باسم الولي مبداي في نظم الاشـــــعار = رب الملا خيره على الخلق فايض
محيي صماصيم الصحاري بالامطــار = يسقيه من وبل المزون النـــوايض
عقب المحل تزمي زمالـــــيق الاقــفار = ينت بها مر الشجر والحمايض
نشكر ثنى رب اـــــــلملا وال الاقــدار = الحمد له ماناض بالغيم نايض
ومن بعد ذكره جاز تصوير الافكـــار = هيض القريحه من جديد القرايض
نصايحٍ تهدى لوافين الاشــــــــــــــبار = نسوقها ضمن البيوت الغضـــايض
للمستجيب لدعوة الخلق بصــــــــــخار = يصغي صميم والقلب جايض
يالادمي افطن ترى الوقت غــــــــدار = عمر الفتى عجلاً ولو كان رايض
ورجلاً بلا ديناً يفكـــــه من الـــــــــنار = عليه عمره من كبار البهايض
لوطاف علمه من ورى سبع الابحــــار = اللي ماهو لله ماله عوايض
شجاع والاّ يمدحـــــــونه بالاذكـــــــار = بالطيب والنخوه بوقت الغمايض
خل العمل للي بخيــــــــــصا بالاسرار = اللي حوى علمه مقيماً وهايض
عليك في تقـــــــــوى الولي سر وجهار = تقوى الولي تحفظك يوم العرايض
افطن ليوم فيه يكـــــــشف الاستـــــــار = تِيبس جحيمه لينات اللحايض
يوما يحشَّر به صغــــــيرين وكبـــــــار = يشيب من حوله طليع النهايض
كلا يشوف ولا على عينه غـــــــــــــبار = زيل الغطى عن كل مملي وغايض
يالادمي مــــــــــــــا دمت تقدر وتختار = ما دمت في دار الفرص والعوايض
اغنم حياتك من قبل قصــــــف الاعمار = قبل يتبين ما حوته العرايض
ترى العمر وان جات ساعات الاحضار = عليه حسراتك طوالا عرايض
الــــزم عمود الدين واياك تحتــــــــــار = واترك سبيل مضيعين الفرايض
رافق هل التقوى هل العلم الاخــــــيار = اهل المكارم طيبين اللفايض
تلقى بصحبتهم حشيمه ومــــــــــــقدار = وعزم على الطاعه ولو به كضايض
سماتهم منـــــهاج من لاج بالــــــــغار = سنة نبيك يا عريب النضــــــايض
ليل ونهار احرص على طيب الاذكار = واشكر ثنى اللي للمخاليق عايض
للعيب ستارا وللـــــــــــــذنب غفــــار = ولايرتجي من رزق خلقه عوايض
للي دعاه بذل في جوف الاسحــــــــار = له يستجيب وجم رزقه نفايض
واحذر رفيق السوء مسموم الافكـــار = يجفاك لا حصَّل لزوم الغرايض
لو تنصحه جاله عن الحق مشمــــــار = بليس لقَّــــــاه العضى والشضــايض
أعرَض وجافى مجــلس الذكر بدبار = يمل مجلاساً يجي به وعـــــايض
يوم انعمى قلبه وعمين الابصــــــار = بدَّل عذيب زلالها بالخضايض
ياسرع مرواغه وللعـــــــرف نكار = بين الفعول وبين قوله نقــــــايض
صحبة جميع اللي عن الحـــق تندار = ترميك بأسفل سافلات الحضايض
خلك رفيق اللي على الكود صــبار = لك ينتبي عند الـــشداد الغلايض
عطه الوفى خلك على الطيب شكار = كلاً على مقدار فعله يقايض
واحذر معظَّة منكر العرف مكــار = غليل يعبالك جويـــد العضايض
نمام مغتابا وللـــــــشر نشـــــــــار = بهرج القفى تلقاه بالحكي خايض
احذر تجالس كل خايب وهــــــذار = أرفع مقامك عن ردي النعايض
وإياك من مزحٍ على غير معـــيار = ترى كثير المزح يرِّث بغايض
كم قالةً يكبر بها لاهب الــــــــنار = من كلمةً تلمس جروح ٍ نجايض
هذا وصلي الله على سيد الابرار = ما ناض برَّاقٍ وماطار هايض