|
نساني للاسف في عز ضيقي
.. .. .. .. .. .. .. وانا في غمرة جراحي اعاني لقيته في هوا غيري غريقي .. .. .. .. .. .. .. تـنكر من هواي ومن حناني . . |
يا كثر همي بك ويا قل صـــبري ..................... يشهد علي الله ولا نيـب مكّـــــــار ما تلتفت وتشوف حالي وعــذري ..................... قبل الندم لا رحت في كف قبّــــار كان العزاء ينباع قلي ونا اشري ..................... مير العزاء ماله مبيـعه وتجّـــــــار لا صرت باللحظة على البال تطري ..................... ما صار لي يم الصبر عنك مظــهار لك اشتكي والله بالأحوال خبـري ..................... حيثك سبايب ما جرى وما صـــار عسى حنانٍ ينقذ الــــروح محري ..................... فيه الحلا للكبد من عقب الأمــــرار منك الجفاء ماهوب حقي وقدري ..................... عطني وفاك اللي تواعدني امــرار هذا مرادي قبل اورّد لقــــــــبري ..................... وان ما تهيّا ننتظر حكم الأقــــــدار سلمت لله ثم سلمـــتك أمـــــــري ..................... ضاع الدليل وضاع ميزي والافكار ....................................محمد...العبيدا لله ..... (والقصيده لها ابيات في اولها ماجبناها) |
بسم الله الرحمن الرحيم ردو لي العلم قبل اقول ما فيني .... خلاص حدي وصل شوفوا نهاياته حسام الشعر |
هذا النصيب انكتب .. احب انا صغيرون ** يحبني لكن هله يخاف لايدرون
. . |
نبت وجه الحقيقه عشب .. وأزهر في خيال الخـوف = وعـرف بحـر الجفـا معنـى الوفـاء وخـتـال مرجـانـه حيت فحوى الصراع وقادها المعتوه لقصى الجـوف = وبــاتــت كـــــل بـســمــه لـلتـفـاهــم فــيـــك ذبــلانـــه ورمى الجوري على وجه الطريق انهاية المعـروف = وسـقـاك الـخـوف عـــذر وشـــوه الـديــوان قيـفـانـه |
هو حاسدي هو لايمي وهناك تتجمع عداك = والحيره اللي خالطت شك ّ بقلبي ترفعه الحظ ما من حظ ما .. من قلب حارب في لقاك = كثر الظروف اللي تجي .. ماهي لنا متسنّعه ابطيت اقول الصدق .. يامن بالهوى مالي سواك = ابطيت ويا حسره اشوف .. اني وصالك بأقطعه ! |
هذا الفراق الطويل وهاذي أسئلته = وهذا حصاد السنين وهاذي أيامي ياما وياما عليك البال طولته = والعمر عدى وأنا عايش على أوهامي حتى طريق الفراق أللي تساهلته = لقيته أصعب على نفسي من أقدامي أصبر... لي شوي..لو دمي تثاقلته = بحاول أستوعب أللي صار قدامي الحب ضحكه بعينك بس ماطلته = عمرك بهالكون شفت أبسط من أحلامي القلب لو ماخفق لك كان ما شلته = ولو ما أنت مُلّهمْ قصيدي..جفت أقلامي هذا قصيدي..بعينك لو تجاهلته = ينزف على شأن يروي قلبك الظامي العام طاري غيابك ما تقبلته = واليوم حرماني أصبح مصدر إلهامي لا تعتذر لي وأبنسى كل ماقلته = وش ينفع العذر لا من ضاعت أيامي |
يالله ياوالي يا عالم بكل الاحوال = ياللي بالليل المخاليق يرجونه يالله انا ما سألتك الا من كثر الاهوال = حالي كسيف وكل من حولي يعرفونه انسان فقير وضعيف وهايم باللآمال = وخفت اشتكي لغيرك وقلبي يذلونه يالله مرت علي حمول اكبر من الاجبال = وان قلت حملي للناس يذمونه امي عجوز وكوم لحم يسمونه عيال = وشايبي عودٍ من الوظايف مايبونه اجلس في مجلس وحولي كثير من الدلال = هاربٍ من الديانه لديني يطلبونه ناسيٍ نفسي بين دله وفنجال = واجلس افكر فباكر كيف ينسونه |
