أنـا ماعـاد مثـل أوّل تغيّـر كـل مـا فينـي=تغيّر لون وجهـي والقلـم والثـوب والسّاعـة
تغيّر في السما لون السمـا واسـود فـي عينـي=ونبض القلب ضايـع بيـن مصيافـة ومرباعـة
أنا ماعـاد مثـل اوّل بيـاض الوجـه يغرينـي=واجيه ابلهفتي كلّي ولا ارجـع غيـر بوجاعـه
تصدق عاد حتى اللـي تغلغـل فـي شرايينـي=أحب انساه واطفي في عيوني ومضـة اشعاعـة
وحب انسا ة وانسى كل شـيِّ لـه يـودينـى=مدامه مـا يبينـي ليـه اجيـه بنفـس ملتاعـه
أقـول الاّ بجيـه ولـو لـه الجيّـة تعنّيـنـي=اجيه بوجه ثاني غير الاوّل واقلـب اوضاعـة
وابرحل بعدها برحـل وابرحـل مـن عناوينـي=وابترك عقرب السّاعـة يسيـر ويلعـن السّاعـة
وبطلب مـن أبـوي العـود مـرّة لايوصّينـي=أنا قلبي معـي ماعـاد ابتـرك قلبـي اوداعـه
تركته عقـد كامـل عنـد ذاك اللـي مسوّينـي=حبيبه وثرني لانـي الحبيـب ولا مـن اتباعـه
لعب بـي عقـد كامـل يعنبـو جـدّه مورّينـي=نجوم الظهر والطّاعة كما يبغـي هـي الطاعـة
تخيّل عقد كامل كـم جرحنـي جـرح يدمينـي=وهل حينـه يبينـي وردتيـن وغصـن نعناعـه
حبيبي اخجل على دمّك ترى مـا عـاد يمدينـي=غرق مركب غرامك في البحر وندسّ في قاعـه
عطيتك كلّ مـا عنـدي ولا كفّـاك وش فينـي=بقى غير العذاب اللـي لفانـي منـك بانواعـه
حبيبـي ارحـل فمـان الله ياصبـحٍ معنّيـنـي=ومهديني مقاطع كلّ هم وكل جرح من اوّل إيقاعه