لغز خفيف
الاخوه الزملاء لغز خفيف
ويش رجلٍ لابتـــــــــــــــــلى بعله قفاه...........البرا بوريعٍ اطباعــــــــــــــه جزوم يبتر العــــــــــــــــــــله ولو ماجا وراه.......... وعلته آثارها تبقـــــــــــــــى لزوم ارجو ان ينال اعجابكم وارفق علينا ياعذب السجايا شوي الله لايضرك |
صح لسانك
وش رايك بكي العرق المسبب للمرض تحياتي |
صح بدنك ياعذب السجايا
كي العرق مالك لوى يالغالي وتقبل تحياتي |
طيب وش رايك بالقفل الى زرقن ماعاد له الا المنشار
تحياتي |
مالك لوى ياعذب السجايا
وتقبل تحياتي |
وش رايك بالدبل والتغريز
تحياتي |
الدبل والتغريز
مالك لوى يالغالي |
صح لسانك يا أعصار
وتري مني سميك والظاهر المدير غير اسمي الي ابو فيصل 2 الله يجزاه خير وعندي رمعة ويش رايك في أثر الفرامل في الآسفلت تحياتي يبو مستور:D |
هلا وغلا يابو فيصل 2
اثر الفرامل يالغالي مالك لوى |
مشاركة: لغز خفيف
الاخوه الزملاء
انتظر الرمعات قبل القيام بحله وتحياتي للجميع |
مشاركة: لغز خفيف
اخوي الاعصار
اعتقد انك نسيت ترسل الرسالة ارجو ارسالها مرة اخري لاني لم استلم اي رسالة منك تحياتي |
مشاركة: لغز خفيف
اخوي ابو فيصل
الرساله للسلام عليك وكنت استفسر عن شيء ووجدت الاجابه الله لايهينك وتقبل تحياتي يالغالي |
مشاركة: لغز خفيف
الاخوة الزملاء اليكم بيت لعله يوجه للحل
من عرف هرج العرب حلَه لقاه........ومن جهل في هرجهم نفسه يلوم وتحياتي للجميع |
مشاركة: لغز خفيف
هلا وغلا بالعصار
وش رايك بحب الشباب واثاره |
مشاركة: لغز خفيف
هلا وغلى بخوي اصيل
سعدت بمرورك يالغالي حب الشباب وآثاره مالك لوى وتقبل تحياتي |
مشاركة: لغز خفيف
صح لسانك يالاعصار
وش رايك في الكي اللي بين العيون بس معرف وش اسم المرض |
مشاركة: لغز خفيف
هلا وغلا بطبيبنا
مالك لوى يالغالي وابعد عن الطب ومايتعلق به في رمعة اللغز تحياتي |
مشاركة: لغز خفيف
وشلون غاب عنا يابوماجد ....
احرف العلة واو والف وياء لكن متى يحذف حرف العلة من آخر الكلمة ... افكر وارجع تحياتي |
مشاركة: لغز خفيف
صح لسانك يابو عبدالله
ماقصرت ذبحته كالعاده الفعل المعتل الاخر يحذف اذا دخل عليه حرف جزم .يجزم بحذف حرف العله مثال...يسعى ..مع حرف الجزم تصبح..لم يسعَ. وتبقى الفتحه داله على حرف العله المحذوف وما قصرت يابو عبدالله وتحياتي للجميع |
مشاركة: لغز خفيف
:041: :041: مساء الخير للجميع وهلا بك ياالاعصار صح لسانك
عندي رمعه وحده فقط -- الفعل المضارع المعتل الاخر اذا سبقه حرف نصب او جزم و شكرا |
مشاركة: لغز خفيف
ياخوي ياالاعصار ماادري من اللي حله انت قلت صح لسانك يابو عبدالله ؟؟؟
|
مشاركة: لغز خفيف
اخوي الخلاوي
الحل كان موجود في الصفحه الثا نيه ويظهر انك لم تطلع عليه وانت ترمع .. وعلى العموم صح لسانك ولسان ابو عبدالله(عذب السجايا) والحل حرف الجزم اذا دخل على المضارع المعتل الآخر |
الساعة الآن 43 : 09 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas