ان جيت نذبح لك خطات السميني.... تفضل ياالبجادي...
السلام عليكم ورحمة الله اهلا بالمستمعين والزائرين ..... ارسل علي البجادي بيت اعجبت به كثيرا واحببت مجاراته يقول ابو خالد ودي بحليب انياق يالجسر وشلون اجيك ... والا بالمدينه تجيني http://m7ml.com/uploads6/809984b430.jpg وابو خالد غالٍ عندي ولاهوب رخيص اقول تفضل يابو خالد يامرحبا ترحيب مليون مليون=اعداد مامرت ميات السنيني تقول والله اوبعد زود وتمون=ان جيت نذبح لك خطات السميني ان كنت منته من شباب ينامون=اسرح علي بدري عسى الله يعيني عان النشامى في محلي يتقهوون=وعان الحوير صارلامَه حنيني وقطيع ذيدانٍ مع الريع يمشون=وصوت الجرس بنياقهم له دنيني تعال لوتركب على جيب صالون=والاَجديد الجمس عبارتيني انا احتريكم كان صمَلتو أتجون=ترى المسافه كلها نفذتيني لياجا المسى خل الصبايين يشوون=والصبح ازبط لك فطور الحنيني وحليب خلفاتٍ لياجيت مظمون=من الدَر. والاَمن صبوح السعيني تكفون يا اهل العاصمه مير تكفون=قولو لبو خالد يعجل يجيني |
رد: ان جيت نذبح لك خطات السميني.... تفضل ياالبجادي...
ماشاء الله قصيده روووووووووووووووووعه
صح لسانك ياخي وينك يابو خالد عجل وروح له |
رد: ان جيت نذبح لك خطات السميني.... تفضل ياالبجادي...
ان كنـت منتـه مـن شبـاب ينامـون
اسرح علي بدري عسى الله يعينـي عان النشامى في محلـي يتقهـوونو وعـان الحـويـر صـارلامَـه حنيـنـي حبيت ارد على الابيات الجميله بأبيات جدا متواضعه ان شاء الله تعجبكمـ ابوخالد ماهو من اللي ينامون يسرح مع الفجر عوايده فطيني وأنت كريم بدون شك وضنون وإبلك الله يكفيها شر الحاسديني صح لسانك وسلمت يمينك وتشرفت على مشاركتي معكم بالموضوع وراح نقول لابو خالد يجيك بإذن الله والله لايفرقكــم يارب ويجمعنا في الفردوس الاعلى تقبل مروري ايها المبدع |
رد: ان جيت نذبح لك خطات السميني.... تفضل ياالبجادي...
همس المشاعر جات تمشي على الهون = لعيون من هو للمعاني فطيني لك البقا يا شيخ شاكر وممنون = عادة هل الفزعات لازم يبني امون والله يالجسر كيف مامون = في مجلسك ياخوي كلش يزيني صاغت يمينك يالجسر شعر موزون = وشفت القوافي كلها تحتويني يالجسر كنّي بين الاضلاع مطعون = من حرّ مافيني تزايد ونيني ودي أزورك والوعد قيل مصيون = مير الظروف القاهرة تحتريني لو ما يطيع الوقت فالطيب مرهون = طيب الوفا مقسوم بينك وبيني مديت لي يمناك واصبحت مديون = مبداك وافي والصعايب تليني الحر حر ونايد الخلق يدرون = وشرواك نسل احرار علم ٍ يقيني مشكاي قدرك بات بالصدر مدفون = ومن صادق الاحساس تكتب يميني والمعذرة على القصور اخي الجسر محاولة رد قد لا ترقى لمستوى رائعتك ولكن الجود من الموجود وكل الأمر وما فية مجرد مداعبة .. مشكور على الدعوة وهذا شرف لي لكن الظروف قد لا تسمح حاليا ,, دمت بخير وسعادة ,,,, |
رد: ان جيت نذبح لك خطات السميني.... تفضل ياالبجادي...
اقتباس:
جينا طال عمرك وعسى محاولة الرد تحوز على ذوقك |
رد: ان جيت نذبح لك خطات السميني.... تفضل ياالبجادي...
اقتباس:
اثرك مانتب سهل .. ما شاء الله عليك اكتشفنا شاعر جديد .. المهم شمّر عن ساعديك وعطنا مما عطاك الله لا تقعد تلف وتدور وتجيب اعذار واهية .. |
رد: ان جيت نذبح لك خطات السميني.... تفضل ياالبجادي...
الله الله الله
صح لسانك شاعرنا الجسر وصح لسان البجادي بصراحه ابدعتم في المجاراه يعطيكم الف عافيه ولا تبخلوا علينا من جديدكم |
رد: ان جيت نذبح لك خطات السميني.... تفضل ياالبجادي...
لا غرابه
في الابداع في مساجلات العمالقه الجسر ابوخالد صح السنتكم عداد ما خطت احرفكم |
رد: ان جيت نذبح لك خطات السميني.... تفضل ياالبجادي...
اقتباس:
وشلووون ماتحوز على ذائقتي وانت كاتبها وش تجي اصلا ذائقتنا عند ابياتكم لله لايضركم وصح لسانك مليوووون ولا يسدوون |
رد: ان جيت نذبح لك خطات السميني.... تفضل ياالبجادي...
تسلم يمينك يابو خالد ابيات في منتهى الجمال والكمال وفيت وكفيت ولكن انتظر الزياره منك قبل مااتوجه للدهنا ونصير بعيد شوي والا نحدر للصمان وهي ابعد وابعد لافظ فوك يابو خالد تحياتي وتقديري |
الساعة الآن 09 : 09 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas