يمه غدرني الشيب قبل أفرح بشيٍ مشتهيه = أثري نحرت البحر وأنا كنت أخاف من البلل
يمه ترى حتى العسل نـــاسٍ تعرفه ماتبيـه = وإلا ترى الله مطريٍ في سورة النحـل العسل
يمه ترى لوكل رجلٍ جــــــا مثل جدّه وأبيــه = أن كان صاروا كل خلـــق الله نبيين ورسل
كم كنت ألقح نخل جدّي رحمة المولى عليه = وأن قلت برد يقول "عمر البرد مالقّح نخل"
وكم قلت فاسي ثلّمه جذع الأثل وأزريت فيه = والبيد سيل من الجفاف وشلون أبحطب لك أثل
والبير يــــــــاجدي حِثل والحِثل ماحدٍ يرتويه = وشلون أبرمي الدلو في بيرٍ وصافيــها حِثل
ويقول"مزن الغيب يذبحه الظما من يحتريه = لا بد مــــا نشرب همـــــــاجٍ لين نلقى له بدل
ولّم حطبك وماك وأللي كتب له رزقٍ يجيه = ودنياك داريها قبل ما يسبـق السيف العذل "
طفولتي كانت رجـوله مـــــابها أفراحٍ وتيه = في داخلي حتى البراءة عاشت رجـــولة طفل
طفولتي همّ وشقى يمّه ولا قد قلت ليـــه = حتى مراجيـــــح الطفولة كانت شداد وجمل‍‍‍‍
أكبر ويبقى الهـمّ فيني مثل ضيفٍ بالوجيه = أهـــــجّ من رمضـــاء الضياع لمربعانية ملل
يمّه ومن حظّـه مثل حظـــّي ردي لا تعذليه = لو ساقته فوضى الزمن لديــار عاقلها خبل
حاولت من عاري الزمان أخذ سمل ثوب أرتديه = وأثري مثل من حاول بياخذ من الحـافي نعل
أحلى شبابي وأنتهى في غربتي قبل أبتديه = ما لولشت له بنت بدو أتمشط أطراف الزعـل
رجعت مثل أللي طلب ثار ولده من عند أخيه = شديت بـــالقعدان حملي يـــــوم ضيعت الزمل
يمه وكلٍ قال مــــــــا لأمه مثيـــــل ولا شبيه = وأللي خلق كلّ النســـاء مالك شبيه ولا مثـــل
يمه دخيل تراب ما طا رجلك الدمع أحبسيه = هالكون كله مايساوي دمع عينـــــك لا نهمل
يمه فـرح وإلا حـزن دمع الغـلا لا تسفحيه = تبقى دموعك غاليـــــه لــوكان سبتها بصل
ولاّ أنا حظي كــذا مــافـرح بشيٍ مشتهيه = يمه مادام أني غرقت وشلون أخاف من البلل

المشاركة الأصلية كتبت بواسطة wafei .................. ... الدحيمـــــــــي والنعم بك وبه اختيار رائع للرائع محمد الدحيمي والذي افتقدته الساحه الشعريه مؤخراً احسنت الاختيار عازف الناي شكراً لذوقك الرفيع كلك ذوق ...

المشاركة الأصلية كتبت بواسطة سديم الله الله الله اختيار رااااااااااااائع صح لسان .. الدحيمي .. وتسلم يديك .. ابو عادل .. . . .

المشاركة الأصلية كتبت بواسطة رعبوبـه الكريم عازف الناي.. السلام عليكم ورحمة الله .. لا أخفيك بأني حاولت المرور بصمت وخانني صمتي امام رائعتك المختاره .. صح لسان شاعرها وناقلها.. يمه مادام أني غرقت وشلون أخاف من البلـل....... قد تكون مشاركتي هنا.. بداية عودتي...وقد تكون الاخيره.. ابقى بخير اخت الجميع رعبوبه

المشاركة الأصلية كتبت بواسطة غيث السماء يمه دخيل تراب ما طا رجلك الدمـع أحبسيـه هالكون كله مايساوي دمـع عينـك لا نهمـل يمه فرح وإلا حزن دمـع الغـلا لا تسفحيـه تبقى دموعك غاليـه لوكـان سبتهـا بصـل يـــــــــــــــــا ســــــــــلام صح لسان الشاعر وصحت يمينك يا عازف الناي اختيااااار رائعة ومو غريبة عليك