يامحمّد اللي فات لايمكن يعودد=وكل شي نعيشه لازم إن له نهايه
إلا الحزن في داخلي دوم موجود=مآخذ على عروقي عهود ووصايه
والفرْح لاتنشد عن الفرْح مهدود=من قبل يبدى عاش أغرب راويه
أغتيل في مهده وهو طفل مولود=جاهل ولكن كان عنده درايه
إن الليالي المقبله كلها سود=ولاصبر يفيد ولاتفيد الشكايه
سهود يامحمّد على الغير ومهود=لكن عليّ ياكبر كبر الجنايه
الكذب طاغي والصدق صار مفقود=وطعن القفا كاثر وحكي الوشايه
والحب حتى الحب ماعاد به فود=وصار أغلبه للتسليه واللهايه
ماأخطيت لاوالله ولاصار منقود=منيّ ولكن طيبتي هي خطايه
هذا اللي عندي ولاتجي تدوّر الزود=وإن كان بكّيتك ياكثره بكايه
هذا خفوقي حيل متعب ومجهود=يشكي لي همّه لين زوّد عنايه
وصدق خفوقي قال لايمكن يعود=شيٍ مضى وكل شي يجيله نهايه
إلا الحزن في داخلي دوم موجود=ومهما إنتهى توّه بخط البدايه!!

المشاركة الأصلية كتبت بواسطة عازف الناي إلا الحزن في داخلي دوم موجود ومهما إنتهى توّه بخط البدايه!! --------- السلام عليكم ورحمة الله وبركاته شاعرنا الرااائع ( محمد السبيعي ) صباح الخير !!!!!!! صباح أحزنته أحرف الألم التي سيطرت على رااائعتك لنقف معها ومع ماتحتويه صباح التغيرات والإختلاف في قلوب بني البشر صباح يقول أن الزمن هو الزمن لايتغير إذا ماتغيرت النفوس وأنعدم الصدق والصفاء صباح أستفلت شمسه على تغيرات مؤلمه وألوان معتمه لاترى من خلالها لون حقيقي زمن يتغير بفعل فاعل ليصبح قاسي لاتجد للحب فيه مكان سوى ماندر برغم ماتحتويه هذه الرااائعه من ألم إلا أنها تحكي عن حقيقة واقعيه وأختلاف مرئي لاهنت وصح لسانك يالسبيعي لاعدمناك يالغالي ولاعدمنا إطلالتك الإبداعية المميزة دائماً جعلك تسلم وأن شاء الله يسويها ربي يامحمد تقبل بكل الود خالص تحياتي؛؛

المشاركة الأصلية كتبت بواسطة المشتت السلام عليكم ورحمة الله وبركاته قصيدة رائعة جدا الله ريتو يسلم هالثم

المشاركة الأصلية كتبت بواسطة سديم إلا الحزن في داخلي دوم موجود .. .. .. .. .. .. .. .. ومهما إنتهى توّه بخط البدايه!! صح لسانك .. وتسلم يمناك