منتديات الوئام

منتديات الوئام (http://www.alweam.net/vb/index.php)
-     ||مَطْبخ الوئآمْ (http://www.alweam.net/vb/forumdisplay.php?f=59)
-   -   اكلات سريعه وخفيفة ... ومغذية ... (http://www.alweam.net/vb/showthread.php?t=8177)

عاشق الحجاز 20 / 08 / 2001 46 : 07 AM

اكلات سريعه وخفيفة ... ومغذية ...
 


بالراحة شوي شوي على ارواحكم ....


البنات ما صدقوا ... يحسبون فيه اكلات سريعه وسهله ...:) ...


كل شي يبونه يجي بالساهل ..:rolleyes: .. اسف خيبت ضنكم ..




بس هالمرة انا اللى ابي احد يقول لي عليها ... يعني كخدمة انسانية لاخوكم عاشق ...:D ..



يعني كل واحد يحط لي اكله على ذوقه ... بس اهم شي تكون سهله التحضير ومفيدة ... وشرط انها تكون لذيذة ..يمكن التغاضي عنه شوي ...مجبور :( ..


وياليت يذكر طريقة التحضير ... والمقادير ...



همتكم معي لو سمحتوا ... ولا تتاخرون علي ...


ولا يومين وما تحصلون عاشق بالدنيا ... من كثر التجارب ...الفاشلة ..:( ..



سلام ...:) ..



ريـوف 20 / 08 / 2001 11 : 08 AM

السلام عليكم ورحمة الله وبركاته

اخو عاشق ما حدت انت نوع الاكله اللي تبي....
بس ابي اقولك على اكله سريعه وحلوه
تجيب خبز مفرود يفضل النوع الصغير
تحضر جبن ابيض
طماطم
فلفل اخضر حار
بهار

الطريقه تعصر الطماطم بس ما نضيف عليه ماء
وتفرم الفلفل الاخضر
وتخلط عصير الطاطم مع الفلفل مع الجبن وتضيف عليها البهار
وتدهن بها وجه الخبز
وتضعها بالفرن

=======
وهذي وحده ثانيه تقريبا نفس الطريقه
بس تحضر خبز توست
جزر مبشور
فلفل اخضر حار مفروم ناعم
مايونيز
ملح
تخلط الجزر والفلفل والمايونيز والملح
وتدهن به وجه الخبز وترش الخبز بجن مازرلا المبشور وهذي على حسب الرغبه وتضعه بالفرن الى ان يتماسك الخليط

ممكن انك تزيل حوايف الخبز التوست
ممكن انك تقطع الخبز التوست على شكل دوائر ثم تدهنها بالخليط السابقه
ممكن تجملها بالزيتون الاسود على حسب الرغبه
اتمنى ان اكون افدك
واذا تبغى
اكلات ثانيه
ما عندي ما نع
بس حدد النوع
حلى ولا مالح

اختك ريوف


عاشق الحجاز 20 / 08 / 2001 45 : 08 AM

وعليكم السلام ورحمة الله وبركاته ..
 
هلا اختي ريوف ...


الف شكر لك هذه الوصفات ...:) ..


وباين انها حلوه ولذيذة .....وسهله بعد .. ( بغيت اترك الكمبيوتر واروح جري اطبقها ...:D .. بس افتكر انه يبيلي اجيب توست ..:rolleyes: ..

وخاصة ان فيها تزين.... وعلوم ذوق ..:) ...


وبالنسبة للتحديد .. انا تركته مفتوح عن قصد ...حتى اترك المجال اوسع .. للجميع ..


وانا المستفيد بالنهاية ..:) ..


بس غالبا افضل المالح ... يعني غالبا ..:o ..


مشكورة حيل اختي على عرضك السخي ... وانتي كريمة وحنا نستاهل ..:) ..


وتسلمين على ذوقك ...


سلام ..


بنت الاصايل 20 / 08 / 2001 17 : 09 AM

عاشق والله ان احسبك كاتب وصفات ..
 
هلا عاشق .....انا قلت عاشق ماله في الطبخ ...حده الهندسة ...وشغلة البواب :D

ليش ما نلاقيك بالدنيا انت امر بس واحنا نرسل لك ....

