حبيبتي ... عساك للمـوت ..!!
حبيبتي .. عساك للموت فيني = دايم ارددها ولكن .. تخطيك لكن هذا اليوم عندي يقيني = ويالله لاتخيب رجا عبد يرجيك كنت انتظر فرصة وعيت تحيني = واليوم حانت يوم ربك بيرميك بالفجر انا امّيت للمسلميني = يوم المطوع غره المذّن الديك امّيتهم لو بعضهم مايبيني = وان ضاعت الفرصة فلا عاد بتجيك قريت واجهر زود بالظاليني = وبفم واحد قالوا آمين وارويك ارويك من سيل الدعاء ياضنيني = وكل على النية وانا بالدعاء اعنيك يارب سامحني وهذي يديني = باسمي وباسم اللي يصلون تدعيك ادعيك ودموع الفرح وسط عيني = يوم اتذكر قولك اطلب وانا اعطيك والعذر يامن بالهوى مبتليني = واقبل دعاء شخص يحبك ويغليك ابيك تعرف حالة العاشقيني = وابي الدموع اللي تضحكك تبكيك ابي صدى اناتك يعانق انيني = وابيك بالآهات تحيي لياليك ابيك تعرف فرق حر وسجيني = وابي تعرف القيد وشلون يدميك ابيك تعرف كيف مرت سنيني = مابين سجن وهجر سيد المماليك حتى تمنى قولتي لك تجيني = وحتى قبل ماقولها تقول لبيك انا عليك اشفق من ام الجنيني = وانا الذي يشرق اذا جاب طاريك وانا الذي منك العطش مرتويني = وياويلك من الله لو مت ظاميك الا اذا في خاطرك ماتبيني = قلها و باعكس للدعاء كان يكفيك قلها واقول آسف بعد واعذريني = وعن كل شرهاتي من اليوم معفيك اهم شي ارجوك لاتزعليني = الا الزعل من دونه بروحي افديك والخاتمة .. جعلك تموتين فيني = من شان موتك يحيي لميتٍ فيك من شان موتك يحيي لميتٍ فيك تخاااااااااااااااااااريف |
مســااء الخير
اهلين...وااافي.. <..تعوذ من الشيطـان..>.. ابيـات جميلـه.. صح لسـانك.. تحيـااتي :) |
اقول الوافي والله يا عندي كلام كثير على هذه القصيده
كل بيت حصلت .. له رد .. لكن مو شعر .. والله لو ماني خايف من ربي .. لأكتب وأكتب ..وأكتب .. لكن أخوي مبروك .. صرت إمام ... ما شاء الله تبارك الله لكن ليش المصلين ... ما يبغونك ... ما ينبغي لهم .. أو ما ينبغي لك أن تصلي بمن يكرهك ... المهم ... صدقت إنها تخاريف .. ومثل ما قلت لك .. وبعدين تقول .. تعكس الدعاء .. اشلون الله يغربل شيطانك يالوافي على كل حال .. اكتب وانا اضحك من سوالفك يالوافي لكن ... أهم شيء الا الزعل من دونه بروحي أفديك تقبل احترامي اخوي الوافي لشخصك الكريم .. تحيات اخوك ..... ا ل ح س ا م |
........
... هلا بك الصوت الهادي والله اني متعوذ من الشيطان ومن من لاتعوذ منه ثم المفروض انك تقول آمين عساها للموت فيك اللي مايحييها منه الا انت مو تقول تعوذ وتنسى الاهم الف شكر للتشريف وللاطرااء الرقيق والعذب سلمت منكم الابداع واليكم كلك ذوق شرفت الصوت الهادي .... |
........
... الحسام هي تخاريف تخاريف هذي مفروغ منها اما اللي مايبوني اصلي بهم والله معاهم حق لانه لو رجعت للحديث الشريف ( يؤم القوم ... الخ ) تلاقي انهم على حق لكن هم والله شكلهم مادروا عن الحديث كله غير ياخذوا بالظاهر اللي يقول ثوبه طويل واللي يقول ينتف الدقن وتعرف علوم ربعنا المهم انهم قالوا آمين وانتهينا ولاعاد انا مصلي بهم والله لو بخشم الريال :) الف شكر لتشريفك ولاطراائك الرقيق والعذب ولمداخلتك اللطيفة سلمت الحسام منكم الابداع واليكم كلك ذوق شرفت الحسام .... |
يابعد روحي تختيمـة القصيده..هي القصيده.. لكن حبيت أداعبك يالغالي.. تحيااتي :) |
أخي العزيز الوافي
أسعد اللــه مساءك اللــه ييعين الي بتموت فيك بتجننها تخاريف ،،،، كلمات رائعــــة وجميلـــة ،،،، كما هو معهود منك أخي العزيز يعطيك الف عافيـــة ،،، أخوك بوصالح |
........
.. اشكرك الصوت الهادي ادري انها مداعبة وردي ايضاً كان من باب المداعبة كلك ذوق .. |
.........
... لاوالله انا اللي الله يعينه والا هي ماهي بحاجة استغفر الله يعني وش عليها االف شكر لتشريفك ابو صالح ولاطراائك الرقيق والعذب بس لاتنسى انك ماامنت منكم الابداع واليكم كلك ذوق شرفت عم بو صالح ... |
[poet font="Simplified Arabic,14,crimson,normal,normal" bkcolor="" bkimage="http://al3yoon.8k.com/images/al_3beer/iloveyoupgbg.jpg" border="double,4,crimson" type=0 line=200% align=center use=sp char="" num="0,black"]
وافينا ..هاأنت تغير الوجهه وتعبر الخط الأحمر ..بكلمات لم تكن بالحسبان موت ..امامة ...المطوع لكنها اضفت على القصيده لمسات الجمال ابدعت كعادتك لاحرمنا الله من مدادك الخصب لك مني عذب المنى وخالص التحايا [/poet] |
الساعة الآن 36 : 09 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas