منتديات الوئام - تعالوا شوفوا لمسات و ملجلج لما فاتهم الإختبار

القصة يرويها لنا ملجلج
حبيت أقول لأي طالب جامعي لا لا لا لا لا تستغل طيبة الاستاذ مهما كان

يقول لك هذا انا وواحد من اخوياي متاخرين عن الاختبار ساعه وربع وجايين

بزعمنا بنكسر خاطر الاستاذ ويعيد لنا الاختبار

وش التصريفه يا ولد _-_-_-_- خلنا نقول له ان الكفر (الاطار) بنشر وهو دلخ بيصدق

صدق الاستاذ وخلاص يا ملجلج وخلاص يا لمسات اختباركم يوم الاربعاء 9-1-2002

جا يوم الاربعاء وجات معاه المصايب

((طبعا الاختبار عادي لغه عربيه ))

جا الأستاذ وقال جوالك يا ملجلج وجوالك يا لمسات اعطيناه الجوالات

رح يا ملجلج في قاعه ورح يا لمسات في قاعه (( ابشر )) وزع الأوراق وكانت الصفحة الأولى فيها عشر اسئله وهو قايل لنا ان الاسئله

عددها احدعش اناظر الورقه كل سؤال من العشر اسئله عليه درجه وحده بس

شدعوه يعني السؤال الاخير عليه تسعين درجه ومن يكون هالسؤال وش حضرته

خلونا نتعرف على السؤال الاخير اللي حاطه الاستاذ في صفحه كامله لحاله

وعليه تسعين درجه

وين كان محل الكفر اللي بنشر؟؟؟؟؟؟؟؟؟ يعني أي كفر بنشر معاكم؟؟؟؟؟

تخيلوا هذا سؤال

والاستاذ يقول ان كتبتوه نفس الاجابه انت وخويك بالغي السؤال واحط على كل

سؤال من العشره عشر درجات بدال درجه وان حليتوه مختلف راح تبقى نفس الدرجه

والله العظيم انه اصعب من الف معادله كيميائيه

مره تكتب اللي قدام على اليمين ومره تكتب اللي ورا على اليسار

وانا اقول اخر مره غيرت الكفرات اللي ورا يعني يمكن يفهمها لمسات ويحط الكفر

اللي قدام بس اي واحد منهم الايمن او الايسر

و لمسات يقول في نفسه ملجلج دايم يفحط يعني اكيد اللي بينفقع اللي ورا بس اي

واحد منهم اللي يمين او اليسار

اكتب وامسح واكتب وامسح واخر شي استلم الاوراق

ملجلج / 8 من 100 وكاتب اللي قدام على اليمين

لمسات / 6 من 100 وكاتب اللي ورا على اليمين

حليت ثمان اسئله و لمسات حل ست اسئله والنهايه رسووووووووووووب F ويخب على

وجهك انت وخويك

صحيح الاستاذ كان طيب لكن والله انه اذكى من المحقق كونان