منتديات الوئام - ابيك حبيب .... وصديق ....... وعقبها زوج

المقطع الاول . في البيت

خالد.. اقول منى صكي اللمبه وخليني انام

منى.. ايه اكيد تبي تنام ما عليك مني احر ما عندي ابرد ما عندك

طول اليوم في دوامك وتجي تاكل وتنام العصر وتقوم المغرب يا تروح

لاخوياك يا تقعد على هالعله الكمبيوتر واذا كلفت خاطرك وتعطفت

علي قلت لي زيني شاهي وقعدت على هالجرايد ولا مسكت الرموت وقعدت

تحوس بهالقنوات تدور البنات المزايين .وانا ولا كني موجوده صح

خالد..زين افهم انت ويش تبين انا اشتغل عشان من انا ابيكي تعيشين

احلى حياه ما ينقصك شئ

منى..خالد والي يسلمك انا ما ابي اعيش بقصر ما ابي اركب ازين

سياره ما ابي الف العالم ماابي ذهب والماس خالد انا ابيك انت ارجوك

افهمني ابي احس انك تحبني اني زوجتك اني مهمه عندك انك توله علي

مثل ما اوله عليك

خالد.. اوووف مني ردينا لكلام المراهقين

منى ..خالد حرام عليك تسمي الحب مراهقه ليش افهم اروع شئ بهالدنيا

الحب

خالد .. منى انت تعرفين اني احبك بس مهوب لازم اقعد اتغزل فيكي

ليل نهار

منى .. انا ما قلت كذا بس انا محتاجه اسمع منك اي كلمه تحسسني انك

معي بقلبك مهوب جسمك وبس خالد انا محتاجتك انا حاسه بفراغ

عاطفي يقتل انا اذا ما لقيت الكلام الحلو عند رجلي وين القاه انت

قولي خالد ارجوك ابي احس بانوثتي يكفيني اسمع منك كلمه حلوه كل

يومين كل اسبوع ما يخالف بس موعلى طول حياتنا جافه وناشفه من

الكلام الحلو من اللمسه الحنونه يعني انا ما اخبر انك مسكت يدي

او لمستني او حظنتني الا اذا كنت تبي حقوقك بس ليش خالد انا تعبت

ودي تعطيني جزء مما اعطيك ودي تدللني نقطه من بحر تدليلي لك

ليش تبي تثبت لي نظريه كثير من الناس ان الحبيب يكون معه كل شئ

روعه وحب خرافي واهتمام ورمنسيه وان الزوج معه الحياه الروتينيه

وبس ليش ما يكون العكس ليش ليش

ليش ما تكون حبيبي وصديقي وعقبها زوجي ليش يا خالد انا محتاجتك

نفسي مره تتصل على وتقولي وحشتيني نفسي نروح مكان هادي ورمنسي

نتكلم بعيونا نفسي .. يقاطعها

خالد ..اقول منى بلا هرج افلام بس صكي اللمبه وخليني انام بكره

عندي اجتماع مهم تصبحين على خير ................

ابشر ان شاءالله يا بعد عمري اسفه اني ازعجتك تصبح على خير ..

تصك اللمبه وتصك الباب ودمعتها على خدها وتقول ايه كذا كانت

حياه مريم صديقتي قبل لا تخون زوجها .آآآآه

....الاسماء لا تخص اشخاص معنيين ....

الى اللقاء مع المقطع الثاني..