رأيت في المنام كلاب جالسين على الكمبيوتر...
 

السلام عليكم

في أحد الأخوات سألت أحد الدكاتره المعروف بتفسير الأحلام قالت له رأيت في المنام كلاب جالسين على الكمبيوتر أو شيء من كذا؟؟

قال المفسر أو كما قال
ياأختي أنتبهي من المواقع التي تدخلينها وخاصة الشات لأن هؤلاء الكلاب هم الشباب الذين يلعبون على الفتيات فخذي الحذر ولاتدخلي مثل هذه المواقع.

طبعا هذا الكلام سمعته بإذني لكن بالنسبة لموضوع الشات أذكر مرة كنت رايح مقهى فعرفت ألعاب الشباب في الشات وكيف يلعبون على البنات يجون كذا خمسة شباب ويجلسون في المقهى كلهم في جهة وحده وكل واحد يجلس على جهاز ويدخلون شات واحد ونصهم يسوون نفسهم بنات والنصف الثاني أولاد ويجلسون يتغزلون في ربعهم والقصد علشان البنات الصج يسمعون هذا الكلام ويميلون للشاب صاحب هذا الكلام وتحاول تاخذه من الفتاة الي هي في الاصل صديقة علشان الضحية تحس انها انتصرت وتحس ان هذا الشاب فضلها هي على هذه...

ههههههههه والمضحك اشوف شباب والله في اول متوسط ثاني متوسط مطيح له وحده في ثانوي :Dلابعد اشوف واحد من الشباب يسأل خوية يقوله ابشرك طيحت فلانة يرد عليه خوية ويجلسون يتطنزون على هذه البنت ويشبعونها كلام وسخ...

والبنت تدخل على انه تسلية لكن في طرفة عين تشوف نفسها ضحية :confused:

اخوكم

هلا والله ببلسم الغربة والاحزان
 

مشكور اخوي بلسم الاحزان
وفعلن البنات يدخلونها تسليه ويخرجون منها
والله المستعان هيمانين ومفتونين
وقد نسي الشباب انه كما تدين تدان
فاليحرص على محارمه ان تنتهك اعراضهن