ودّع مصير الحـي يتلاقـا ولـو طـال البعـاد = تطـول ولاّ تقصـر الدنـيـا عليـنـا دايــره
ودع مثـل ماودعـت عينـي مساييـر الـرقـاد = اللي بقى ساعه علـى إقفـال بـاب الطايـره !!
ويلي من الفرقا ومن ضيعتك وعيون العباد = لاعادك الله صيف لاربحـه ولا خسايـره
ياقـل حالـي مـن بعـد فرقـاك قـلٍ مايـزاد = ولبا عيون اللـي علـى شانـي رهـت عبايـره
مالله هداك اتهـاود الفرقـا ؟ ولـو مابـه هـواد = أرب قلبك فيه صِبره ؟ لاعـدم صبايـره !!
أسمـك ورسمـك ماخذيتـه بالغصيبـه والعنـاد = الملـح كنـك أمشيّكنّـه والجمـال امعايـره
لو بوك وامك يرّثون محبتـك فـي كـل واد = فنـا غـلاك امورثـنـه للنـجـوم السـايـره !
بالضبط حبي لك مثل حب (أبن راسـي) للشـداد = وأن كنت كاذب جعـل ساقـي تنعسـر جبايـره
اللي حصل لي في وداعك شي يُدعى (الافتقاد) = دريت بن أعضاء جسمي بايـره بـي بايـره
نسيت في يدك يديني والنواضـر والفـواد = والله لو أنك رحت ماثورّت فيهـا ثايـره
أفضل لي أصبح بعـد ماخذيتهـا قطعـة جمـاد = ولا أدميٍ شِل قلبـه وانعمـت بصايـره !!

ودّع مصير الحي يتلاقا ولـو طـال البعـاد تطـول ولاّ تقصـر الدنيـا علينـا دايــره ودع مثل ماودعت عينـي مساييـر الرقـاد اللي بقى ساعه على إقفال بـاب الطايـره !! ويلي من الفرقا ومن ضيعتك وعيون العبـاد لاعـادك الله صيـف لاربحـه ولا خسايـره ياقل حالي مـن بعـد فرقـاك قـلٍ مايـزاد ولبا عيون اللي على شاني رهـت عبايـره مالله هداك اتهاود الفرقا ؟ ولو مابـه هـواد أرب قلبك فيه صِبـره ؟ لاعـدم صبايـره !! أسمك ورسمك ماخذيته بالغصيبـه والعنـاد الملح كنـك أمشيّكنّـه والجمـال امعايـره لو بوك وامك يرّثون محبتـك فـي كـل واد فنـا غـلاك امورثنـه للنجـوم السايـره ! بالضبط حبي لك مثل حب (أبن راسي) للشداد وأن كنت كاذب جعل ساقي تنعسـر جبايـره اللي حصل لي في وداعك شي يُدعى (الافتقاد) دريت بن أعضاء جسمي بايـره بـي بايـره نسيت في يـدك يدينـي والنواضـر والفـواد والله لو أنك رحـت ماثـورّت فيهـا ثايـره أفضل لي أصبح بعد ماخذيتها قطعـة جمـاد ولا أدميٍ شِـل قلبـه وانعمـت بصايـره !!