اعذروا وافي على ازعاجه ..!!
مادام مالك بقلبي يالغضي حاجه=رده تراني لقلبي حييييل محتاجي
رده بجرحه ومتنازل عن علاجه =وعسى الزمن لي كفيل ببلسم علاجي مادام شرع الهوى ضيعت منهاجه = وش هو له اتعب ونهجك عكس منهاجي يالصاحب اللي تذوب الشمس بحجاجه = لاوالله الا قتلت لضحكة حجاجي حبك بروحي سرى في ليل معراجه = وامضى بدمي على ميثاق معراجي واصبحت قلبي عليكم زايد خلاجه = وامسيت كلي حنين وشوق وخلاجي وقمت اتقلب مثل بن على صاجه = صبر وصبره نفد لين اقلق الصاجي من بعد ماكنت نور القلب وسراجه = اليوم اقول أمس كان لقلبي سراجي اليا اقبل الليل همي جهز افواجه = واليا انهزم فوج تاخذ ثاره افواجي في بحر حزني غريق اصارع امواجه = اشهق وارد الزفير بغبة امواجي والرجل صارت مع الخليان دواجه = يالين سموني العربان دواجي يامن هو اللي لنفسه دور احراجه = مثلي من اجلك وضعت النفس باحراجي كان انت صدقت فيني هرج هراجه = انا الذي ماسمع بك هرج هراجي ترى صحيح البخاري غير ابن ماجه = والملح لو زاد نعرف نكهة الماجي عزااه ياقلب ضيع درب مخراجه = ضيعتني قبل اعرف لدرب مخراجي العيد قرب وكل ينظر افراجه = وانا الذي مانوى المحبوب لافراجي ياخيبة الحظ لامن عاد بادراجه = وعودت مكسور خاطر تايه ادراجي طولتها واعذروا وافي على ازعاجه = والمعذرة ياوليف الروح لازعاجي :e012: |
مساء الخير
اهلين..وافي.. صـح لسـانك.. قصيده جميلـه.. شكـراً.. تحيااتي :) |
الله الله الله
ترى صحيح البخاري غير ابن iiماجه والملح لو زاد نعرف نكهة الماجي وش هالزين ياوافي انشهد انك مدرسه لشعراء بعدين شكلك تحب ماجي ههههههههههههههههههههه اقول اعترف منهي هي ماجي والا غيرها صح لسانك ياشاعرنا الكبير القدير |
أخوي الوافي
صح لسانك وتسلم تسلم يالغالي تحياتي طارق |
.........
... مشكور الجوال وما قلت لي الدقيقة بكم والا برضو غالي والا يعني يعني ..! الف شكر لتشريفك وللاطرااء منكم الابداع واليكم كلك ذوق شرفت جوالوووه ... |
ياسلالالالالالالالالالالالالالالالالالام
على هالكلام اللي يطيّر من النوم صح لسانك ولا هنت ياشوق البنت:) تحياتي |
نظراً لتكرار المشاركه يتم نقلها للارشيف 00:p
الوافي وكبيرنا الذي علمنا الحزن والوفااء 00 صح لسااااانك 00 قصيده قوويه لشاعر قووووي 00 جزله من جزل 00 بس لا عاد تكرر مشاركاتك وتبخل بالجديد 00 اخت الجميع رعبوووبه |
الشاعر الكبير والقدير
وافي صح لسانك ولاهي غريبة على شاعر بحجمك تقبل فائق الاحترام ولاهنت اخوك تركي |
صح لسانك ياوافي
مع انها مكرره الا انها تبقى رائعه يعطيك العافيه تحياتي |
.........
... ابو سعود اي ماجي بس يابو سعود :) صوم ياراجل وخل العالم تصوم الف شكر لتشريفك وللاطراااء الرقيق والعذب ولمداخلتك اللطيفة منكم الابداع ياقمر كلك ذوق شرفت ابو سعود ... |
الساعة الآن 11 : 01 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas