خلاص يا سيّدي ارجوك تعفيني = ما دام حبل الرجا مقطوع بالمرّة

ايام راحت بنار الشوق تكويني = واليوم مرتاح يوم النفس منضرّة

يا بنت خوفي من المولى ذبحتيني = شوفي معاليق قلبي ليه مصفرّة

من بدة الناس في سجنك رميتيني = أسير مخفور بين الصدر والغرّة

تنام ليلك وليل الهم يطويني = من عاش قبلي دروب الحب ماسرّة

ضميان واطرد سراب القاع يرويني = ارقا المخاطر عشانك وادفن الجرّة

اطيع قلبي على كيفه يمشيني = يبحث عن الجوهرة مدري عن الدرّة

من غبت زولك بقى مرسوم في عيني = حتى تقاطيع وجهك ما نقص ذرّة

اداري الوقت عمري يسبق اسنيني = ايام صارت بحلقي طعمها مُرّة

يجرح يداوي بحلو الهرج يغريني = خدّاع ليته يفك الناس من شرّة

من سحر ياقوت بكفه قام يسقيني = ينبت غرام الهوى وتعوّد الكرّة

راع المثل قال قول ٍ بات يعنيني = ماكل مرّة تطيح وتسلم الجرّة

المشاركة الأصلية كتبت بواسطة الراقيــة (المشاركة 842934) الله عليك يابو خالد قصيده رائعه بصراحه صح لسانك وصح حكم الاخت شمووع كثري تكفين من هالأحكام نبيك تمشين عليهم واحد واحد :(

راع المثل قال قول ٍ بات يعنيني
ماكل مره تطيح وتسلم الجرّه

المشاركة الأصلية كتبت بواسطة فلورندا (المشاركة 842936) ابو خالد روعةحروفك وجمالها لايقاس بمقياس انا هنا لن اكتب عن روعتها فأظنك تعرف ويعرف غيرك كم هي رائعه ولن اشكرك ... فشاعر في مثل هذا الجمال لايليق به شكر عابر ,,, ولكني مررت من هنا فأحببت ان اضع بصمه توحي بأعجابي ببوحك ,, ابو خالد دمت ودام نبض حروفك

المشاركة الأصلية كتبت بواسطة راع المشاعر (المشاركة 842948) راع المثل قال قول ٍ بات يعنيني ماكل مره تطيح وتسلم الجرّه استاذي ابو خالد هنا قمة الابدااااااع ولعلنا عندنا نصافح هذا الابداع من جديد ولا يمكن ان نمّله شموع يسلم راسك على هيك احكام