عروس الشمال
ذبت انا في عشق عروس الشمال=ومت في نجل العيون وموقها آيةٍ ماتنوصف لو بالخيال=تبهر العشاق نوض بروقها قلت احبك قالت اشواقه تعال=وأفصحت عن شوقها لمعشوقها من يلوم اللي اذا اشتاق الوصال=تلهب اشواقه لهيب حروقها ذعذعي للحب يابداع الجمال=وذوبي للشعر روح بشوقها لولا ماهي رائعة حسن ودلال=ولولا ماهي بارعه في ذوقها كان ماتعشق شيم اوفاء الرجال=اللي عاهدها وحلف مايبوقها ودي ارّد نبعه العذب الزلال=وشمسه اتهنى بدفء شروقها ياعذّب الاشعار في عذب المنال=تفرعني مادام ماحدٍ فوقها لهالسبب معها الى يوم الزوال=لاشتري ولا بيع حب سوقها ياعياده فزعتك يابن الحلال=ودي بجاهه لابوه تسوقها |
رد: عروس الشمال
الله الله ياعادل الغدير صح الله بدنك وصح لسانك بدعت وأبعدت وأجدت
قصيدة جميلة ورائعة وجزلة ومعبرة جداً في وصف عروس الشمال وتسلم وبيض الله وجهك ياشاعر الشمال هذا ولشخصك الكريم أجمل وأجزل وأطيب تحياتي |
رد: عروس الشمال
.............
... ومين مايذوب في عشق عروس الشمال ياعادل الله لايلومك مبدع كما عهدناك صح لسانك ... |
رد: عروس الشمال
جزلة الأبيات وجميلة جدا بوصفها صح لسانك ، لاهنت |
رد: عروس الشمال
صح لسانك
ابيات جميله ورائعه لاعدمنا جديدك تقديدي |
رد: عروس الشمال
من يلوم اللي اذا اشتـاق الوصـال تلـهـب اشـواقه لـهـيـب حـروقـهـا ماشاء الله .. صح لسانك اخوي إحساس رائعه ترجمته الكلمات تحياتي |
الساعة الآن 58 : 08 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas