|
يلوموني.....على حزني......
مرحبا.....
وهذا شيء جديد اتمنى ان ينال اعجابكم وان يكون غير سابقه... يلوموني على حزني على دمعي وآهاتي يلوموني على جرحي وعلى كثر الألم فيني يلوموني على همي وليه تغيب ضحكاتي يلوموني على كل العنا اللي دوم يغليني يلوموني على حرفي وعذابٍ وسط كلماتي يلوموني على حبي وليه تخونه سنيني يلوموني كثير ومادروا وش هي معاناتي وجيت اليوم أنا بأحكي لهم, والقصد يعنيني أنا يالايمي حزني يخطه ملح دمعاتي وجرحٍ داخل أعماقي تصرخ له شراييني وهمي لا ضحك غطى على البسمات بشفاتي وعناي اللي غدى عاشق صار يحب يحويني وحرفي من عذابي صار مظلم في كتاباتي وحبي خانه اللي كان يخدع قلبي وعيني ويلوموني بعد مرات وليه آعدّ ساعاتي وليه الوقت بحسابي قصير وحيل يطويني ويلوموني بعد أكثر على الوحده بعاداتي وليلٍ اسهره وحدي وظلامه حيل يبكيني عرفتوا ليه كنت اللي على بعضي مع آهاتي عناوين الالم كله وأهاجر في عناويني تحياتي اخوكم الهاجر |
هلا وغلا الهاجر
مشاركة رائعة ابداع معهود والله حاله ياصاحبي حتى على الحزن محسود وملام!! احنا وش بقى لنا أصلا غير الحزن والألم ومع ذلك محسودين تقبل تحياتي وتقديري |
هلا وغلا تطوير...
يعطيك العافيه على مشاكرتك..... للأسف هذا هو حال الدنيا اخذت كل ماهو جميل وتركت لن الاحزان حتى الغالين والناس الطيبه اخذتهم وخلت لنا ذكراهم..... اتمنى ان تكون كل ايامك افراح وسعد... وان يبعد الله عنك الاحزان.. تحياتي اخوك الهاجر |
عناوين الالم كله وأهاجر في عناويني
هلااا هااجر
روعه .. أهل الملامه يا هوى ابداع منك لك تحياتي |
مرحبا....
يعطيك العافيه اخي الغالي الجبل الابيض على تواصلك ...... وكل الروعه اللي في الكتابه هي من اعينكم وردودكم التي تميز كل قصيده او خاطره.... اتمنى لك التوفيق والمزيد من التقدم... تحياتي اخوك الهاجر |
بصرااحه
ومن غير مجامله اقول ولا بلاش :D طيب خلاص بس من غير ضرب :D روووعه مشاعر رااائعه صادقه وقصيده اروع تسلم يدك الهاجر :) |
يلوموني على حزني على دمعي وآهاتي
يلوموني على جرحي وعلى كثر الألم فيني يلوموني على همي وليه تغيب ضحكاتي يلوموني على كل العنا اللي دوم يغليني يلوموني على حرفي وعذابٍ وسط كلماتي يلوموني على حبي وليه تخونه سنيني يلوموني كثير ومادروا وش هي معاناتي وجيت اليوم أنا بأحكي لهم, والقصد يعنيني هلااا الهاجر من يلومك اذا كانت اغلب الناس تدمع وتنجرح وتتألم من يلومك على هموم هي مرافقه له ما فيه حزين بيلوم حزين والله اصبح الحزن والألم رفيق درب واصبحت الفرحه محسوبه في هذا الزمن كلماتك رااااائعه مؤثره جداً الســ زهرة ــوسن |
مرحبا.....
اواختي الاعزاء لولوة القلب و زهرة السوسن.... شاكر لكم التواصل المميز وهذا هو ماجعل الشعر يتميز ... ويكون دافع قوي لمواصلة الكتاب وطرح المشاركات معكم... اتمنى لكم التوفيق والمزيد من التقدم..... تحياتي اخوكم الهاجر |
يلوموني على حزني على دمعي وآهاتي
يلوموني على جرحي وعلى كثر الألم فيني يلوموني على همي وليه تغيب ضحكاتي يلوموني على كل العنا اللي دوم يغليني يلوموني على حرفي وعذابٍ وسط كلماتي يلوموني على حبي وليه تخونه سنيني كلمات جميله ورائعه ياغالي تقبل منى اخلص الاماني اخوك احساس انسان |
مرحبا......
يعطيك العافيه اخوي الغالي احساس انسان ..... وهذا شيء من تشجيعكم وتواصلكم مع المشاركات...... اتمنى لك التوفيق...... تحياتي اخوك الهاجر |
| الساعة الآن 03 : 01 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]