|
موقف لا يمكن أنساه
بداية، آمل أن تسمح لي أختي رحيل لأني "لطشت" عنوان موضوع سابق لها لأطرح من خلاله موقف يفشل "ومش ممكن أنساه". هذا الموقف صار قبل عدة سنوات عندما أرسلت أوراقي من جدة لقريب ليّ بالرياض ليقدمها لجامعة الملك سعود. بعد كم أسبوع اتصلوا بي وقالوا أن موعد المقابلات الشخصية في اليوم التالي. حاول أبوي الله يرحمه أن يحجز لي بالدرجة السياحية اللي نعرفها، ولكن تعذر ذلك، وما كان قدامه إلا الدرجة الأولى. الشاهد طلعت الطيارة وكنت ميّت من الجوع، وكان المقعد الذي خُصص ليّ هو أخر مقعد في الدرجة الأولى جنب "حرمة متكشخة".. بعد حوالي 20 دقيقة من الإقلاع حسيت بالفرح لما ظهرت المضيفة وبدأت في تقديم الطعام للصف الأول. بدون تضييع أي وقت، قلت لنفسي خلني أجهّز "طاولة الطعام" . . . أنا متعود "في الدرجة السياحية" في المرتين الوحيدتين اللي ركبت فيها الطيارة من قبل على أن طاولة الطعام في ظهر المقعد الأمامي. طبعاً ما لقيت الطاولة، ولمحت "الحرمة الكشخة" اللي جنبي "تقنصني" بعينها تبي تشوف وش أسوي. وأخذت أدور بعيني أي أثر للطاولة ما لقيت، وفي نفس الوقت ما أبي أظهر قدام الحرمة أني ما أعرف وين الطاولة (عنطزة ما لها داعي). وفي ذلك الوقت، وأإثناء محاولات الكر والفر بحثاً عن طاولة الطعام، كانت المضيفة قد وصلت عندنا، وقالت فيه كذا، وفيه كذا . . . شو بتريد؟ واستمراراً "لعنطزتي" ، وحتى لا أقول لها أني ما لقيت طاولة الطعام، قلت لها: شكراً أنا شبعان. بعد ما قلت لها إني شبعان، شفت الحرمة اللي جنبي ترفع غطاء الجزء الأيمن من المقعد وتطلع الطاولة وتفردها قدامها "وتدق الوجبة عليها"، وأنا أقول بقلبي : بالعافية عليك . . بس لو تديني أي حاقة. المهم ، ما صدقت أوصل المطار . . وأخذت التاكسي إلى أقرب مطعم "كبسة" وانتقمت من الطاولة اللي ما كنت أعرف مكانها. (نصيحة من مقهور: طاولة الطعام في الدرجة الأولى – في الغالب- تحت "تكاية" المقعد ). |
رد: موقف لا يمكن أنساه
هههههههههههههههههههههههههههههههههههههههههه
ههههههههههههههههههههههههههه العنطزه وماتسوي ههههههههههههه << فاطسه طيب انت متأكد ان الطاوله تحت " تكاية" المقعد والا لا ؟ اخاف نتعنطز احنا بعد و نموت جوع الله يسعدك وربي ضحكت من قلبي |
رد: موقف لا يمكن أنساه
يا رب تدوم الضحكة اقتباس:
تأكدت من مكان الطاولة لأني من قهري رجعت مرة من المرات وأنا في سنة ثانية بالدرجة الأولى مخصوص علشان أفتح الطاولة من تحت تكاية المقعد اليمنى لأني كنت جالس عند الممر. عموماً، من باب الاحتياط . . اقترح أنك تاخذين معاك تموين احتياطي (سندوتش . . بسكوت . ..) للطوارئ لو ما لقيتي الطاولات هناك. دمتِ بصحة وسعادة. |
رد: موقف لا يمكن أنساه
هههههههههههههههههههه
مافيك حيله لا تعليق |
رد: موقف لا يمكن أنساه
ههههههههههههههههههههههههههههههههههههههههه
هههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه هههههههههههههههههههههههههههههههههههههههههههههههههه هههههههه الواحد لما يجرب شي جديد عليه لازم يسير موقف معاه بس الحمدلله ما قد صار لي موقف بالطيارة احس كل الناس تنتبه لك مو زي اي مكان ثاني يعطيك العافية |
رد: موقف لا يمكن أنساه
أختي رحيل .أسعدني تفضلك بالمرور، دمتِ بخير وعافية، وبأبتسامة دائمة |
رد: موقف لا يمكن أنساه
أشكرك أختي التوليب لجميل مداخلتك، الله يديم عليك السعادة الحمد لله ان الأمور ماشية معاك في الطيارة بدون مشاكل، دوم إن شاء الله، دمتِ بحفظ الله. |
| الساعة الآن 27 : 10 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]