وترى انا ما عندي وصفات سنعة ....وصفاتي كلها مخربطة ...واخاف اعطيك منها ....

بس ريوف ماشا الله عليها ما قصرت ....واكلاتها سهلة ...

اقترح عليك اقتراح ....
كل في مطعم ازين لك ....لاني متاكدة انك ما راح تسوي الاكل صح ...

واخاف يصيرلك شي ....

ملجلج 20 / 08 / 2001 47 : 05 PM

هلا أخوي عاشق الحجاز ...

فرحتني يوم قريت العنوان ....

بس خيبت ظني يوم قريته ...

طلعت مثلي .... كلنا في الهواء سوا ...

الله يعينك يا اخوي ....

تصدق اخوي عاشق .... انا مثلك متوهق ...

بس على فكرة اعرف اسوي بيض و شاهي .... تبي أعلمك ...
------------

و شكرا لاختي ريوف على هذه الأطباق ...

و ان شاء الله راح أسويها ....

معليش اختي ريوف ... ابي اطلب منك طلب ....

و شلون اقدر اسوي مكرونة ....

معليش اختي ... كان ما عليك كلافة ...

و الله يجزاك خير ....
----------

اختي بنت الأصايل ...
و الله زهقت من المطاعم و أكلها ...
ما فيه مثل أكل البيت .... بس وش نسوي اذا ما حصل .....





روووعه 20 / 08 / 2001 15 : 07 PM

مررررحبا عاشق الحجاز والجميع .....

امممممممممممممم اجل جاى تدور على طبخ .....طيب عندى كم وصفه انشاء الله تعجبك ..

اولا ساندويش كودو الدجاج ...:eek:

المقادير:
صدر دجاجة مقطع شرائح رفيعة
-1بصل مقطع مكعبات
-1فلفل بارد مقطع مكعبات
-1بندورة مقطعة فطع صغيرة
-قليل من الخس
-رشة فلفل اسود
-فنجان قهوة صلصة الصويا

الطريقة:
نضع الدجاج في المقلاة على النار ويقلب بإستمرار حتى ينشف معالتقليب المستمر ثم يضاف له 2ملعقة زيت ويقلب ثم يضاف له البصل والفلفل البارد والفلفل الاسود مع التقليب ثم يضاف الصويا ويحرك جيدا .
نأخد خبز صامولي ونفتحه ثم ندهنه بالمايونيز ويوضع فيه الخليط ثم يضاف له البندورة والخس ويقدم فورا

.................................
هامبرجــــــــــــــر ....:)

المقادير

لحم مفروم
بصلة مفرومة
1 ملعقة صغيرة ثوم مدقوق
2 ملعقة كبيرة لب العيش (الصامولي) مفروم
1 ملعقة صغيرة اجي تو مو تو (ماجي ابيض)
1 ملعقة صغيرة فلفل اسود ناعم
ملح حسب الرغبة
4 ملاعق كاتشب كبيرة

الطريقة

نضع المقادير مع بعضها الى انا تصبح مثل العجينة
ونشكلها على شكل اقراص
ونضعها على النار الى ان تنضج
ثم نضعها في خبز الهامبرجر

وبالهناء والعافيـــــــة
...........................................
وهذى عشاااااااااان الاخ ملجلج ......:cool:

الإسباغتي بالخضار والدجاج .....

المقادير:
اسباغتي مسلوقة
صدر دجاج مسلوق ومقطع قطع صغيرة
خضار مشكلة مقطعة شرائح طويلة مثل( الجزر+ الفلفل البارد+ الملفوف)
ملح+ فلفل أسود+2 مكعبات ماجي
بصلة كبيرة+ 1طماطم مقطعات حلقات
قليل من الزيت
قليل من الصويا صوص

الطريقة:
1) نحضر وعاء ونضع فيه قليل من الزيت..ثم نضع عليه البصل المقطع حلقات.
2) نضيف مكعبات الماجي ونحركه.
3) نضع الأن الخضار بالتدريج..أولا:الجزر ونحركه لمدة دقيقتين.
3) ثم بعدها نضيف الفلفل البارد ونقلب المقادير لمدة دقيقتين.
4) بعد ذلك نضيف الملفوف المقطع على الخليط ونخلط المزيج جيدا.
5) نضيف الأن الملح + الفلفل الأسود+ الصويا صوص ونقلب الخليط ونضعه على نار هادئة مدة ثلاث الى أربع دقائق وحتى تلين الخضار.
6) الأن نضيف قطع الطماطم ونخلط جبدا.
7) الأن نضع قطع الدجاج المسلوق والمقطع الى الخليط ونخلطه جيدا.
8) والأن نضيف الاسباغتي المسلوق على الخليط ونخلطه جيدا.
9) نضع المزيج على النار مدة ثلاث دقائق...وبالهناء والعافيـــــــة
...............................................

