يسعد مساكم يسعد الله مساكم =يأهل الوئام اللي لكم خافقي ذاب
البارحه جلست أعاين سماكم =اثر سماكم للمحبين جــــــــــذاب
الروح تفداكم وانا من فـــداكم =قول الحسام اللي عرف قدر الأحباب
احبكم والحب عام وغطاكـــم =نهر المحبه نهر سالب للألباب
في كل يوم ايزيد والله غلاكم = اقولها من قلب ما هو بكذاب
اغيب وارجع والعلاقه معاكم = تزيد ثم اتزيد ونزيد الأصحاب
قلبي هوى روح الوئام وهواكم = مثل الخلاوي راحته راس مرقاب
وانتم كما المرقاب منهو نصاكم = يطيب قلبه ماعرف ويش الأتعاب

بكل الووود



.
.
.

شاعرنا الراااااائع


لا ألوم الوافي في إضرابه

وحق له ذلك....

دوما ...تثبت أنك شاعر راااااقٍ جدا وقبلها إنسااااانٌ أكثر رقيا


لاعدمنا جميع الوئاميين

وعلى المحبة في الله نلتقي أبدا....!!

.
.
.


تحياااااااااتي

صح لساااااااااااانك يامبدع

الله يعطينا مثل ما عطاكم= ياشا عرٍ شعره كما الشهد لا ذاب
راعي وفا دايم وربي حباكم=شعرٍ على ماقلت للناس جذاب
نتعب وحنا مالقينا جزاكم= الاببذل الحب من بين الاحباب
هذا كلام اللي حلف ما نساكم=لأن حبك سالبٍ منه اللاباب
يفرح الى منه بشعره دعاكم= ويفرح بشوفتكم ولا هو بكذاب
لو كان في شعره بعيدٍ وراكم=يعدكم والله من خير الأصحاب
ودايم سراه مباعدٍ عن سراكم=حتى ايش لو عدى على كل مرقاب
تتعب خطاه إن كان تتبع خطاكم=ولا لقى من رحلته غير الأتعاب

استاذي ومعلمي وتاج راسي

ابو ابراهيم

شكراً لك على مجاملتك اللطيفة

ولكن الصحيح ماعنه يقولون البدو

بعدين قصيدة الجار اللي على بالك

للاسف ما احفظها لأنها كانت

كيبوردية وعلى الطاير

ولم انسخها لا في في الجهاز

ولا في قلبي (قلبي فيه زحمة ياخووك)

لكن لا بد مايمرني او امره

او يكلمك ونطلبها منه

ومن حين الى حين فرج

بس اذا تأمرني الآن اصكه له بوحدة

(هذا والله البدوي اصكه ههههههه)

لك مني كل الحب استاذي