|
وينك يابنت عنيزة ( يستاهل والا مايستاهل)
السلام عليكم ورحمة الله وبركاته
هذه قصيدة على لسان زوج موظفة اقرأوها وانظروا ماذا حدث له (باللهجة القصيمية ) لي زوجة حبه يتــل المعــاليق ......... ... عرسي عليها العام باول شباطي من روحته والزاد بالبيت ماذيق .............. ولا اميز العلم القوي والخراطي بياض وجهه من بياض الغرانيق .............. وخدودها ياخوي مثل الطمــاطي ومدرسه مع زين كل التخاليق ................ وزود على هذا تعـرف الخياطي وجابت رويتبها وصفـقت تصفيق .................. تسـعة الاف كلهن بالمــغاطي وصكت عليه بغرفته بالصناديق ............. وغطت على صندوقهن بالبساطي وديتها تشري قدور واباريق ................. وانا انطلقت للبيت يم الشناطي واخذت سبعة الاف معهن تلاحيق ............ وخليت انا الف وخمس معهن افراطي عرفت وقالت عندك اليوم ماليق .................. واللة لوتربط برجلي ارباطي وانا عرفت اني توهقت توهيق ................... يااللة يارب اتهديـن الصراطي وقالت لخوها كل شي بتوثيق .................. وجاني حلال القوم راع النشاطي ثمن ضربني ضربة تيبس الـريق .................. وقام وفرشني فرشته للــسماطي وقام يتوطاني بليا ترافيق ................... ويرجد علي ويمسحن بالبلاطي واوجس بصدري عقب ضربه حشاريق ....................... قمت اتنفس عقبها من اباطي لي تسعة ايام وانا بي تشاهيق .................. عجزت اسولف كن فيني اسقاطي براسي صعارير اسواة الزرانيق ...................... ومضارب بالبطن مثل المقاطي ولا ضاق صدري قمت اجمع طوابيق ..................... و الى توسع قمت اجمع قــواطي انا احمد اللة بدّل الضوق بالضيق ....................... والهم من راسي نزل للمواطي ( وش رايك يستاهل والا مايستاهل ؟؟ ) |
هههههه
رهيبه اموله واترك المكرفون لبنوته عنيزه ;) |
حراااااااااااااااام عليكم كذا ,.,.,
ليش ضربتوا الرجال المسكين ,.,, فين التربية الحديثة ,., التي تمنع استخدام الضرب ,., بعدين ايش سوا هو المسكين ,., كلها سبع آلاف ,.,, يا ليت شئ يستاهل بعد ,.,, بس وش نسوي ,., حسبنا على الظالم :( هاه بكيتوا و الا لسا :D |
يا جمعية حقوق الانسان
يا أهل الخير لحقوا على الرجال راح فطيس................ هذولا الحريم ان حبوك خلوك تا صل السماء وان قلبو عليك مالك الا حقوق الانسان وان كان قدرت بعد لكن اقول انة يستاهل ما جاة لأنة غبي وما عرف يوقت والا لا بغى شيء من هالرعبوبة ياخذة في ساعة البسط الي لو يبي عيونة فككتهن وعطتهن اياة... مسكين دفع ثمن عجلتة اقول بقايا ما تفكينة من دراكولا هذي ينوبك الاجر والثواب اوخيتي تحياتي |
تسلمين لي عزيزتي لولوة
ومثلك أنا انتظر بنت عنيزة ماأدري وينها لي فترة ماشفتها . ----------------------------------------------------- اخوي ملجلج / هذي بنحطها في ملفك اللي عندنا في المكتب : يؤيد السطو على راتب الزوجة :mad: وشوف عاد منهالمجنونة اللي بتوافق تتزوجك :) خلك عزوبي أحسن :D ---------------------------------------------------------- اخوي نمر |1| |1| |1| أفا عليك أفكار رهيبه :D الله يعين ام العيال عليك أكيد انك مدبر امورك بهالطريقة :D بعدين الحرمة مسكينة هذا جهدها وتعبها يروح يسرقه وياخذه بارد مبرد :mad: لا مايحق له :mad: واللي جاه اقل من اللي يستحقه:D |
هعهعهعهعهعهاااا
ايه ابعدي والله يستااااااهل ماجاه:D مبين انه داخلن على طمع..والغبي كشف امره بنفسه خليه يذوق حوف ايدينه ويصير عبرة لمن يعتبر..:mad: :mad: وانا اشوف بعض ناس قد دب في قلوبهم الرعب.:p تسلمين اموله......:D |
أقول ,.,..
ما صار هذا اسلوب للتعامل ,., كل شئ يجي بالهدوء و التفاهم ,., ما له داعي استخدام القوة و الضرب ,., مو معي انتم :confused: :confused: :confused: |
تسلمين بنت عنيزة بردتي على قلبي :D :D
-------------------- ملجلج |109| |112| |
لجلووووج
رجاله تخاف ما تحتشيش;) ما تجيش الا بالعين الحمرا قايليناها الحيطه اجدع ;) |
لولوة حبيبتي
ذكريني لما اروح المكتب اشوف لملجلج عروس من محو الأمية :D |
| الساعة الآن 47 : 07 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]