منتديات الوئام - ما ابغي اقول ان السبب من تجافيك

يوم نشدوني عن دموعي وانا امك
جاوبتهم وابعدتهم عن طواريك
ما ابغى اجرحك في كلمة تزيد همك
ما ابغى اقول ان السبب من تجافيك

يومي لمست الصدر في يوم ضمك
نسيت انا الي حولي وقمتنا أبكيك
ما دري أنت عايش وارتجي لمس جسمك
أو ميت واقول يرحمك واليك

يا ما سهرت وزاد غمي لغمك
ما ارتاح ليمن تهتني في لياليك
وياما الى طولت نومك أشمك
وأتأكد إنك عايش لي وأرجييك

وياما زعلوا مني خوالك وعمك
وياما هجرت أقرب قريب ضحك فيك
وياما ذرف دمعي الى سال دمك
براءة الأطفال ما هيب تـنهيك

ويا ما انتظرتك عند بابي وأنا أمك
وأقول في يوم تجيني وأحييك
أخاف من يوم يجيني يغمك
ويجيك علمي مع عزيز يعزيك

انا على الله داخله ثم لمك
ارحم قليب تالي الليل يشكيك
فكر بمنهي صابها ضيم ظلمك
واذكر حشا ضمك وعسر المساليك

ودي اشوفك قبل يومي ويومك
لو مرة بالعام يالله يخليك
ما ابيك تقطعني إذا أمري يهمك
بقعد معك واضحك واسولف وأحاكيك

يا وليدي اذكر كلمة قال فمك
ليقلت كلمة يوه قلبي يلبيك
واذكر زمان به فراشي بجنبك
والى شكيت تقول يمه واسليك

والى اشتد ما بك فوق كتفي أزمك
مرتاح لحظة لين ربي يعافيك
والختم ليجتك الرسالة وانا امك
يما تجي والا انا ازحف وانااجيك

عفوا هذه القصيدة منقوله
وشكرا