إيه ياما غديت اركـض ورى طيرياللـي=ليـن ملّـيـت نفـسـي واحتـرفـت الكتـابـة
صـدق ملّـيـت لـكـن خافـقـي مــا يمـلّـي=ينـتـشـي كـلّـمـا حـنّــت بـقـربـه ربـابــة
والسبـب حـب خلّـي يعنبـو حـب خـلّـي=يــوم ضـيّـع شبـابـي ضـيّـع الله شـبـابـه
مـن عرفتـه ونـا اللـي مندفـن فيـه كـلّـي=مندفـن فـي هـواه ومنـدفـن فــي عـذابـه
لانـســيــم يــطــيــب ولا رذاذٍ يــبــلّــي=ثـوب روحـي ليـا مــا بــلّ قبـلـي ثيـابـه
ولا الفرح يعتلي وجهي ويغشى محلّـي=لاظـهـر وجــه خـلّــي تعتـلـيـه الـكـآبـة
صدّقونـي خيالـه صـار لـي مثـل ظـلّـي=لا نسيـتـه ثـوانـي فــزّ فـكـري وجـابــه
ما يفارقنـي ابـداً غيـر إذا جيـت اصلّـي=لا دخـلـت المصـلّـى ينتـظـرنـي بـبـابـه
أدفـع اللـي بـقـى مـنّـي وشـوفـه يخـلّـي=بعـض مـا فيـه مــن دلّ ودلال ومهـابـة
لااجـل لامـن همـس فينـي بلهفـة وقلّـي=يــا هـلابـك أصـــدّ ولا أقـــل يـاهـلابـة
يمكن ارتـاح منـه ومـن عـذابٍ حصلّـي=ويمكن ارمي عصاتي من يدي في غيابه

السعيد من جدّة 27/8/1426ه

المشاركة الأصلية كتبت بواسطة عازف الناي السلام عليكم ورحمة الله وبركاته أخوي الغالي ( السعيد2 ) هلا والله وغلا ومراااحب فيك أسعد الله أيامك ولياليك بالأنس والسرور آآآآآيه ياما غديت أركض ورى طير ياللي ------- لين ملّيت نفسي واحترفت الكتابة رااااائع يالسعيد والله قصيدة غاية الروعه والجمال ولو أن اليأس والألم قد تمكن من أحرفها العذبه. إبداع وتألق يلامس جروح القلب نزف وآآآهات تكاد أن تـفـقـد الأمل وأماني محزنه تشبثت فيما بقي من الآمال. تميز وذوق تصافح به منتدى الشعر والأدب تكتمل روعته برقي كاتبة المتألق صح صح لسانك يالسعيد ولاهنت يابعدي تسلم يمناك على هذه المتميزة ويعطيك ربي العوافي تـقـبل بكل الود تحياتي وتـقـديري؛؛