منتديات الوئام - المرعب ... البجادي ... من الدفاتر القديمة

منتديات الوئام (http://www.alweam.net/vb/index.php)

- ‏ بوحْ الشعِر والنثر .. (http://www.alweam.net/vb/forumdisplay.php?f=3)

- - المرعب ... البجادي ... من الدفاتر القديمة (http://www.alweam.net/vb/showthread.php?t=78287)

المرعب ... البجادي ... من الدفاتر القديمة

السلام عليكم جميعا وبعد

كان يا ما كان في قديم الزمان <=== مو قديم وايد يعني

كان هناك شاعرا مرعبا ومع ذلك كان رهيف الاحساس

لا اعرف لم اختار اسم المرعب ولكنه حر فيما يختار طبعا

قبل ثمان سنوات ناشد المرعب صديقا له اسمه البجادي منشدا

جـيــت أشـكــي للـبـجـادي " حـــلال الـصـعــاب "... والمشـاكـي عـنــد غـيــر أهـلـهـا يـــا هـونـهـا

لــي ثــلاث سنـيـن حـالـي عــذاب فـــي عـــذاب... والـسـبـب ريـــمٍ رمـتـنــي بـسـهــم عـــيـونـهـا

بـادرتـنــي بالـتـحـيـة وضـيــعــت الــجـــواب ... الحـلـى فــي صـوتـهـا والـولــه فـــي لــحـوّنـهـا

إن مـشــت تـنـقـل خُـطـاهـا بـرقــة وإنـسـيــاب ...جـــلّ مـــن صــــور بـهـاهــا وزاد فـــتـونـهـا

الجبـيـن أبـيـض تـــلألأ كـمــا بـــرق الـسـحـاب ... والـجـديـل أســـود تـنـاثـر وغــطــى مـتـونـهـا

إن نــظـــرت لــخــدهــا قـــلـــت ذا وردٍ وذاب ... ويــا عـذابــي مــــن لـمـاهـا وحُـمــرة لـونـهـا

إكتـمـل فيـهـا الـدلـع والـولــع وعـمــر الـشـبـاب ... وكــل وصــف لـلعـذارى الـعــرب يـطـرونـهـا

أهـمـسـت بـالـصـوت قـالــت : تـقــدم لا تــهـاب ... تجتــد فـــي فتـنـتـي وأقـتـصـر مـــن دونـهــا

قـلـت شــاب الـــرأس يـابـنـت والـخـفـاق شـــاب ... ردت : الـــورد الـمـعتـق أغــلــى دهـونــهــا

كــل مــا سـديـت بــاب أفـتـحـت سـتـيـن بـــاب... وكـــل مـــا صـديــت عـنـهـا يـــــجــن جنـونـهـا

الأبيات التالية مجاراة لقصيدة المرعب

اللـي يسمـعك يـا بــــوايـــمن يــقل شايــفن داب ... جـيت تشـــتكي الـــريم والــنـــاس يحـــبونــها

هيـضـتـني أبـــــيات يومــــــن قريـتها بالـــــكتاب ... فــز قــلـبي لـيمـن تـخيــلت ســــ عــيونــها

الله يســامح المـــرعب يــوم طــاريـها جـــاب ... مــــدري هـــــو درى والا الــغزلان يشـبهونـــها

لا تـقــل شــاب الـــراس ولا دور عــن اســباب ... مـــير فــــكر كـــيف تســعد الروح ومكـنونـها

خـــريف العمر ابــــــــد يا مــرعب ما يــنعاب ... يـنعــاب اللـي لأقــــبل الريـــم هـــم يصـــدونـــها

أعـــزم الــنية وتـــوكــل وسـن ذيــك الحــراب ... تـحــلى لـيـاليـــك إذا انـت ولــعت غـــليونـها

الله اكبر على ريم سحر بحسن الالباب ....

طبعا لم يكن من صديقه البجادي الا ان يرد عليه ويقول

مـن تولـع بالعـذارى مـا اشتـكـا ضــرب الـحـراب = وانــت شـاعـر والمشـاعـر فـيـك زاد شجـونـهـا

لـك ثـلاث سنيـن والمـاء يختـفـي تـحـت الـسـراب = والسـهـوم الـلـي رمـتـكـم خـايـفـه ترمـونـهـا

كـم تبعـت الزيـن قبلـك يــوم جـانـي ثــم غــاب = لــو نـبـيـع المـــــــزهـريـة غــيـرنـا يـشـرونـهـا

مـن ورود الحـب تنهـل مـن يـد يهـا لــك شــراب = والعـيـون الـسـود حــارت فــي لـقـا مضنونـهـا

الله أكبـر كـيـف حـظـي يعجـبـه صــوت الـغـراب = وانــت يالمـرعـب تتـرجـم بـالـحـروف فنـونـهـا

المشـاعـر ياعـزيـزي جـامـدة مـثـل الـهـضـاب = فـوق صــدري مــا عرفـنـا بالخـفـاء مكنونـهـا

والبجـادي شـاف وصفـك وجــرّ حـرفـه باغتـصـاب = يكـتـب الكلـمـة ويمـسـح مـادرى وشلـونهـا

ومثل غيري من الطفيليين الذين لا يحسنون من الشعر الا قرائته والاستمتاع به كنت انسخ ما يعجبني

طبعا اكيد الشاعر لديه القصيدة بس انا متأكد ان البجادي لا يحتفظ بها فقلت اذكره بالماضي القريب

ونمتع القراء هنا وعليك الرد يا البجادي على من يعقب لأنها لك ولصاحبك وصحح معلوماتي ان اخطأت

في بعض المعلومات فأنت لها

احترامااااااتي