؟؟؟؟؟؟؟؟؟؟ يااخوي كبر مخدتك ماحولك احد... . . صباحك ورد وافينا.. |
هههههههههههههههههههههههه
ياساتر عليهم طيب كويس ان عندي غزاله اكبر واحلى واسطه :( |
لااااااااااااااااابدينا بحركات التصمغ والتلزق!!! سوري جدن جدن.. لاتعرفيني ولااعرفك.. اصلا في الامور ذي مااعرف ماماتي وباباتي.. فخلي هالكلام الزين تضحكين فيه على غيرنا>>>الله من الكشارة..الله لايوليها علينا.. :furious3: ياهلابك شروق ويسعدك ربي.. |
الله المستعان
بارك الله فيك غزالة |
| الساعة الآن 16 : 07 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]