تدري وش اللي يتعب البنت يـسعود
رجلٍ يخـون اشواقهـا و المـودة
إللي إلا احتاج الغلا صـار نمــــــــــرود
وإلى شبـع ممـا عطـاه إستـرده
البنت ريحانة غلا ... ناعمة عـــــود
تبي لها رجـلٍ ورث طيـب جـده
رجلٍ فعولة كلها جـود فـي جـــــود
مـا يلتفـت للـي كفوفـه تـمـده
رجـلٍ إلا جتـه الليالـي بمنقـود
يتكى لهـا مـا بيـح الوقـت سـده
مهوب خبلٍ ما رعى للهوى عهـود
وادناة ما عـارض طريقـه يـرده
ولاهوب لاعلة ... ولاهوب ملهـود
ولا شكوك ... و كلٍ طارئٍ يحـده
ما اشين من الرجال لا جاك بـبرود
وإن قال له ترف القدم شـي صـده
تبي لها بـراق طيـبٍ لـه رعـود
إن اجدبت يمطر على ريـف خـده
وإن نادته تكفى لقـت عنـده الفـود
يشيـل عزتهـا علـى قـو زنـده
كفه نفل ... وانفاس صدره لها عود
وظلالـه الضافـي بيدهـا تـمـده
البنت خد ... وقد ... ونواظرٍ سود
وريحة غلاً ... ياسعد من شم نـده
البنت إلا ضحكت ثمرها لـك ورود
يا سعد مـن يقطـف نواويـر وردة
واللي يهين البنت ناقص ...ومقرود
فرس غلا ... ماهي حمـارة مكـدة
وانا عشيري فيـه زودٍ علـى زود
فديت خصره لـنهصـر ثـم شـده
مياسـةٍ مـا حازهـا زول مملـود
تشكي هواي لقلبهـا ... والمخـدة
وتمد لي من طارف الكـرم عنقـود
بكفٍ اذوب من الولـه يـوم اشـده
وتصفى ليال العمر والعمر مطـرود
واشرب غدير شفاه طيـب و مـودة
من يوم هاواني وانا فيـه محسـود
والمشكلة مـحـدٍ يسـد بـمسـده
ضافي جديله فوق الامتان مرجـود
المسك يقطر مـن حوايـف مكـده
ورمانه الغضة غرض كل مكمـود
يهتز غصـن الشـوق لاهـز قـده
يا ويل قلبي والعذارى لهـن مـود
فيهن من الإحساس مـأحـدٍ يعـده
غضات جسم ولالهن بالبهى حـدود
بحر المشاعر بيـن جـزره ومـده