هيج اشواقي حمـام فـي الغصـون = بات ساجع فـي بديعـات اللحـون بيـن تغريـد وترجيـع يـهـون = مادرى اني في الهوى مثلـه عليـل ياحمـام الـدوح هيجـت الغـرام = ما سبب نوحك ومالك مـن مـرام اعطني عهدك وخـذ منـي ذمـام = بيعني شوقك وخـذ شوقـي بديـل ان فـي قلبـي جـروح ماتطيـب = مابـدت حتـى يداويهـا طبـيـب من هواجس جات من فرق الحبيـب = باح مكنونـي وصبـري مستحيـل كلمـا هـب الصبـا قلبـي صبـا = من غزال في الحمـا فـاق الظبـا ظبي جازي يرتعـي نبـت الربـا = يسلب العشـاق بالطـرف الكحيـل مـال عنـي بالتجافـي والصـدود = مابقي غيـر الحسايـف والوجـود كم رعيـت النجـم والعالـم رقـود = والمحاجر دمعهـا الصافـي يسيـل زارني طيفه كمـا طيـف النسيـم = جـدد الاشـواق والعهـد القـديـم وانثنى فـي داجـي الليـل البهيـم = قلت زدنـي قـال يكفيـك القليـل آه مـن هـم شـوى قلبـي بنـار = وان طلبـت الصبرماالقالـه قـرار كيـف ابـا صبروالحشـا للهم دار = صار مالكني وانـا عنـده نزيـل قمت ممـا حسنـي عنـد الهجـوع = يـوم كـل نـام ولعـت الشمـوع والهواجس جاتني تمشـي جمـوع = مثل ورد النحل فـي وادي طفيـل أو كما سيل تسايـل مـن مضيـق = يقلـع الحيطـان والسـد الوثـيـق يأخـذ الاشجـار ويسـد الطريـق = زاد عن حده وضاق بـه المسيـل طار نومي يوم نامـت كـل عيـن = بت ساهـر مـع نجـوم الفرقديـن من هواجس من جفا من جور ديـن = ما بقا الا البعـد عنهـا والرحيـل صوب ارض الشام أو ارض العراق = عـل يـوم فيـه ينحـل الـوثـاق كم نقاسـي والقسـا مـر المـذاق = ربما نلقـى عـن المنـزل بديـل دع بـلاد الـذل وارحـل يالبيـب = واغتـرب فالكـل بالدنيـا غريـب القضا مكتـوب والداعـي نصيـب = اركب الاخطـار والهـول المهيـل وان جفتك الدار أو مـال الزمـان = لاتعيـش بــدار ذل أو هــوان لـو يظلـي نبتهـا مـن زعفـران = صاحب الاخطـار واجعلهـا دليـل شد عن ارض الاعـادي والحسـود = واطلـب العليـا وبالـغ بالجهـود لو يكون العز فـي غـاب الاسـود = خير مـن دار تعيـش ابهـا ذليـل كـل مـن رام العـلا يرقـى لهـا = سلـم الاخطـار فــي اهوالـهـا مـن تراخـى عزمتـه مانالـهـا = دونهـا يقصـر البـاع الطـويـل اقطع البيـدا علـى عـوج النضـا = لو يكن تمشي على جمـر الغضـا مـا يفـوت العمـر قـدام القضـا = دين عنـدك ليـن ياتيـك العميـل عاشر الاحرار مـن اهـل الرتـب = تستفيـد العـقـل منـهـم والادب حيث هم اهـل المـروة والنسـب = واترك الانذال مـا منهـم حصيـل سل عـن الجيـران قـدام النـزول = وان سمعت الناس تهـرج لاتقـول تكتسـي ثـوب المعـزة والقبـول = والخلايـق يذكرونـك بالجمـيـل كم كـلام راح فـي نقلـه نفـوس = وانت ماتاخـذ علـى نقلـه فلـوس لاتفتـش كـل حـب فيـه سـوس = كم تخوض الناس في قـال وقيـل صون عرضك من ملاغات السفيـه = واترك الكذبـان سـودان الوجيـه من حكى عنهم يعـود الكـذب فيـه = كيف تاخذ هرج مـن بايـر هبيـل اترك البيت الردي وانص الرجـال = خذ عريب البيت مـن عـم وخـال يوم تنظـر فـي ولدهـا كالهـلال = وان مشى بالدرب ما يغوى الدليـل خذ عزيز البز من زيـن القمـاش = والردي لو كان يعطونـك بـلاش ما يفيدك كيف تاخـذ شـي مـاش = بيعـة المغبـون منهـا يستقـيـل دور الطيـب لـو وغـال الثمـن = لو يكون القصد في صنعـا اليمـن لا تغرك صقلـة الوجـه الحسـن =ابـذل المجهـود بالمـال الجزيـل الذهـب مـا يخلطونـه بالنحـاس = غير بعض الناس ما عنـده قيـاس خذ نصايح ما حواهـا بـو نـواس = مثل نظم الـدر واللولـو الأصيـل وان ملكت المال لاتغـدي شحـوح = اطعم الجيعـان واكسـي كـل روح الدبـش والمـال لابـده يــروح = والثنا والمجـد جيـل بعـد جيـل هم روحك واغتنم عصـر الشبـاب = ان لـلأيـام مـيـل وانـقــلاب ونت فيها تنطـوي طـي الكتـاب = لاتغـرك صحـة العمـر الطويـل اترك الدنيا ليـا جاتـك ضحـوك = لا تغـرك بالملاعـب والشكـوك كم غرر فيها وكـم غـرت ملـوك = ضحكها غرار ما اسرع مـا تميـل والعدو لا تأمنـه لـو بعـد حيـن = لو حلف بالبيـت والركـن اليميـن الحقد والبغـض فـي قلبـه دفيـن = وان ضحك بالوجه قلبه لـك غليـل خـل عنـك الكبـر فالله الكبـيـر = لا تحاقـر عـاجـز والا فقـيـر واعلـم ان الأمــر لله الخبـيـر = يقصـم الجبـار ويعـز الذلـيـل بديوي الوقداني الأربعة أبيات الأولى عباره عن المشاركة والبقية هدية للإستفادة منها |
| الساعة الآن 49 : 09 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]