موظف 905
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:
المكالمه الاولى : شايب كبير السن الموظف : الو ..استعلامات الدليل هاني الــ......, مرحبا المواطن : الو .. ممكن لو سمحت تعطيني رقم عبدالله فهد سعد الموظف : وين ساكن اخوي لو سمحت المواطن : ساكن هنا قريب منا . الموظف : وين قريب منكم بالظبط . المواطن : ياخوي هنا جمبنا جارنا ماتعرفون رقمه . الموظف : ياعزيزي انا مادري انت وين بعد . المواطن : اقول والله ماعندك ماعند جدتي بس . طوط طوط انقطع الخط المكالمه الثانيه : صوت ناعم الموظف : الو ..استعلامات الدليل هاني الــ......, مرحبا الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه الموظف : اي فرع تبغون رقمه . الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس . الموظف : بيموت من الضحك بس ساكت ... طيب خوذي فرع العليا اجل الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك . طوط طوط انقطع الخط المكالمه الثالثه : طفل يرفع الضغط الموظف : الو ..استعلامات الدليل هاني الــ......, مرحبا الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج الموظف : طيب خذ رقمه ؟؟؟؟؟؟؟؟؟؟ الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف : طيب خذ رقمه ؟؟؟؟؟؟؟ (ممنوع اكثر من اسم في مكالمه) الطفل : طيب ابي واحد ثاني هذا رقم ابو نادر عمي سعد . الموظف : اتصل مره ثانيه لانه ممنوع اكثر من رقم في اتصال واحد . الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي . الموظف : يخرج من طوره ( اقول اسمع ............. طوط طوط قفل الخط المكالمه الرابعه : كانت صوت ناعم الموظف : الو ..استعلامات الدليل هاني الــ......, مرحبا الصوت الناعم : عوافي اخوي . الموظف : الله يعافيكم يارب ........ ( اول مره احد يعطيه روح معنويه) الصوت الناعم : لا انا قصدي ابغى مطعم عوافي اللي في العليا . الموظف : طيب خوذي الرقم ؟؟؟؟؟؟؟؟؟؟؟؟؟ المكالمه الخامسه : كانت صوت ناعم اوي الموظف : الو ..استعلامات الدليل هاني الــ......, مرحبا الصوت الناعم : مرحبا اخوي ممكن تعطيني مستشفى العيون للولاده . الموظف : كيف ..؟؟؟؟؟ الصوت الناعم : مستشفى العيون للولاده .. تسمع يا اصقه . الموظف : يبي يصرفها المكالمه مسجله طبعا ( هذا رقمه غير معلن ) . الصوت الناعم : طيب ظف وجهك . طوط طوط انقطع الخط . المكالمه السادسه : كان صوت ناعم.. بنت الموظف : الو ..استعلامات الدليل هاني الــ......, مرحبا الصوت الناعم : هلا اخوي ممكن تعطيني رقم صيدلية السقاف الموظف : تفضلي الرقم ؟؟؟؟؟؟؟؟؟ الصوت الناعم : لا لا لا هذا رقم صيدلية السقاف اللي في الروضه الموظف : طيب ايش فيها . الصوت الناعم : ماهي زينه ... مايبيعون الا فقس .. طوط طوط انقطع الخط . المكالمه السابعه : كانت فتاه ايضا الموظف : الو ..استعلامات الدليل هاني الــ......, مرحبا الفتاه : عيوني. الموظف : بلا هالكلام ايش تبغين .............(عشان المكالمه مراقبه). الفتاه : لا انا ابي محل عيوني للعدسات والنظارات اللي في التحليه . الموظف : ايش اسمه عيوني. الفتاه : لا مو عيونك عيوني انا ياعيوني . الموظف : خوذي رقمه ؟؟؟؟؟؟؟؟ الفتاه : طيب شكرا لعيونك اللي كنها عيون بقره ...ههههه عندها بنات يضحكون . الموظف طلع وترك الدوام .وراح يشرب عصير ليمون . |
روووووووووووووووووووووووعه
عجبتني مستشفى العيون للولاده ،،،،،،،،،،،،،،،،، بزياده والله يتعبون مساكين |
ههههههههههاااااااااااااااااااااااااااااااااااااااا اااااااااااااااااااي
غربل الله عدوك يالتحفة..:) :D :D :D :D والله افكارك عجيبة يا خطييييييييييييييييييييييييير انت.. الطير الجارح.. تسلم اخووووووووووووووووووووووي.. الصراحة روعة على قولة الاخ لمساااااااااااااااااااااات :) :) :) :) :) :) :) :) :) :) :) :) :) :) :) :) :) :) :) :) مع الشكر |
تسلمون اخواني على الصمود ولمسات
هذا من ذوقكم |
صراحه رهييييييييبه مررررره
تسلم اخوي على المشاركه الحلوه |
الحمد لله على السلامة اخوي فتى الجبل وانشاء الله دعيت لنا
وشكرا هذا من ذوقك |
الساعة الآن 24 : 05 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas