|
وش رجل لبسوه العمامه و الحقوها العقال
السلام عليكم ورحمة الله و بركاته
بنشدك يالفهيم اللي تحل السؤال =ويش رجلٍ هله ما ننكر احكامهـا لبّسوه العمامه والحقوها العقال =وفصّلو له هدومٍ يسحب اكمامهـا وعلّقوا فوق متنه بندقٍ ما تشال =سيرها ما اختلف مع دقّة احزامها وقفته محتميها في نهار وليـال =كم جيوشٍ تهابه ساعـة اقدامهـا مير شفنا هله ذلّوه قدم الرجـال =كتّفو ايديه والسيقـان واقدامهـا تحياااااتي |
السلام عليكم ورحمة الله وبركاته
الأخت الغالية ( الليدي عمشا ) هلا والله ورحب فيك وصح لسانك يالليدي لغز جميل لكن بلشنابه عندي رمعه ولكن بدون تعليق وضحك لأن الأسم اللي يطلق عليها نسيته وش رايك ( في المجسم اللي يسونه الباديه من خشب أو ما شابه لذلك ويلبسونه ثوب ) وهذا يحط كتمويه وتخويف للغزاه أو للذئب ودائماً ما يكون بأطراف المكان اللي توجد فيه مواشيهم . عارف أني طولتها عليكم لكن أعذروني تحياتي وتقديري لك أختي |
اخوووووي عاااازف الناي
هلاااا مليووووون لاطولتها و لا شي رمعتك ياخوي في محلها في الصميم وهي مايسمى عند البدو بالمخيااااااال او الفزاعه بيض الله وجهك للتنويه: اللغز للشاعر ناصر بن دغيم تحيااااااتي |
الأخت الغاليه ( الليدي عمشا )
هلا والله ورحب عداد السيل لاهنتي أختي وصح لسانك ولسان الشاعر والله يذكرك الشاهده ( المخياااال ) هو المخيال وترى والله العظيم أول مره أقراه وبرغم محاولة البحث عن طريق قوقل ولكن بدون جدوى قلت ماله غير هالرمعه وجابها ربي صح. الله يعطيك الصحه والعافية وجعلك تسلمين من كل شر وتقبلي كل التقدير والإحترام |
| الساعة الآن 39 : 11 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]