حياتي فكرة الموضوع حول (ان الحياة دروس ) = ودام انتي حياتي والدروس وقلبي الكراس
الا ياحظي الاقشر الا ياحظي المنحوس = اذا والله باطبق هالدروس بحق كل الناس
قرأت افكارك وترجمت منها ماغدى ملموس = ولمست من القراءة شيء له في واقعك مقياس
وتعبت من القراءة لين حتى صرت كالمهوووس = من التفكير خمس ايام بصداعٍ يرج الراس
وتاه الفكر في رحلات يرفضها مجال الرووس = واظن انك سمعت آخر تقارير لوكالة واس
ويبقى الجرح جرح ان كان با لسكين والا موس = ويبقى وافي اسمه مثل مااسميتيه بالحساس
انا اكره طاري الدرس الخصوصي لوعليه فلوس = ولو جيرت باسم الحب شيك لمصرف الافلاس
لو ادفن حبك ووالله لو عظامه نخرها السوس = ولو قدام جثمانه بقيت اصارع الانفاس
وربي مالتفت يمك مادام انك كذا ملموس = ولكن راجع حساباتك احسن قبل لاتنحاس
احبك ايه احبك لا وحبك بالحشا مغروس = رويته بالوفاء ومن الوفاء سخرت له حراس
ولكن مسألة اما تقوم او كلبونا جلوس = صراحة مشكلة قد توصل لتعليقة الأجراس
دخيل المبسم اللي كن ربي خالقه للبوس =دخيل اللي .........................واليمين انه ولاينباس
دخيل الصدر والخصر النحيل وعودك السنعوس = دخيل العنق والنهد الصغير وقدك المياس
دخيل الشعر الاسود والعيون الناعسات الهوس = دخيل رموشها اللي ماابقت بطرف السهير نعاس
دخيلك ياحياتي دام قلنا ان الحياة دروس =رجاءً تعذريني وانسي المكتوب بالكراس

دخيل الصدر والخصـر النحيـل وعـودك السنعـوس=دخيـل العنـق والنهـد الصغيـر وقــدك المـيـاس
دخيل الشعـر الاسـود والعيـون الناعسـات الهـوس=دخيل رموشها اللي ماابقـت بطـرف السهيـر نعـاس