يابو فهد ضيقت صدري بشكواك.......
عندما يشتكي اليك صديق عزيز جدا(خارج المملكه) ولا تملك اي وسيله للمساعده. فهنا يتدخل الشعر للتخفيف من المعانات. وهذه القصيده موجه للاستاذ / احمد بن حمود القريشي يابوفـهـد ضـيـقـت صدري بشـكـواك = الامــــر لله ما لنا فـيـه حـيـلـــــه عـنـد الـولي يابوفــهـــــد داك ودواك = الله كــريـم وكـل هـمٍ يـزيـلــــــــه نشـفـق على من كان مثلك وشـرواك = نـشـفـق على اللي مايمد الهـزيله عـز الله انك هـقـوت اللي تـهـقـــواك = ربيع في وقت الـسـنـيـن المحـيله ماضاق صدراللي على الدرب خاواك = ياعون من ضاعت عليه الوسيله يابوفـهــد عـسـى الـبـلاوي تــعـــداك = وعـلـيـك سـتـر الله يضـفي شليله يابوفـهـد كان اسـود الـوقـت عــاداك = ولاعـتـك بقعـاء بالحمول الـثـقيله وبالمـعـمعـه يابوفـهـد تاهـت اريــاك = وحسيت وسط الصدر مثل المليله عـليك باللى من عـنـا الوقـت ياقــاك = ربٍ كـريـمٍ مايـضـيـَع دخـيـلـــــــه الـمـشـكـلـه يابوفـهـد ماقـدر انصـاك = الـوقـت ضـيـق والـمسافه طـويله والا انت تـسـتـاهـل عـنا من تــعـناك = مثلك ترى يستاهـل اللي يـجـي له احمد بن عبدالرحمن العريفي (نديم المجره) |
رد: يابو فهد ضيقت صدري بشكواك.......
اخوي نديم المجره مساك الله بالخير واسعد الله مساك احسنت الاختيار واختيارك لمثل هذه القصيده التي تعبر عن شعور الشخص والتخفيف عن معانات الاخرين
اشكرك على هذا الاختيار الجيد وتقبل مروووووووووووري |
رد: يابو فهد ضيقت صدري بشكواك.......
صح لسانك يالعريفي والله يفك كربة صديقك
|
رد: يابو فهد ضيقت صدري بشكواك.......
صح لساااااانك نديم المجره ابياات رااائعه والله يفرج هم صاحبك يعطيك العاافيه على هالقصيده تقبل مرووري غـــلا |
الساعة الآن 38 : 12 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas