|
قال الذي في بدع الأشعارجسار (( الرد على فزاع ))
بسم الله الرحمن الرحيم
فــــــــــزاع السلام عليكم ورحمة الله وبركاته اسعد الله اوقاتك بكل الخير والف شكر على توجيه رسالتك قبل أيام إلى اخوك الحسام لذلك ارجو منك أن تتقبل هذا الرد المتواضع على رسالتك الجميله كما ارجو ان يحوز هذا الرد على اعجابك وإعجاب الجميع في هذا المنتدى الراقي
قال الذي في بدع الأشعار جسار = والفضل للي مدنا من غزاره اللي رفع سبع السماوات جبار = والأرض كورها بحكم اقتداره عالم خفيات الملا سر واجهار = والكون بامره ما يخالف قراره والشكر له من غير حصرٍ ومعيار = شكرٍ يصل حد الثناء باعتباره خطٍ لفاني من عنا البعد زوار = يا مرحبا ترحيب لأحلى زياره ترحيبٍ احلا من لبن حمر الأبكار = وإلا العسل لا قيل ضد المراره وإلا كما عذبٍ جرت فيه الأنهار = صوته وطعمه مع جميل النظاره وازيد بالترحيب مليار مليار = واهديك عذب الشعر حد الإثاره فزاع مرسلي على بث الأقمار = شعرٍ جميل وفيه يشرح مداره يقول انا من قلة النوم منهار = وش حيلة اللي ما عرفنا مساره اقفى وله في نجد منزل ومسيار= ذيك الرياض العامره بالخظاره فزاع تشكي والهوى صاب الاوتار = خلى عروق القلب تلعب اوتاره يا صاحبي مره ولا كل الأمرار = سهم الهوى لا صاب واضح دماره انا بعد مثلك تعلقت الاسوار = والحب صاب القلب واصله شراره يلعب بقلبي مثل ما يلعب الفار = والفار معروف يحب الخباره وإلا كما موجٍ لعب فيه الأعصار = وشلون حال البحر لا جاء عصاره عايش على الذكرى وتقليب الأفكار = وبدع القصيد اللي كتبنا اسطاره تشكي وانا اشكي حب سيدات الأعمار = والكل منا قام يشكي عواره لكن انا للي قصدني علم دار = ابشر بعزك لا طلبت المشاره إن كان خلك بالمدينه والأمصار = يومين تكفينا نلف ألف حاره وإن كان خلك تعجبه زين الأقفار = تلقاه في روضٍ جميلٍ قفاره يرعى الغنم والبل ما هي بالأبقار = وإن شاف براقٍ يخيل إدياره اجيك لو في جيتي كل الأخطار = والروح نرخصها ولو بالعزاره نبي ندور صاحبك وين ما صار = لو طال وقت البحث يلزم احضاره خذني كما سيفٍ على الظلم بتار = وعلى ديار الزين نعلن حصاره لو القبايل سوت الشجب وانكار = وكلن غدا ينذر بسحب السفاره ما نعلن الهدنه ولا نقطع النار = إلا بعد ختم الولي بإستماره انا معك بالمال والجاه والشار = ما ني من اللي قال واعلن فراره اثبت على الكلمه مثل ضلع سنجار = شامخ على مر الدهر في وقاره ولاني من اللي دايم الدوم ثرثار = اللي هروجه تتسم بالحقاره ولاني بمداحٍ ولاني بعيار = اصدق مع الفزعات ماهي عياره واختامها صلوا على صاحب الغار = شفيعنا في يوم صعبٍ مزاره |
الاخ الغالي المبدع دائماً ابو ابراهيم بيض الله وجهك ياذيبان انشهد انك كفيت ووفيت رائع رائع رائع رائع رائع رائع رائع رائع رائع الله يعطينا مما عطاك لك مني كل الحب |
بسم الله الرحمن الرحيم
رهين العذاب السلام عليكم ورحمة الله وبركاته وبيض الله وجهك على هذا الرد السريع وعلى جميل عباراتك التي اسعدتني فبارك الله فيك والروعه اخي الفاضل هي في تواجدك الدائم وفي اطلالتك الراقيه في كل المشاركات تقبل فائق الود والتقدير اخـــــــــــــوك الحســــــــــــــــام |
اخوي الغالي الحسام السلام عليكم ورحمة الله وبركاته واسعد الله ايامك بكل خير وبيض الله وجهك يالقرم على هذا الرد الكافي والوافي يالذيب ولاني مستغربه على مثلك وشروك فأنت كفو الهذي وغيرها والله لا يهينك كفيت وفيت يابو ابراهيم
ما نعلن الهدنه ولا نقطع النار=الا بعد ختم الولي بإستماره انا معك بالمال والجاه والشار=ماني من اللي قال واعلن فراره اثبت على الكلمه مثل ضلع سنجار=شامخ على مر الدهر في وقاره كفو والله يابو ابراهيم وقول وفعل وعساك دايم على القوه يالحسام وبيض الله وجهك يالذيب ولابغيتك منت بعيد مثلك وشرواك هو راعي الفزعه ولك مني وافر التقدير اخوي وتقبل تحياتي اخوك فــزاع |
اخي الحسام
انها ليست قصيده ليست رد انها اكبر من الشعر واكبر من الرد انها ابداع يعجز عنه الكثير رائعه رائعه اعتليت بها القمه حقيقه لم اقرأمثلها رديت فيها على قصيدة مبدع مثلك يعطيك العافيه كفيت ووفيت والشاعر هزاع يستاهلها لانه هو من اخرجها لنا يعطيكم العافيه فخر للوئام وجودكم بين شعراءها |
...
...................... حسااااااام الشعر ابو ابراهيم لايمكن للكلمات ان تصف ثروة اعجابي بهذا الرد الوافي الشاافي ... ابدعت ورب الكعبه كما هي عوايدك يا ابو الابداع سخرت القوافي وذللت المعاني فأنساقت لك على حسب ماتريد بيض الله وجهك . وبيض الله وجه فزاع والله لايحرمنا منكم ومن ابداعاتكم. السيف |
...........
......... أبك اثر الولد إلى الحين مهوب صويحي:confused: إلى الحين معه شياطين الشعر هههههههههه:D بسم الله ماشاء الله والله انكم يا الشعار تسرقون عقولنا وحنا ما ندري . أغلبكم بالله ايو الله ... أبو ابراهيم صح لسانك ملايين ولسان فزاع ورد كافي ووافي وجزل على فزاع أبو الجزاله .. صدا رائع لصوت رائع إيضا الله لا يحرمنا إبداعتكم يا وئاميوووووووون ... تحياتي للجميع |
قليله فيها كلمة إبداع يشهد الله كم استوقفتني روعتها ولا اجامل او ابالغ او اتصنع خياليه بمعنى الكلمه اشكرك لهذا الحرف الصادق الذي الجم فينا التعبير |
|
بكل الووود . . . وبكل ....... الإعجاااااااااب وبكل أبجدية الإنبهااااااااار ومنتهااااااااااااه وبكل حرررف أخذتنا معك في رحلة لعالم شاهق من الابداع و التمرد على المعقول حين قرأت قصيدة شاعرنا الكبير فزاع بروعتها و وكمالها توقعت منك ردا رااااائعا ولكن بهذا الإبداع..؟؟!! هذه ليست قصيدة بل قصااااائد في .... قصيدة تحية لرقيك ووعيك وخلقك... وتحية بحجمها لمن استفزك لاعدمنا حضوركما المبهج . . . تحياتي |
| الساعة الآن 16 : 07 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]
