|
اذا كنت في البر ومامعك ثلج وش السواة؟؟؟؟؟
ياصباح الثلج والبرد في عز القوايل.. ياجماعة العوربان.. انتم في البر... ومعكم موية وبيبسي وعصير وسفن.. بس من دلاخة الي وياكم في الطلعة ماجاب ثلج.. وش السواة تفقع وجه؟؟؟ طبعاً لا.. تطلق عليه نار؟؟؟ اعتقد انها جريمة اذا ماخاب ظني... تزاعله؟؟؟ دلخ ماراح يفهم ولايدري وين راسه من رجوله.. اذا مالعمل؟؟؟ تنصحك غزالة الجنوب بارك الله فيها بالطريقة التالية.. أولاً : لازم يكون وياك اسطوانه غاز طبخ ...وعاد اذا ماهي وياكم مو خويكم لوحده دلخ الجروب كله دلوخ... هاذي الطريقة يسمونها التبريد بالغاز ... أحضر وعاءً به ماء وضع الأشياء التي ترغب بتبريدها داخل كيس من النايلون وأربطة جيداً (لأن الغاز يترك أثراً مثل الزيت على المعلبات من الخارج كما يترك طعماً عليها). ثم أدخل أنبوب (اللي) الغاز داخل الماء الذي في الوعاء وأفتح صمام الغاز إلى نهايته ، وخلال أربع دقائق سيتجمد الماء في الوعاء ويصبح ثلجاً . مع ملاحظة أن هذا الثلج لا يصلح للإستعمال مباشرة (((يعني من الهبالة تقومون تكسرون منه وتحطونه على البيبسي...خلوا الهبال )))بل فقط لتبريد أي معلبات أو أي أغذية داخل أكياس وهو أيضاً غير قابل للأشتعال . ملاحظة : إن أنابيب الغاز الصغيرة والتي تستخدم مع مواقد الرحلات لا تصلح لهذه الطريقة فهي تبرد الماء قليلاً ولكن لاتحوله إلى ثلج !! ملاحظة اخرى:بلا دلاخة..لاتقعد تسوي الحركة عند نار مشبوبة .. وبكذا برد بيبسيك ومويتك وعيصيرك.. وتكفي نفسك من مخابطة الدلوخ.. وحتى انت خل عنك الدلاخه وجيب معك اسطوانتين غاز.. بالله رايحين تكشتون ومن غير غاز.. اقول انثبروا في بيوتكم منتوا وجيه طلعه.. الشرهة على الي يطلعكم ولايعطيكم نصائح..>>>وش شاربه انا اليوم؟؟؟؟؟ :h :dizzy2: . . . ترى ماقريته من مكان اخر ولانقلته... |
الله يسلمك غزالة الجنوب
طريقة يبدو انها صدرت عن تجربة من حكيم جاري التحميل والتجربة لين أروح العزيزية وإلا راس الزور أبا أشوف يمكن يبرد العصير راني |
..
ههههههههه يالله بعز الحر تبيننا نكشت ..؟؟ لا عز الله رحنا فيها وع عاد السنه هذي حرها فضييييع ياحبني لك يالشتاء وهـ بس متى تجي فكرهـ منتازهـ غزاله .. بس مو كنك سبيتينا :dizzy2: <<<< ههههههه توها تتذكر تسلمين يارب غزاله:rolley: .. |
خطييييره ذا البونيه انا اشهد انك راعية كشتات هههههـ طيب جربتي تدفنين الاشياء اللي تبين تبردينها بالرمل ؟ << طريقه مجربه بس تاخذ وقت لين تبرد الله يعطيك العافيه .. غزوله هانم .. . . . |
اقتباس:
هلابك يالاغر.. يااخي انا اخبرها مرة زمااااااان سواها خالي بس ماشفت الطريقة.. سمعت ان السالفة فيها غاز وثلج ومافكرت اسال لحظتها لاني مشغولة ويا عسكريمي.. حمل الطريقة وجرب.. علشان راني تهون الف اسطوانة..:grin: . . يسعدك ربي يالاغر.. |
اقتباس:
ايه والله متى على الله تنطفي جمرة الصيف.. ويهب من صوب الشمال البرادي.. اقتباس:
اناااااااا؟؟ سبحان الله اناقلت شئ؟؟ انا قلت انتم دلوخ؟؟؟ الاخت دلخه لاسمح الله؟؟ ولا الي على راسه بطحه يحسس عليها..:curtain: . . يسعدك ربي ياحكاية.. |
اقتباس:
شوفي ياسديم باشا.. يبيلي انا وياك بس وممنوع اصطحاب العوائل والبزارين والرجاجيل.. انا وانتي ودتسن الدحمي ونسوي كشتة.. جربتها ياخيتي لها مفعول حلو بس بطئ على قولتلك.. امريني متى امر عليك.. ارسليلي تليفكس او دقي بيجر...:laugh3: . . يسعدك ربي ياسديم.. |
شوفي يا بعدي اذا الكشته بالنهار قداااام اما اذا بنجلس لليل انننسي << ما تخاف ابد هههههـ هو يعني مو خوف خوف بس خبرك يعني فيه اشياء تمر واشياء تخطف فجأه و احيان تسمعين اصوات فـ مايصير تالي الليل لحالنا اخاف ننجلط ما احد درا عنا ههههههـ . . . |
اووووستاااااااااااااااااااازه
اوستااااااااااااااااااااااااازه اوستااااااااااااااااااااااااااااااااازه عيدي مافهمت شي هههههههههههههههههه <<== بتنجلد بقووه والله وقصم قصمات اني ماافهمت ولا غاز من اللي سطرتيه فووق فما في الا حركه المتوااضعين امثال سديم احفر وبرد هع هع هع يسمنووووو غزووله بس ترى طالعتن معكم طاااالعه انتي وسديم لاتقولون مانستقبل كرووش هع هع هع |
غزالة الجنوب يعطيك العافية
معلومات مفيده ... سلمت اناملك |
| الساعة الآن 18 : 05 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]