اسكالوب بانية .....:D لاتقولوا صعبه .....

المقادير:
شرائح دجاج مخلية او شرائح من لحم العجل
فلفل اسود,ملح
بيضة
دقيق
بقسماط ناعم
زيت للقلي

الطريقة:
تغسل شرحات الدجاج جيدا بالماء ثم تتبل بالملح و الفلفل و البهار .
تكسر البيضة في صحن و تخفق جيدا ,نخلط الدقيق و البقسماط ... تغمس شرحات الدجاج في البيض و من ثم في خليط الدقيق و البيقسماط كل شريحه على حدة ... يتم تسخين الزيت على النار و يتم قلي الشرائح ..حتى تصبح ذهبية اللون او مائلة الى الحمرة ... نصفيها من الزيت و تقدم مع البطاطا المقلية

....................

انشاء الله تكونوا استفدوا واذا تحبون وصفات معينه قووووولوا نحن فى الخدمه :D

روووعه 20 / 08 / 2001 26 : 07 PM


نسيناااااااااااااااااااا السلطات والمقبلات ......:cool:

المقبلات لذيذة سهلة الصنع متنوعة تزين المائدة .. مفيدة جسميا منشطة ذهنياً .. فيها متعة التحضير والأكل طبعاً ..فهي الفكرة الأمثل حين يكثر الزوار فلا تحتاج إلى غسيل كثير من الأطباق ولا أشواك ولا ملاعق ..بالهناء والعافية

الفتوش ....طبقى المفضل :)

المقادير:
حبات خيار4
4حبات طماطم
حبتين بصل اخضر
ربع باقة نعنع
نصف باقة بقدونس
1خس
2 فجل
عصير ليمون ملح زيت زيتون نصف ملعقة صغيرة سماق
2خبز مقطع على شكل مربعات صغيرة ومحمص بزيت الزيتون

الطريقة:
تقطع جميع الخضروات قطع صغيرة ويضاف اليها الملح والزيت والليمون والسماق وتقلب وبوضع الخبز عليها وتقدم
.................................................. ..............

سلطة الحمص ....
المقادير

1 رغيف خبز
2 كوب حمص مسلوق
1 1/2 كوب طماطم مفرومه
1 كوب بقونس مفروم
1/2 كوب عصير ليمون
1/2 ملعقه صغيره ثوم مهروس
2 ملعقه كبيرة زيت زيتون
1/2 ملعقه صغيره كمون
ملح
زيت للقلي

الطريقه

يقطع الخبز مكعبات صغيرة ثم يقلى بالزيت
يوضع الحمص في اسفل طبق التقديم ثم يوضع عليه الطماطم فالبقدونس فالخبز
يخلط عصير الليمون مع الثوم وزيت الزيتون والكمون والملح ثم يسكب على سلطه
....................

وبالعافيه .......




ملجلج 20 / 08 / 2001 29 : 07 PM

هلاااا اختي روعة ....

الف شكر لك اختي ...

بس فيه اشياء ما أعرفها ... مثل صلصة الصويا و صويا الصوص و البقسماط ...

مو لازم أعرفها .... بس هل هي مهمة في الطبخة ... و الا أقدر أطنشها ...

--------

شكرا لك اختي العزيزة ...

و شكرا لصاحب الموضوع أخوي عاشق ......


