كل دمن في وريدي لك هديّة منّي=وكل كلمة شعرعندي قلتها من شأنك
وكل وردة في حياتي وطيرها اللي يغنّي=ما يذكرني بغيرك يا صغير اخوانك
أدري إن الورد لا ناظرخدودك ونّي=يحترق من غيرته لاشاف ورد اوجانك
يا حبين شدني يم الهوى متعنّي =قلب حبك لا يجيه الموت من هجرانك
دن ناقوس المآسي في فؤادي دنّي=وآخر الدنيا قصيدة من كتاب اجنانك
احفظيها هالقصيدة ثم ارويها عنّي = واجعلي قصة غلانا خالدة با وطانك
قلت فيك من القصايد لين ملّ الجنّي=عّود الجني هجرني والتبس في بانك(1)
القوافي لامدحت الغير؟؟! ما طاعنّي=وإن بغيت أختم قصيدي قلت صح لسانك
لنّك أنتي ملهمة شعري وأنتي فني=كيف تبغين إنتفارق نعنبوشيطانك؟
السوالف والرسائل عنك ما يغنني=كان ما يمنى الحلال أشد فيها أ رسانك
ياوسيع العين يادلوع يافاتنّي=جلْ من حط المنيّة تحت خِدرأجفانك
مدخلَك بالله تمهّل قبل لاتطعنّي=ضمني مرة وحيدة بين خضرأغصانك
بعد هذا..!! يا غليظ القلب لو تدفنّي=غير ما ابغى يكون قتلي مبتدأ حرمانك
لوحقنت الرافدين بمهجتي ماارونّي=مايطفّي نارقلبي غيرمزن اسنانك!!
بس ريّح!!لاتحاول فيك اغير ظني=لو تقول اللي تقوله!!!! ما يتعدّا لسانك
والله إنك والله إنك والله إني وإنّي=من بخور الضيف غارق!! لا حنوط اكفانك
واحفظيها هالقصيدة ثم ارويها عنّي = واجعلي قصة غلانا خالدة با وطانك

أدري إن الـورد لا ناظرخـدودك ونّـي=يحترق من غيرته لاشـاف ورد اوجانـك