ليت الذي من قلب.. بالقلب مدفون = كنت احسب ان البوح يشفي طعوني
عز الله ان الشاعر انسان مفتون = ذكرى قصيدة زوّدت من شجوني
أحباب قلبي وينهم ليه ينسون = دمعي عليهم مايفارق عيوني
ياما نخيت وقلت تكفون تكفون = بموت انا من البعد لاتتركوني
كنت انتظر منهم عليّه يردون = ابكي وهم ماظن مثلي بكوني
خايف عليهم يابشر مايردون = بالكون هذا والا ماهم بكوني
من عقبهم بالله انا كيف ابكون =راحوا ولكن ليتهم طّمنوني
أبي سلامتهم أنا ليه يبطون = أدعي لهم بالخير لو هم نسوني
من بعدهم جت من خذت سحر هالكون = حتى لو ان ظروف عنها امنعوني
الفاتن اللي قلبها بيّ مسكون = عامين تبحر في فرايد لحوني
جت معجبة وتقول ابسالك وشلون = احساسك وحسك ونظمك خذوني
ملكتني جننتني ..أنت مجنون؟! = بلاني الله فيك واطلبك عوني
ماظنتي قلبك بيرضى لي الهون = أذكرك انا يوم الجميع اذكروني
قلت احتويها ..خابر الحب ملعون = دامي فقدت احباب ماودعوني
ضايع وقلت آضيع مع من يضيعون = يمكن هواها ايضيع من ضيعوني
حتى املكتني وكنت انا حيل ممنون =هويتها ومايوم تخلف ظنوني
قد وجمال وعنق وخدود وعيون = لاشفتهم ناديت ماترحموني
لكنها راحت مع اللي يروحون = سألت عنها الناس ماجاوبوني
هي له تنسى حب واحساس مظنون =خوفي عليها والحزن عذبوني
صارت حياتي هم لاطعم لالون =وأعز خلاني بها فارقوني
يلعن ابو شعراً يسبب لي اشجون = عسى ماجبته والملا ماقروني
قولوا جنون وقولوا اللي تقولون = لاصرت انا بالحب معلن جنوني

سيدي العزيز

][`~*¤!||!¤*~`][حسن المحمدي][`~*¤!||!¤*~`][

مقيدة حروف قلمي

عاجزة ...

إلا عن إهداء http://www.msa7a.net/up/uploads/1113013c5e.gif لقلبك