احبتي اسعد الله ايامكم بطاعته

ادري اني كثرت عليكم هاليومين لكن

الله يعينكم تحملووني شوي

يقووول اخي الحبيب نديم الماضي

كفااايه حزن..نبي نقرأ لك شئ ثاااني

واستجااابة له ولكم

تقبلوا مني هذه التخرووفه

ياطيوور الصبح طيري فوق داره وانشدي=اعذب الحااانك على دار سكنها واطربيه
وانثري فوقه عبير المسك والورد الندي= وارشفي شهد الشفايف ثم رشي به عليه
وكااان فتحها عيونه قولي اصحا يابعدي= فيه واحد ينتظرك وعادةٍ لك تحتريه
ساهرٍ والله عشاانك طول ليله سرمدي= ينتظرك وذايبٍ بك مثل ما انته ذبت فيه
لو سكن مطلع سهيل وداركم صوب الجدي= والله انه ساكن بقلبك وحبك محتويه
لا برق فوقك سحابٍ فوق داره يرعدي=وكل مامرك نسيم الصبح ضمك في يديه
شاعرٍ لا شاف زولك قام شعره يسجدي=يشكرالله لاجل ربي سخره للي يبيه
انت له يوم جديدٍ وانت دايم له غدي= وانت حلمٍ عذب والله مابقلبه لك شبيه
يوم غرته الليالي والزماان اللي ردي= جابك الله في حياته لاجل يسعد ناظريه
وان تثاوب قال ابرقد فوق رأسه غردي= لين ماحبي ينااام وفي قصيدي لحفيه

استااذي واخي الحبيب

ابو منذر

اسعد الله ايامك بطاعته اخي الحبيب

انت سيد الحرف

وملك الابدااااااع

ونحن تلامذتك سيدي

لك مني كل الحب

اختي الغااااليه الجوووري

اسعد الله ايامك بطاعته اخيتي

حروفك اخيتي وكلماااتك

تضفي العذوبة على كلمااااتي هنا

بوجووودك تكتمل العذوبه

وتكوون روعة الحضووور

دائما اخيتي تطلقين علي اسماء

اكبر من حجمي

شاعر الوئااام

نزااار الوئااااام

ولكن اسأل الله ان يجعلني عند حسن ظنك

اسعدك الله اخيتي

لك مني صااادق التحايا

استااااذي واخي الحبيب

الحساااااااام

اسعد الله ايامك بطاعته اخي الحبيب

والابداااع منكم نستقيه

وعلى يد العمالقة امثالك نتعلمه

لك مني كل الحب