ريـوف 20 / 08 / 2001 27 : 08 PM

السلام عليكم ورحمة الله وبركاته
اهلا بالجميع
اهلا اخوي ملجلج
روعه انت روعه على اسمك وما قصرتي
اسمحي لي اجاوب على ملجلج

الصويا تعطي طعم مميز للاكل
ما ادري هل ذقت الاكل الصيني اغلبها فيها صلصة الصويا وتستخدم اغلب شئ مع لحم الدجاج
البقسماط
هذا انت تقدر تسويه في البيت
تعرف وش هو البقسماط هو خبز يابس مطحون وبستخدم للحوم والدجاج المقلي
تقدر تستغني عنه باستخدام الدقيق
نجي لطلبك
المكرونه لها عدة طرق في طبخها
ابي اقولك على طبخات سهله جدا
=0=0=0=0=0=0=0=0=
اولا المكرونه بالزبده


اصبع زبده

ماء مغلي مضاف اليه الملح

.... الطريقه .....
توضع الزبده في القدر ونشعل النار
بعد انت تسيح تضاف اليها المكرونه
وتقلب قلبلا
ثم يضاف الماء المغلي والمضاف اليه الملح بالكميه المناسيه وترك على النار لتنضج
وترى طمها لذيذ مره
============
مكرونه بالعصاج

المقادير

مكرونه
لحم مفروم
طماطم
بصل مفروم
ملح فلفل كمون

ماء
الطريقه تسلق المكرونه في ماء وملح ( اذا تبي تتخلص من الماده النشويه فيها اغسلها بعد السلق
لازم تنتبه للملح لانه بعد غسلها قل) في اثناء سلق المكرونه
احضر مقلاة ... لعمل العصاج....
وضع بداخلها البصل المفروم واضف الزيت له
قلبه قليلا ثم اضف الصلصه وقلبها قليلا
وبعد ذلك قم بإضافة الطماط واتركه قليلا يتسبك
ثم في الاخير اضف اللحمه المفرومه وقلبها حتي لا يتكتل عليك اللحم وحط الملح والبهارات

احضر قدر وضع به المكرونه المسلوقه واضف عليها العصاج اللي سويناه
وقلبها قليلا على الناروتترك المكرونه مع العصاج على النار لمدة عشر دقائق
ثم قدمها وبالهنا والعافيه
فيه ملاحظه
ممكن تأخذ قليل من اللحم المفروم في صحن ولا تخلطه مع المكرونه
وعند التقديم تحطه على وجه المكرونه
ترى سهله وما تبي شئ
بس اللهم الا انها بتكثر عليك المواعين والله يعينك على غسلها

...المكرونه بالدجاج .....
المقادير...............
علبة مكرونه
لحم دجاج واختار الصدر( مقطع مكعبات)
بهارت ملح زيت
قشطة قيمر( تحصلها بالسوبرماركت مكتوب عليها قمير في علبه لون الكرتون اصفر)

الطريقه
تسلق المكرونه نصف سلقه وتغسل وتصفى
نحضر القدرونضع البصل مضاف اليه الزيت
ويقلب البصل على النار
وتضاف لبهارات
ثم قطع الدجاج وتقصر النار وتخليه يطبخ على نار هادئه ترى مع الطبخ بتكون ماء
بعد ما تحس ان الدجاج استوي وشفت ماء الدجاج قليل صب شوي ماء يجي كأس
واضف المكرونه المسلوقه وقلب الجميع واتركه بعد ذلك ينضج
قبل التقديم بقلبل اضف القشطه
واخلطها مع المكرونه جيدا
اقسم بالله انها لذيذه مره لا تفوتك بس اضبطها
وبالهناء والعافيه
انا اخترت لك اصتاف سهله مره
اذا تبي
اذكر طريقة المكرونه بالمشاميل ما عندي مانع بس حوستها كثيره

اختك ريوف





ملجلج 20 / 08 / 2001 49 : 11 PM


أختي ريوف ,,, و أختي روعة ....

و الله ما أدري وش أقول لكم .... ألف شكر لكم ...

و شكرا اختي ريوف ... لا مابي مكرونة بالباشميل ما دام حوستها كثيرة ....

نبي أطباق طريقة تحضيرها سهلة .. و حوستها شوية .....

و انتم ما قصرتوا الله يعطيكم العافية .... و جزاكم الله ألف خير ...








الساعة الآن 29 : 12 AM بتوقيت السعودية

Powered by vBulletin® Copyright ©2000 - 2020, Jelsoft Enterprises Ltd.
new notificatio by
9adq_ala7sas

[ Crystal ® MmS & SmS - 3.7 By L I V R Z ]