ياهاجسي تعال مانيب مرتاح =لازمك حان وهم صدري يكومي
نبغي نسج الرجل والهم ينزاح =وأفتك من عذل الذي لي يلومي
لوجرب العذال زرقات الارماح= فالحب ماكثر علي العلومي
ولوشاف ماشفته وقف قلبه وطاح= من شيخة الخفرات جات السهومي
أم العيون الخرس والرمش ذباح= شبيهتن في عين حرن يحومي
أما النحر شفته كما بارقن لاح= تشوف نوره بين ذيك الغيومي
والنهد يافارس كما طلع تفاح= حوريتن أخذت من العين نومي
بنت الشيوخ اللي لهم عز ياصاح= حماية الساقه عيال القرومي
ماهيب بنت اللي يدور للارباح= عيال الرخوم وتاركين السلومي
بيحت سدي والدعاوي لها ايضاح= غصب علي لوكنت رجلن كتومي
ووجهتها لفارس عضيدي ليا راح =يقضي مطاليبي ويقضي لزومي
واقولك علمي ولانيب مزاح= عجل ردودك جعل عمرك يدومي

المشاركة الأصلية كتبت بواسطة ابوشجاع (المشاركة 900887) أم العيون الخرس والرمش ذباح= شبيهتن في عين حرن يحومي أما النحر شفته كما بارقن لاح= تشوف نوره بين ذيك الغيومي والنهد يافارس كما طلع تفاح= حوريتن أخذت من العين نومي بنت الشيوخ اللي لهم عز ياصاح= حماية الساقه عيال القرومي ماهيب بنت اللي يدور للارباح= عيال الرخوم وتاركين السلومي ]

ماشاء الله تبارك الله
ابيات جميله جدا
تسلسل راائع وحبكة شاعر موفقه
قوة في الجزالة والحبك والسبك
كنت ومازلت تمتعنا بقصائدك
صح لساانك اخي ماحييت
بانتظار ابداعك داائماً
دمت ودامت سعادتك

صح لسااانك وسلمت يمناااك
تقبل مروري